$$ دعوات لحضور حفل تنكرى $$

انه البحر يا صديقي

ادركت ذلك عندما ادرجت كلمة (الغدر) في الموضوع

يالهوي عليا في الفصحي , فظيع اوي

بجد كان قصدي البحر
يلا اااااااااااااا عايزين شخصية جديده

اتلفت حولي يمينا وشمالا....اتسلل بهدوء...كل شيء يبشر ان العملية ستتم بنجاح...والهدوء يعم المكان...ارى ذلك الجدار الشاهق يقف في طريقي...ولكن لا شيء يعوق عزيمتي...حتما لهذا الجدار نقطة ضعف...ادور حوله عدة دورات...فجأة المح ذلك الثقب الصغير...ابتسم ابتسامه النصر وانا ادس جسدي الصغير لاعبر من ذلك الثقب الضيق....يا لذكائي الخارق كل شيء كما خططت له...وانا الان استعد للمهمة التي اتيت لاجلها.....ولكن مهلا...اسمع اصواتا غريبة...كانها ازيز طائرة او .....شيء مااااااااااا يقترب....شيء لم احسب بالتاكيد حسابه...ما هذا....انها صواريخ نورتن 2007ومكافي....النجدة...النجد......
after search :found one virus and destroyed
mission is done

كنت في الاول شكلى مش حلو
كل اللى يبص عليا يدايق
منبوذه.....وحيده.....ماليش لازمه(كل اللى يشوفنى يقول كده)
بس انا ورايه مهمه لازم تتم بكل اتقان
انا لازم اعمل بيت يكون مبنى على الشعره
انا اللى بأستفيد منه والبشر استفادوا منه وعملوا بيه اغلى الحاجات
بنيت البيت وقعدت فيه لحد ماطلعت منه ملكه جمال
اللى يشوفنى يقول :سبحان الله
كل اللى يشوفنى يحاول يمسكنى
بس ازاى .....دا انا بأعرف اتصرف كويس والكون كله دا ملكى

حرام عليك

سيبني طول السنه لوحدي ...ولا عمري جيت على بالك

انت اتغيرت في الفتره الاخيره دي بجد

اتغيرت اوي

ده باين من نظراتك

من لمساتك

بحس بالتوتر والعصبيه في لمستك

بتضغط عليا اوي

وانا مش هستحمل كده

انت عارف اني بسمع كلامك

بتقلي روح يمين بروح

روح شمال بروح

صدقني هيجي يوم وهترميني..ده احساسي

بتاكلني لحم وترميني عضم

صدقني لو الوضع استمر كده انا مش هكتب تاني روح شوف قلم تاني فرنساوي خليه ينفعك يا قليل الاصل

زائر

نعم أنا دائما معكِ .... لا أفارقكِ تقريبا ..

أعود بذاكرتي إلي الوراء .. ستة أعوام هي مدة معرفتي بكِ .. حاجتكِ إليَّ فقط هي السبب في هذه العلاقة الوطيدة بيننا..

أشعر أنني قد صرت جزءً لا يتجزأ منكِ ..

طريقنا دائماً واحد ...

ورغم قسوتكِ عليََّ وإهمالكِ لي في بعض الأحيان إلا أنني أعلم أنك لا تستطيعي الإستغناء عني ..نعم لايمكنك أن تكملي طريقكِ بدوني...

أتذكر يوماً قمتِ فيه بكسر ذراعي ...و أتذكر هذا الندم الغير عادي والذي ظهر في عينيكِ بالذات .. إذ كيف ستكملي يومك ِوأنا غائبة عنكِ..

أتذكر بحثك الدائم عني عندما تشتد حاجتك إليَّ وأنا قابعة أبتسم من تصرفاتك في أحد

الأماكن التي نسيتيني فيها إما تحت أحد الكراسي أوتحت السرير أو فوق الثلاجة أو حتي

داخلها .. إلي أن تعثري عليّ وعليَّ وقتها أن أتحمل لعناتك بسبب خطأ أنت السبب فيه ..

ورغم ذلك فأنا سأبقي معك وأحتمل قسوتك وإهمالك لأنك رغم ذلك تصفيني بالعزيزة عليك وترفضي نصيحة أصدقائك عندما يقولون (سيبك من النضارة دي بقي واستخدمي عدسات )!!!!!!!!!!!!!

يا حلاوة يا ولاد

دا ايه الابداع و الفن اللي طلع في الموضوع ده

بجد كل شخصية أجمل من اللي قبلها

أنا بصراحة حاسس أن الموضوع ده مكانه منتدي وحي القلم

جميلة اوى الشخصيات اللى انتوا لبستوها وبصراحة حيرتونا معاكو بس ما كنتش متوقعاها خالص

نورتوا الموضوع

تسلموا للمرور

ايه النشاط الى حصل مره واحده ده
بس الشخصيات جميله و فيها شغل كويس

ابعث لكم بكلماتي من اكثر الاماكن طمأنينة في هذا العالم الغريب , صدقوني لا يوجد مكان اخر يضاهيه دفئا , دعوني اعود بالذاكرة عدة اشهر للوراء , كنت اعيش في مكان شديد الظلمة , ضيق جدا , كانت طريقة معيشتي مختلفة عنكم , كنت اتطلب رعاية خاصة , اتناول غذائي من خلال انبوب , كانت طريقة حياتي مختلفة كليا وجزئيا, ارجوكم لن احتمل سخريتكم لذلك من لا يستطيع ان يكتم تلك الضحكة اللعينة فليخرج من مجلسنا , اعود الي حياتي , كنت وحيدا جدا , انا وحدي اعيش في عالمي , اغفري لي تلك الزلة يا حبيبتي , اقصد انا وهي وحدنا في عالم جميل , هل تدركون اني احببتها مع اول نبضة في قلبي , نعم اني اعشقها عشقا يجعلني اصرخ بأعلي صوت قائلا : بحبك , ولو كان صراخي في استاد مليء بالناس اثناء مباراة نهائي كأس العالم , صدقوني لن احمر حجلا , في حبها عرفت المعني الحقيقي للحياة , عرفت كم انا بكل احاسيسي ومشاعري صغير امام ابتسامة واحدة , واحدة فقط من فمها الجميل , هل ستصدقوني لو قلت لكم اني لم ارها الا منذ عدة ايام ؟؟ وعلي الرغم من هذا اعيش قصة الحب الاجمل والاروع في التاريخ , قد يتسائل البعض : طيب ليه لما انت بتحبها كده , ماقابلتهاش من زمان ليه ؟ كما قلت لكم من قبل ؛ انا في وضع مختلف عن باقي البشر , اسمحوا لي ان اوجه لمحبوبتي كلمات نابضة بالحب : سيدتي ؛ صدقيني انا احبك حبا تعجز كلماتي القليلة عن التعبير عنه , لازلت اذكر يوم اللقاء بيننا عندما شاهدت وجها لاول مرة في حياتي ؛ لم يكن وجهك كما كنت اتوقع ولكنه كان وجه ذلك اللعين الذي ضربني حتي ابكي , ادرك ان تلك الضربة ضرورية كي يعمل جهازي التنفسي ولكن ماذا افعل ؟ انت تدركين عصبيتي كما ان الضربة المتني , ذلك الرجل كان يرتدي رداء ابيض ونضارة غريبة الشكل , ظللت ابكي حتي رايت محبوبتي , حتي لامس جسدي قلبها , بالتأكيد كانت تلك المنظقة هي التي يوجد بها القلب , صوت وحيد الفته اذناي , عشقته حواسي , انه صوت دقات قلبك , عندما سمعتها مرة اخري بعد ان ضربني ذلك اللعين عادت الطمأنينة مرة اخري الي قلبي ونمت وانت ظللت تنظرين الي , سيدتي ؛ بعد هذه الكلمات الضئيلة لست اظنني بلغت درجة العاشق الوفي التي رسمتها في خيالي , ولكن هذا وعد قطعته علي نفسي , حتي اخر قطرة من دمي , سيظل حبك يسكنني ويملأ حياتي بهجة وسرورا ,,,

الي من كانت الاولي بحياتي , سلامي حبي واجمل امنياتي .

والان هل عرفتم من انا ؟ او هل عرفتم من المحبوبة التي اتحدث عنها ؟

هايل يا شمندى

وطبعا الشخصية هى الجنين

والمحبوبة هى الام

بجد انت جسد الشخصية بطريقة جميلة واسلوب رائع

ربنا يوفقك وتمنى نشوف جديدك دائما

SUN SHINE كتب:: كنت في الاول شكلى مش حلو
كل اللى يبص عليا يدايق
منبوذه.....وحيده.....ماليش لازمه(كل اللى يشوفنى يقول كده)
بس انا ورايه مهمه لازم تتم بكل اتقان
انا لازم اعمل بيت يكون مبنى على الشعره
انا اللى بأستفيد منه والبشر استفادوا منه وعملوا بيه اغلى الحاجات
بنيت البيت وقعدت فيه لحد ماطلعت منه ملكه جمال
اللى يشوفنى يقول :سبحان الله
كل اللى يشوفنى يحاول يمسكنى
بس ازاى .....دا انا بأعرف اتصرف كويس والكون كله دا ملكى

على فكره دى الفراشه

وااااااااااء واااااااااء ايه يا شمندى بتقول على الدكتور لعين؟ هههههه شكله ضربك جامد قوى

يا اما انت كنت نازل عصبى و مخنوق حبتين

بس جميل الكلام يا عم شمندى

كويس انك قلتلينا يا صن

انا الحقيقة ما كنتش عارفاها وكنت مستنياكى تعلنى عنها

تسلم ايدك يا قمر على المشاركة الجميلة

زائر

الموضوع دخل في اطار الابداعات الفنيه كما قال الدكتور ماس
لذا تم نقله الى منتدى وحي القلم
ونرجو المزيد دائما

اتحمل الكثير والكثير ولا يشكرنى احد

اتحمل تنطيط الصغير وحمل الكبير ولا احد يشعر بتعبي

لي العديد من الاخوات منهم الكبير والصغير

اكون سبيل لراحة الجميع ولا احد يفكر براحتى

ولي اربع اقدام اتحمل بيهم حمل البشر

وحينما تكسر قدماى اشعر بالعجز لان لا يداوينى احد

فاما انا يلقي بي في النفايات او الي النجار لتصليحى

ولكن الشرخ يظل بي وعندما اعجز ادفن دون ان يسال احد عنى

يفرحون اهل المنزل لانهم يمتلكونى فانا سبيل راحتهم وعندما يحل ضيوف اكون اول من يستخدمونه

وفي النهايه اعانى من ظلم البشر فلا يدركون انى اتالم لانهم لا يشعرون ان لي فضل عليهم

وبدونى لا يجدون سوي الالم من الارض

والان هل عرفتمونى ام اننى ساظل مجهول هنا ايضا

أيوة نسيت أشكر الادارة على تثبيت الموضوع

جزاكم الله خيرا

و مشكورين للاهتمام

دمتم لنا بكل خير

انها الكنبة يا عزيزتي

ههههههههههههههههه
صح ؟؟؟؟؟؟؟؟؟؟؟؟؟؟؟؟؟؟؟

هههههههههههههههههههههههههههههههه

مظبوط

الكنبة او الكرسى او السرير

اى حاجة بتريحنا واحنا بنتعبها ونزعجها

انا لسه شايف الموضوع ده دلوقتي
بجد بقى من غير اي نوع من انواع المجاملة الموضوع فذ وجميل جدااااااااااااااااااااااا

انا بموت في حاجة اسمها خيال

وهدور على شخصية و اقولها ان شاء الله

ارتديت ملابسي وذهبت مسرعا

اليوم سألقاه وفي الوقت المحدد سوف اراه

اعتقد انه لايترك مكانه ابدا علي الرغم من نشاطه

وجدته في انتظاري , ليس تشريفا لي ولكنه عمله

ربما يجوب الارض من جنوب البلاد الي الشمال ولكن

تاكد من انك ستجده في المكان المحدد

كالعادة القيت عليه التحية , انا اعتبره صديقي الصدوق

وجدته ايضا حزينا كماهو منذ فترة ليست بالقصيرة

في الاوقات العادية انا ابثه همومي , احكي وهو يسمع

ولكن هذه المرة لم استطع ان اتجاهل دموعه , بعد اصرار مني بدأ الحديث

طلبت منه ان يحكي قصة حياته كلها من البداية

- انا يامان عمري كبير اوي , انا عايش من زمان جدا , طول عمري بحب الناس

الشعب بتاعنا ده طيب اوي , علي طول معاهم وهم معايا عالحلوة والمرة

بيستحملوني لما تكون احوالي ماتسمحش اني اخرج من جيبي , بس انا برضه

لما بيكون معايا بصرف من غير تفكير , والله مش بمن عليهم بس انا بحبهم

- عارف والله يا قلبي , كمل

- بصراحة الناس بقالها فترة بتعاملني وحش اوي , انا بديهم احسن حاجة عندي وهم

بيبعتولي اوحش حاجة عندهم

- جابولي امراض وبقيت ملوث جدا

- ملوث ؟؟

- أه , ملوث

- في ناس بدأت تساعدني بس مش كل الناس بتساعد

بدا التأثر الشديد في كلامه واحسست انه سيبكي مرة اخري

- تعرف يا مان ان الفراعنة كانوا بيحبوني اكتر منكم

- الفراعنة ؟؟؟؟؟؟؟؟؟؟؟؟؟؟

- اه يا عم , انا عجوز اوي

- ياعم ربنا يديك طولة العمر بس كانوا بيحبوك لدرجة ايه مثلا ؟

- بيحبوني لدرجة انهم كل سنة كانوا بيبعتولي اجمل بنت عندهم , وكمان

كانوا عاملين عيد باسمي

- والله انت طيب وتستاهل كل خير ولو ان حكاية البنت دي غريبة

- لا وكمان ايه

- ايه ؟

- في ناس برة مصر بيحاربوني ومش عاوزني اجي مصر بكل قوتي

- بس احنا مش هنسكت

- هتعملوا ايه ؟

- اقولك بصراحة ومن غير ماتزعل ؟

- قول

- انا مش هضايقك زي ماانت عارف اني بحبك وهكلم العيال اصحابي في المنتدي

بتاعنا انهم يساعدوك كمان

- ياريت كل الناس تعمل زيك كده

- يابني ماسمعتش اللي قال ..........

- قال ايه ؟

- قال عني كلام كويس اوي بس مش فاكر , انا فاكر انه كان مؤرخ من بتوع زمان

- انا هحاول افتكر

- بس قولي يا مان

- يامان

- مش بهزر بقه , قولي اخبار الحب والاجازة معاك ايه

- كله تمام وقفل بقي عشان احنا معانا ناس , انا قلت اننا هنحاول نساعدك بس

مش هتعملي شغلانة بقه

- خلاص انا هسيبك عشان طالع فوق لان فيه ناس كتير محتاجني

- وانا كمان هوروح

- هشوفك امتي تاني ؟

- مش عارف والله ممكن علي بداية الدراسة

- سلام

بعد ان تركته وسرت عدة امتار تذكرت , انه يتحدث عن هيرودوت ,

نظرت خلفي , وجدته قد هب باقصي سرعته لتوصيل خيره الي من يحتاجه

لم اتمكن من ان اخبره بما قاله هيرودوت عنه , ليته يعلم كم نحبه ,

جامدة جدا الشخصية يا شمندى

واسلوب الحوار عجبنى اوى

واكيد طبعا الشخصية معروفة وكلنا بنحبها

النيل

واكيد ان شاء الله الناس هتسمع ندائك وهتهتم بالموضوع ويحافظوا على نظافة النيل لان زى ما

احنا عارفين هو شريان الحياة فى مصر وفى بلاد تانية

sir lankeshtin سيف الغضب كتب:: انا لسه شايف الموضوع ده دلوقتي
بجد بقى من غير اي نوع من انواع المجاملة الموضوع فذ وجميل جدااااااااااااااااااااااا

انا بموت في حاجة اسمها خيال

وهدور على شخصية و اقولها ان شاء الله

جزاك الله خيرا يا سير

وفى انتظار شخصيتك ومشاركتك معانا

زائر

عايزين يا جماعه شخصيات جديده

الحمد لله إن أنا مش هكبر

وعلى ايه أكبر و أعيش في دنيتكو

دي يا أستاذي مش دنيا دي غابة

اللي بيكره و اللي بيحقد و اللي بيحسد

لا لا لا وعلى ايه يا أستاذي أوجع دماغي

عارف عارف حضرتك هتقولي زي ما في وحش في الحلو

فيه الحب والتعاون الصداقة

بس أنا بقول لسياتك مش كتير

وبعدين مضمنش ألاقيهم فعلى ايه أشغل بالي

أنا هتعذبلي شويه

أينعم صعبين بس طبعا الحمد لله

دى أنا بكره هموت و بإذن المولى هخش الجنة

ويخش معايا بابا و ماما وستو

واخويا واختي وجدو

لا يا عم بلاش دنيتكوا

دي يا دوب كفاية عليها يومين

الحمد لله أنا مت ................ وبإذن الله هخش الجنة و معايا أهلي

عقبلكم أنتو بقى

مين في الدنيا دي كلها أدي

طفل مريض بالسرطان

» دعوات يهودية لاقتحام الأقصى
» دعوة لحضور محاضرة للدكتور فاروق الباز