$$ دعوات لحضور حفل تنكرى $$

سنقيم احتفالا

تتلالئ أقلامنا به بنبض جديد

ومساحه واسعه

تتحرك بها المشاعر بشكل تنكري

تلامس أحاسيس قد تكون شبيهة بأحاسيسنا

باب جديد فتح أمامك

خطوات قليله تفصل بينك وبينه

ماعليك سوى أن ترتدي زي تنكري

تخفي من ورائه شخصيتك

وتتقمص احدى الشخصيات اللتي تختارها

وتعبر عنها بلسانها

تحكي عن خلجاتها ومشاعرها تارة

وتمضغ ألمها تارة أخرى

باختصار

المطلوب أن تلتفت حولك

وتختار شخصيه

أو أي شيء آخر محسوس

وتتحدث بلسانها

كأن مثلا تتقمص شخصية طفل متضرر

ليس لديه القدره على التعبير

فتعبر أنت على لسانه وتوصل للآخرين مأساته

أو تتحدث بلسان رجل مسن ,

أو بلسان عامل ..أو بلسان شاب

أوبلسان فتاة ..أو بلسان طالب ..أو بلسان معلم ..الخ

كما يمكنك أيضا تتقمص الأشياء المحسوسه والجامده

كأن تتقمص الطير , أو السماء , أوالجبل .. الخ

نريد أن نسافر معكم في خيال واسع

تبعث الحياة في كل شيء من حولنا

تمتزج بفيض خيالكم الخصب

بلوحة فنية رائعة

وسأكون أنا أول المدعوين فى هذا الحفل التنكرى

وبانتظار مشاركتكم

أنا بلا ماضى
أنا بلا حاضر
أنا بلا مستقبل
خرجت للحياة لأجد نفسى ملقيا على الطرقات
لا أهل لى ولا أحد بقربى
لا أعلم كيف أتيت أو لما أتيت غير أن الله قدر لى ذلك وكتب لى الحياة
يرفضنى المجتمع دون أن يعطينى فرصة للحياة
تكرهنى الناس دون احتكاكهم بى
كلما اقتربت منهم يهرب البعض لشعوره بالقرف
أو يرمون لى النقود متعالين من خلف زجاج سياراتهم لابعادى عن طريقهم حتى لا ألمسهم أو اقترب منهم
لا أجد أحد بجانبى سوى من هم مثلى نتعاون أحيانا لنعيش سويا وأحيانا أخرى نتقاتل فيما بيننا
نعيش بمبدأ البقاء للأقوى
وبالرغم من تكدس هذا البلد الواسع بالمبانى والناس الا أننى لا أجد مكانا لى بينهم
تجدنى هائما فى الشوارع أبحث عن قوت يومى بشتى الطرق المشروعة وغير المشروعة
فأنا للجريمة والادمان
تجدنى نائما على الارصفة فى أقسى الأيام مناخا يقرصنى البرد ويبللنى المطر
فلا أجد ما يدفئنى أو يحمينى
تجدنى على الأرصفة فى الأزقة والميداين
تجدنى تحت الكبارى وفى جوانب الطرقات
وأخيرا تجدنى مدهوسا تحت عجلات السيارات وسط الطرقات أو مرميا قتيلا على يد أحد الأصدقاء أو بفعل المخدرات
ترى هل عرفت من أنا ؟

نعم أنا هو طفل الشوارع
الشوارع هى أمى
والشوارع هى أبى
والشوارع هى كل عائلتى
وأيضا الشوارع هى بيتى
فان أردت مساعدتى
تجدنى هناك فى بيتى
الشوارع ......

فكره روعه يا وايت هارت
هاحاول اجهز شخصيه ان شاء الله و اكتبها

ميرسى اوى يا سويت

والحمد لله ان الفكرة عجبتك

وفى انتظار مشاركتك

لا زلت اذكر حياتي بالامس القريب قبل ان يتم ادخالي في حياتك عنوة

دخلتها رغما عني , كيف تقارن زهوك وغرورك بجمالي ؟
كيف استطعت بدم بارد ان تأخذ حياتي
كنت اجمل فتاة في الحي كله , نعم كنت الاجمل بلا منافس
لن اقول اني تعسة مذ دخلت حياتك ولكني في باديء الامر
كنت سعيدة لاهتمامك بي
لست انكر هذا علي الاطلاق
لم ادرك السبب الا بعد ان رايت تلك النظرة التي وجهتها اليها
ولكني اشفقت عليك عندما علمت بانها لن ترد عليك ولو بذظرة احتقار
واشفقت ايضا علي نفسي لاني اعلم انك ستحاول استخدامي عنوة
كي تجعلها تحبك
انا الان في مكان مظلم اعتقد انه سلة المهملات
لا تتعجب !!!!!!!!!!!
فبعد ان هرعت بي الي تلك الجميلة وهي انتظرت حتي استدرت انت ,
اتدري ماذا فعلت ؟؟؟
القتني من حياتها تماما
لست الومك ولكني اعاتبك , الا تشفع لك الايام التي قضيتها معي كي اعود الي حياتك ؟
نعم اني ارجوك ان تعيدني
ربما في الفترة الاخيرة لم تكن الصديق الوفي
ولكني ادرك ان في قلبك نور , اريد ان استمد منه طاقتي وجمالي مرة اخري
هل من الممكن ان تنقذني وتعيدني مرة اخري الي سطح مكتبك ؟
اريد ان اكون اول ماتقع عليه عيناك حين تجلس للمذاكرة
هل عرفتني يا صديقي ؟
نعم انه انا تلك( الوردة )التي قطفتها وادخلتها في حياتك عنوة والقيتها في سلة المهملات عنوة دون ابداء الاسباب:flower:

نسيت اقول ان الموضوع جميل اوي اوي

ايه اليوم الحر ده

يا خرابي

أنا مش عارفة الجو بقي عامل كده ليه

القعدة هنا بقت خنيقة

من يوم ما الجماعة اللي كانوا هنا مشيوا و الحال بقي زي الزفت

مش عارفة هما بيختفوا دايما في الصيف ليه؟؟؟؟

و الله واحشني

مع ان كان فيهم عيال خنيقة بيرخموا عليه و يقعدوا يضربوني برجليهم لما أقرب منهم

بس كانوا بيونسوني

و كان فيه شوية بنات طيبين بياخدوا بالهم مني و بيدوني حتة من السندوتشات اللي بيكلوها

أنا مش عارفة كانوا بيكلوا السندوتشات دي إزاي

دي سندوتشات زبالة الفيران تأرف منها

يله .... حأفضل أندب حظي كده لغاية ما الصيف يخلص و المية ترجع لمجاريها

واد يا عاطف .... هاتلي بيبسي ماكس و متنساش الشاليموه

القطة الصفرا الجربانة اللي في الكافيتريا

الموضوع حلو جدا .... و معلش أنا بدأته بهزار

بس ليكوا عندي بعد كده شخصيات مفكرتوش عمركم هي عايشة إزاي ولا بتفكر في ايه

Dr MAAS كتب:: ايه اليوم الحر ده

يا خرابي

أنا مش عارفة الجو بقي عامل كده ليه

القعدة هنا بقت خنيقة

من يوم ما الجماعة اللي كانوا هنا مشيوا و الحال بقي زي الزفت

مش عارفة هما بيختفوا دايما في الصيف ليه؟؟؟؟

و الله واحشني

مع ان كان فيهم عيال خنيقة بيرخموا عليه و يقعدوا يضربوني برجليهم لما أقرب منهم

بس كانوا بيونسوني

و كان فيه شوية بنات طيبين بياخدوا بالهم مني و بيدوني حتة من السندوتشات اللي بيكلوها

أنا مش عارفة كانوا بيكلوا السندوتشات دي إزاي

دي سندوتشات زبالة الفيران تأرف منها

يله .... حأفضل أندب حظي كده لغاية ما الصيف يخلص و المية ترجع لمجاريها

واد يا عاطف .... هاتلي بيبسي ماكس و متنساش الشاليموه

القطة الصفرا الجربانة اللي في الكافيتريا

الموضوع حلو جدا .... و معلش أنا بدأته بهزار
بس ليكوا عندي بعد كده شخصيات مفكرتوش عمركم هي عايشة إزاي ولا بتفكر في ايه

لا بجد اسلوبك رااائع

و حلوه قوى يا واد يا عاطف دى

حتى القطط اتنططت عليه؟؟؟؟

كنت زمان بقعد اكلم نفسي

كنت بكون عامله زي الهبله

او معرفش

عامله زي مايكون ناصحه

ال يعني بفهم

ومش بسيب حاجه تفوت من على بالي

واقعد اسال واستفسر عن كل حاجه

الي ليها معنى والي ملهاش

بعمل نفسي ناصحه

طلعت هبله

يمكن ناصحه عسان بعرف كل حاجه وبتعلم كل حاجه

بس طلعت اهبل لما عرفت اجيب لنفسي وجع الدماغ

ووجع القلب

طب وليه وانا مالي

اياكش تولع الدينا بالي فيها

وعلى راي الي قال

خراب يا دنيا..عمار يا دماغي

خلاص

من ساعتها قرررت

اني ..اكون فحالي

انا جارك وانت جاري..انت ف حالك وانا ف حالي

الله
ايه النشاط دة كله
الاول عاوزة أشكركم على تفاعلكم وأهنيكم على اختياركم للشخصيات اللى اتنكرتوا فيها
حقيقى قدرتوا تحسوا بيها وتتكلموا على لسانها وتوصلولنا احساسها
بس ياريت يا جماعة تستفيد اكتر من الموضوع
مش كفاية اننا نحس بالشخصيات دى ايا كانت لازم كمان نحاول نساعدهم أو على الأقل نكف عن أذيتهم لو كنا بنأذيهم

شمندى
حقيقى عجبتنى جدا الشخصية اللى انت جسدتها بجد قدرت توصلنا احساسها
انا كنت متحيرة فى البداية ونفسى اعرف هى مين بس قبل اوصل للنهاية كنت عرفت هى مين ودة بيدل انك قدرت تجسدها باحساس عالى وأنا من النهاردة أوعدكم انى عمرى ما هقطف وردة ابدا مهما كانت الدوافع

ههههههههههههههههههههههههههههه
دكتور ماس
اتصور أول مرة أحب القطة دى أو بالأحرى أتعاطف معاها
بس بجد القطة دى طلعت بتفهم
عندها حق فعلا أكل الكلية ما يتاكلش
وأتمنى أشوفك تانى فى شخصيات تانية

ميرسى اوى على مشاركتك يا ايميلى شخصية جميلة

ميرسى ليكم كلكم على المرور والرد

استنوا ما حبتشى أجيلكم بايدى فاضية
قلت أجيبلكم شخصية جديدة
بس المرة دى مش هقول أنا مين وهسيبكم أنتم تقولوا

السلام عليكم ورحمه الله وبركاته ...

كيف حالكم يا معشر المسلمين ...

افتقدكم كثيـــراً

لا أعلـــم لماذا اجد منكم الهـــجر والإهمـــال

على الرغم من انى لن استفاد بودكم

وأفيدكم كل الإفـــاده ... بقربى تنعمــــون بالحسنات والأجــــر العظيــــم

وفى بعـــدى وانتم لاهون عنى تكتسبون السيئات دائما

وصاكم الله ورسوله بي

ولا اعلم لِم هجرتم وصيته

ادعوكــم أحبــتى إلى العوده الى احضانى

اشتاق اليكم كثيـــراً وأشتاق لدمـــوع خشوعكم امامى وتوبتكم الى الله

احبتـــى

جئت اليكم لأناديكم لعلكم تعقلون ما اقول

فـ هل عرفتم من انا ؟

اعتقد انه القرأن الكريم
صح؟

أكيد صح سويت

ميرسى على مرورك

عزيزتى...
هكذا احب ان اناديكى دوما
نعم انتى غاليتى

لا اعلم كيف نشأ هذا الحب..ربما التعود او هى العشره و لكنى احبك
كم لعبنا سويا و ضحكنا و تطايرنا فى الهواء من السعاده

اتذكرين عندما احزن و لا اجد سواكى ملجأ لى ابكى عنده..تواسينى دون كلمات

نعم كم امضينا من اوقات سويا ...وحدنا ..نحدث بعضنا البعض
انتى ونيستى فى الليل و النهار

حتى المذاكره لم تتركينى فيها ..نعم ذاكرنا سويا
ربما انتى تميمه حظى

ليتك تعرفين كم حزنت عندما سافرت حتى لو لفتره صغيره..اخشى الوحده
كم تمنيت ان تاتى معى
يا ترى هل تشعرين بالوحده عندما ابتعد
هل تشعرين بالغربه اذا اقترب احد غيرى
لا اعرف حقا و لكن
عزيزتى ....لكى وعدى انى لن اتركك....و هل استطيع؟؟!!

مش عارف حد عرفها ولا لأ
بس انا بتكلم عن المخده الصغنتوته بتاعتى
المخده دى بموت فيها اصلا
معلش بقى على التطويل

انا من اعطيت الكثير

انا من كان الحنان عنوانى

انا عشت لاجل ارى بسمتهم علي شفاهم

اتامل حياتهم واتامل نموهم

كنت اراهم يلعبون ويمرحون وابتسم

واتمنى ان يكبرون ويكونوا احسن البشر

والان كبروا ولم اجدهم حولى كما كانوا

الان لا يوجد حولى سوى جدران بارده

وصور للذكريات الباسمه

لم يتبقي احد منهم يسال عنى او حتى يطمئن عليا

تمنيت ان يعودوا صغار مره اخرى

حتى يمتلا المنزل بالدفء

واعيش ببسمتهم الشيقه

فاحببتهم طول حياتى بصمت والان لن اجدهم حتى اعطيهم ما تبقي من حبي لهم الذي لا ينقطع

فهل عرفتم من انا ..؟

اعتقد انها اجمل قلب ....

الام
؟

فعلا هو أجمل وأطيب قلب فى الدنيا

الأم ....

ميرسى ياسويت على مرورك وردك

وفى انتظار شخصياتك

مكان سأكون فيه وحيدا

رغم آلاف من البشر حولي

قد أمر عليه كثيرا

ولكني لا ألتفت اليه إلا قليلا

لكن سأوضع فيه قريبا

وتستمر الحكاية

مع غيري

لست وحيدا في ذلك

الكل يمر على المكان

لكن من يتذكر هذا المكان قلة من البشر

والعجيب كما قلت

رغم آلاف البشر أكون وحيدا فيه

اعتقد ياصديقي انك تقصد مكانا بعينه , اعتقد انك تقصد القبر , صح ؟

لو كان كلامي صح فاعتقد ان في الحالة دي ماليش غير تعليق واحد : اللهم اجعل قبري روضة من رياض الجنة

أنا كمان أعتقد انك تقصد القبر

لو كان كلامي صح فاعتقد ان في الحالة دي ماليش غير تعليق واحد : اللهم اجعل قبري روضة من رياض الجنة

اللهم أمين

اكثروا من ذكر هادم اللذات

بجد موضوضوع رائع
مع الاسف معنديش وقت اشارك فيه حاليا.
لكن قريب ان شاء الله بعد الامتحانات ماتخلص هاشارك.
بجد موضوع دكتور محمد ابوشادى جميل جدااااااا.
انا اصلى باعز القطة دى اوووووووووووووووى.
دى قطة باردة برود.

طيب شخصية جديده
دائما ما أكون في خيال الملهمين والعاشقين
قد يجلسون أمامي بالساعات والأيام يتاملون في الإبداع
آهاتهم لا تخرج إلا لي وأناتهم لا يستوعبها إلا كنفي الواسع
ولكني في نفس الوقت غصب شديد
قد أكون جبارا في بعض الوقت فأطغى على البشر
أدمرهم وأنغص عليهم معيشتهم
كم من جثث أخفيتها عن الجميع
جميعهم ضحايا بسببي
فأنا وحدي أجمع بين السكينه ةالغدر
فحق على أن أقول : لأن الشوق معصيتي:

اممممممممممممممممممممممممممم

والله أنا محتارة شوية يا منذر

هو ممكن يكون البحر أو النيل

قولى بقى صح ولا ...؟

البحر البحر هوا اكيد البحر اصل اى حاجه فيها ميه يا وايت
لو ترعه حتى هكلمها

» دعوات يهودية لاقتحام الأقصى
» دعوة لحضور محاضرة للدكتور فاروق الباز