من الذي قتل أحلام أحمد ؟؟

الموضوع ده بجد جميل جداا..
وبالصدفه ..كنت قرايه امبارح كلام ..
متهيألى ممكن يكون تفسير ليه ..

مشكله قتل الحلام ..والاستسلام للامر الواقع..
تقريبا مشكله الشعب المصرى كله..
لما بتقعد مع الناس الكبيره وتسمعهم بيتكلمواا..
تلاقيهم بيقولك ان كان عندهم احلام وطموحات ..
ويبتدواا يحكولك انهم راحواا وسوااا وعملوااا ..
وكانواا عايزين يعملواا حاجات كتير قوى ..
بس .....!!!
معملوش حاجه..
ولما تيجى تسألهم ..طب انتو ليه محاولتوش تحققواا اللى كنتواا بتحلموااا بيه ده..
تلاقى الرد واحد تقريبا عندهم كلهم..
ده كان حماس شباب وراح لحاله خلاص .. دلوقتى الواحد كبر وعقل وبقى يحسبها بالعقل..!!!
سعتها مبقدرش افهم ..
يعنى ايه ده كان حماس وطيش شباب ..؟؟
يعنى احنا دلوقتى لما بيبقى نفسنا نعمل ونحقق حاجات كتير ده مجرد تفكير شبابى ساذج..
وبردواا حسب الكلام ده..
المفروض لما نفقد رغبتنا فى تحقيق اى حاجه فى الدنيا..
يبقى احنا كده كبرنا وعقلنا ..واصبحنا راشيدين فكريا ..
..
طب ازاى ..؟؟
بغض النظر عن صراع الاجيال والفجوات اللى بينهم والكلام ده كله..
دلوقتى الكلام ده معناه ان الناس دى كانت بتفكر زينا ..يعنى مفيش فجوات ولا حاجه..
ومعناه بردواا اننا ان اجلا او عاجلا ..
هنتحول ونبقى زيهم ..
وان المسأله مسأله وقت..
اللهم احفظنا بجد..

...
بس زى ما بيقولواا اذا عرف السبب بطل العجب ..
ومفيش حاجه بتيجى من فراغ ..
وتقريبا حياتنا كلها بكل تفاصيلها ماشيه بمبدأ ..
"بما ان ..اذن.."
وده اللى ليه علاقه بالكلام اللى قريته امبارح..
فى الرد التالى ان شاء الله ..

انا مش عارفه ده ليه علاقه بالموضوع وله لا..
بس فى نظريه قرأتها اسمها ماسلو..
بتفسر احتياجات الانسان فى الحياه..
وبتعتبر ان احتياجات البشر بتندرج تحت خمس مراحل..
لازم يجواا ورا بعض بالترتيب..
ومينفعش مرحله فيهم تسبق المرحله اللى قبلها..
يعنى مينفعش الانسان يفكر فى الاحتياج التانى مثلا وهوه لسه ملقاش الاحتاج الاول..
والخمس احتياجات بالترتيب همه الاتى:

1- الضرورات الأساسية من الغذاء والهواء
2- حاجة الأمن والمأوى
3- حاجة الإنتماء كالحب والصداقة
4- حاجة إحترام النفس والتقدير
5- حاجة تحقيق الذات والإشباع النفسي

و من الكلام ده..
هنلاقى ان الاحلام والطموحات ..
بتندرج تحت رقم 5..!!!!
رقم خمسه ..والنظريه بتقول ان اغلبيه البشر عمرهم ما هيفكرواا فى رقم خمسه ده..
الا لو حققوااا رقم 1 و2و3 و4

واحنا ..عندنا ما شاء الله ..
اساسا ..رقم 1 اللى هيه توفير الغذاء فيها مشاكل..
..
ومتهيألى ده اللى بيحصل فعلا ..
طول ما احنا طلبه ..واهلنا بيصرفواا علينا ..
بنهمش مصاريف الاكل والمسكن والحاجات اللى تبع رقم 1و2 دى..
وده طبيعى ..لان مسؤليه التفكير فى المواضيع دى بترجع لاهلنا ربنا يخليهم لنا..
وبالتالى
بننتقل للتفكير فى رقم 3 و4 و5 بالتوالى..

اول ما بنتخرج ..
كل شاب وكل فتاه يسعواا للاستقرار وتكوين اسره سعيده..
يعنى عايزين يشتغلوااويوفرواا فلوس علشان يقدرواا يصرفواا على نفسهم وعلى اولادهم بعد كده..
وهنا بنرجع لنقطه الصفر تانى ..
وده اللى بيقتل الاحلام..
الناس عندنا سعيهم الاول ويكاد يكون الاخير..
هوه توفير المال علشان الاكل والشرب والسكن..
وبيفضلواا طول حياتهم يتنقلواا من رقم 1 ل2 بالتبادل..
وده هوه التفكير العقلانى الراشد..

هههههههههههههههههههههههه
ايه الكلام المجعلس اللى انا كاتباه ده..

ما علينا ..
انا مش بعترض على التفكير ده طبعا ..لانه تفكير سليم 100%
وذى ما قلت المسأله مسأله وقت مش اكتر ..
ومعظمنا هيتحول ويبقى كده ..اللهم احفظنا تانى..

بس فى حاجه غلط ..

AHMED didnt believe in his dream

ahmed let his ambition down from the 1st rock faced him

dont think life so easy to find ur way,achieve ur goal

its too hard...even he didnt face his internals,depth

so how can he face the world!!!


if he believed in his dream

he will achieve in here

or anywhere in the world

it dosent matter the place rather than the goal


Ahmed is a sample of many....who dont have

power to be

just surrender from the 1st step

________________

i dont care if no one understands my ideas
i dont care about losers trying to bring me down

i believe in myself iam capable of
changing the world

its not that iam extra-ordinary

it`s just ambition

___________
thats what Albert Enchtien said



so



AHMED KILLED HIS DREAMS

thats my opinion

د.عاشقة المستحيل

اقتباس :

" على العلم لم تذكر اكثر من هذا ، لذلك سأبنى تحليلى على هذا القدر،
مع وضع بعض مخيلاتى وافكارى فى الموضوع "

مذكرتش أكتر من كدا لأن هدفي الإشارة للوضع العام المتكرر ... مش للواقعة دي تحديدا

أنا شايف إن الرؤية كانت غير واضحة ... لأن البلد ككل ملهاش رؤية واضحة ولا هدف واضح..
وعلي فكرة أنا أعرف واحد بس من بلدنا تخصص في المجال ده فعلا وحضر دراسات عليا فيه ووصل لدرجة عالية جدا... وفي الأخر برضة اتركن علي الرف.. لأنه داخل بلده مفيش أي فرصة لاستغلال ما تعلمه

اقتباس :

المهندس احمد :-
سياسى ... جميل انك تعرف فى السياسة
لكن مش هتغير الماضى ...
" بدل ما تنقد وتنتقد ... فكر تكون فى مكانة كبيرة ومتعملش الغلط دا "
" فكر بدل ما تلوم الناس و و ... فكر انك تعمل نفسك وتتعلم من غلطهم القاتل دا
ومتكنش زيهم "
" لو كان الغضب والعصبية بيرجعوا الماضى ،،،وبصلحوه
كان زمان فلسطين اتحررت ،
والعراق ..
وافغانستان .. وغيرهم "
لكن مش دا ال هيغير .... انت ال هتغير ... تفكيرك ال هيغير ...

كلام سليم .. لكن النقد ضروري وضروري جدا
النقد هنا مش بيبقي للشخص ..ولكن لصفته
يعني الخصومة مش شخصية ... لكن لابد من نقد المناهج الفاسدة وأضرارها
عشان نستفيد منها بعد كده.. ونتعلم ولو حتي بالتجربة

اقتباس :

اذن ... من الذى قتل احلام احمد ؟؟

السبب الاول

المهندس احمد

1- لم يثق بقدراته ولم يؤمن بها
2- لم يضع اهدافاً واقعية
3- اضاع فرصاً كثيرة ، ومنها من احبها .
4- ترك نفسه للوهن ولم يثق فى الله .
5- ليس صبورا
[/b]

المهندس احمد
كان حلم كبير لكن صحى فجأة .. ولقى نفسه على واقع مؤلم مريض
فبدل ما يفكر يقاوم ، قال لا انا مريض زيه ..
عذراً للاطالة ..

جزاكم الله كل خير

شكرا لحضرتك علي التحليل الوافي ده ... لكن أنا شايف إنه متحامل شوية علي الفرد نفسه

يمكن هو فعلا كانت عنده حماسه غير موجهة .. وأهداف غير واضحة
لكن كان محتاج مجتمع وأسرة توجه الحماس ده وتستغله ..وتقوم الأهداف
وتوفر له السبل ..
وتوفر له البيئة المشجعة علي الابداع زي ما بعض الأعضاء أشاروا

جزاكم الله خيرا
وشكرا للمرور