سلسلة مستقبل الطبيب

والآن اخواني واخواتي الاطباء والطبيبات

سوف أعرض لكم برنامج

Endnote

قام بعرض هذا البرنامج الدكتور

ahmedbaklola

علي أحد المنتديات الطبية

وقد قمت بنقله في هذا الموضوع لاستكمال الفائدة من موضوع الماجستير والدكتوراه

شكر خاص للدكتور أحمد بقلوله وجزاه الله كل خير

أولا : تحميل البرنامج

http://www.4shared.com/file/97997466/84ea06bf/EndNote_X2.html

http://www.4shared.com/file/98000221/3bef5143/cite.html

http://www.4shared.com/file/98000322...e/tollbar.html

واللينك ده عليه باسوردات متجددة لمواقع طبية

http://www.egymedicine.net/forumsx/t10097.html

والباسوردات دي بتنزل بواسطة الدكتورة مني

جزاها الله كل خير

وأيضا مجموعة من أطباء اخرين

جزاهم الله كل خير

================================

انتهي الجزء الرابع
علي وعد بلقاء ان شاء الله في الجزء الخامس ( الزمالات والمعادلات ) من سلسلة
مستقبل الطبيب
نـــــــداء ورجاء
إلي كل من قرأ هذا الموضوع
لا تنسونا من الدعاء بظهر الغيب
وجزاكم الله كل خير
والسلام عليكم ورحمة الله وبركاته

دكتور
أحمد رفعت عدلي

بسم الله الرحمن الرحيم

إخواني وأخواتي الأطباء والطبيبات

السلام عليكم ورحمة الله وبركاته

النهاردة موعدنا من الجزء الخامس من سلسلة

مستقبـــــــل الطبيب

وهو

الزمالات والمعادلات

أولا الزمالات :

** تنقسم الزمالات إلي :
1- زمالة مصرية .
2- زمالة أجنبية

الزمالة المصـــــــــــرية

يستطيع التقديم للزمالة المصرية كلا من :

1. الأطباء العاملين بوزارة الصحة والسكان والهيئات والمؤسسات والمراكز الطبية التابعة لها.
2. من الأطباء الغير عاملين بوزارة الصحة والسكان

شروط القبول للأطباء العاملين بوزارة الصحة

أولا : يسمح لأطباء التكليف التقدم فى التخصصات الأبية ( طب الطوارىء – التخدير – الطب النفسى – الأشعة التشخيصية – الباثولوجيا الإكلينيكية – طب الأسرة ) بعد إستلام التكليف مباشرة وبدون قضاء مدة معينة بعد الإستلام.
ثانياً :
ا. التخصصات العامة :
(طب الأطفال – الأمراض الباطنية – الجراحة العامة – النساء والتوليد – طب وجراحة العيون – الأنف والأذن والحنجرة – طب نقل الدم ومشتقاته – مكافحة العدوى – طب أسنان الأسرة – جراحة الفم والفكين – علاج الأورام – العلاج الإشعاعي للأورام)
يسمح بالتقدم للزمالة المصرية فى التخصصات السابق ذكرها :
§ الأطباء المقيمون فى ذات التخصص المتقدمين له.
§ الأطباء الحاصلون على الدبلوم أو الماجستير فى التخصصات السابق ذكرها
ب . الجراحات التخصصية :
(جراحة العظام – جراحة المسالك البولية – جراحة القلب – جراحة الصدر – جراحة المخ والأعصاب)
يسمح للأطباء الحاصلين على :
1. دبلوم الجراحة العامة أو الدبلوم فى التخصص المطلوب.
2. ماجستير الجراحة العامة أو ماجستير فى التخصص المطلوب.
3. زمالة الجراحة العامة. أو
4. الأطباء الذين أنهوا التدريب فى تخصص الجراحة العامة بالزمالة المصرية لمدة عامين واجتازوا امتحان الجزء الأول للجراحة العامة.
بالتسجيل فى الزمالة المصرية ويكون التحاقهم بالسنة الثالثة التدريبية فى فرع التخصص المطلوب.

ج. الباطنة التخصصية :
( أمراض الكلى – أمراض القلب والأوعية الدموية).
يسمح للأطباء الحاصلين على :
1. دبلوم الباطنة العامة أو الدبلوم فى التخصص المطلوب.
2. ماجستير الباطنة العامة أو ماجستير فى التخصص المطلوب.
3. زمالة باطنة عامة
أو 4. الأطباء الذين أنهوا التدريب فى تخصص الباطنة العامة بالزمالة المصرية لمدة عامين وإجتازوا إمتحان الجزء الأول للباطنة العامة.
بالتسجيل فى الزمالة المصرية ويكون التحاقهم بالسنة الثالثة التدريبية فى فرع التخصص المطلوب.

د. أورام الأطفال :
يسمح للأطباء الحاصلين على درجة الزمالة أو الدكتوراة فى تخصص طب الأطفال التسجيل لزمالة أورام الأطفال ويكون التحاقهم بالسنة الخامسة التدريبية.

ثالثاً : يشترط الحصول على :
ý شهادة اجتياز اختبار اللغة الإنجليزية (Local TOEFL) بمعدل 500 درجة قبل التقدم لامتحان الجزء الأول.
; شهادة اجتياز إختبار المهارات الأساسية فى الحاسب الآلى (Word – PowerPoint – Internet) قبل التقدم لامتحان الجزء الأول.
; الحصول على موافقة جهة العمل الأصلية على نموذج الالتحاق.
; يشترط ألا يكون الطبيب ملتحقاً فى وقت التقدم لدراسة درجة الدبلوم أو الماجستير بالجامعات أو مسجل لأى تخصص آخر بالزمالة.
; الحد الأقصى المسموح به للسن 35سنة للحاصلين على البكالوريوس – 37سنة للحاصلين على كل من الدبلوم أو الماجستير.
; الأطباء الحاصلون على الزمالة المصرية أو الدكتوراة ويرغب فى التسجيل للزمالة فى أحد التخصصات الفرعية يسمح لهم بالتقدم حتى سن 40سنة.
; الأطباء العاملون بوزارة الصحة والسكان ويرغبون فى التسجيل للزمالة والذين تجاوزوا السن المنصوص عليه سابقاً يسمح لهم بالتقدم بحد أقصى 45سنة ويتم قبولهم حسب ما يتوفر من أماكن تدريبية بعد إستيفاء العدد من الذين تنطبق عليهم شروط السن وتطبق عليهم القواعد الخاصة بالأطباء الغير عاملين بوزارة الصحة والسكان.
; الأطباء الغير عاملين بوزارة الصحة والسكان يسمح لهم بالتقدم بحد أقصى 45 سنة وتقدم الطلبات بمقر الزمالة المصرية.
; يتم القبول فى التخصصات المختلفة طبقاً للأماكن التدريبية المتاحة بالمحافظات.
; تقدم الطلبات على النموذج الخاص للالتحاق الموجود فى مديريات الشئون الصحية والهيئات والمؤسسات والمراكز الطبية التابعة لها ومقر الزمالة
ترفق الأوراق التالية مع طلب التقدم للإلتحاق :
1. أصول المؤهلات العلمية.
2. بيان الحالة الوظيفية من واقع ملف الطبيب معتمد من جهة عمله الأصلية.
3. صورة شهادة الميلاد.
4. عدد ثلاثة صور شخصية حديثة 4× 6.
5. صورة تحقيق الشخصية.
6. الموقف من التجنيد.

رابعا: شروط قبول الأطباء من غير العاملين بوزارة الصحة والأطباء العرب

• يقوم الطبيب بدفع مقابل التدريب مبلغ 1000 جنيه إسترليني عن كل عام تدريبي طبقاً لسنوات التدريب.

• مقابل الامتحان مبلغ 200 جنيه إسترليني لكل جزء من الامتحان.
• تقدبم أصل الشهادات الدراسية وسنة الامتياز
• تقديم ترخيص مزاولة المهنة المؤقت الصادر من وزارة الصحة المصرية ويجدد سنوياً.
• تقديم كشف طبي بخلوه من الأمراض المعدية وتحليل للدم بخلوه من الفيروسات والإيدز من المعامل المركزية التابعة لوزارة الصحة .
• يقوم الطبيب بالتأمين ضد أخطار مزاولة المهنة لدي احدي شركات التأمين المصرية.
• له الحق في حضور جميع المحاضرات والتدريب العملي والدورات المكثفة أسوة بزملائه في نفس التخصص.

الخطوات التي يتبعها الطبيب المتدرب بعد قبوله بالزمالةالمصرية

• إخلاء الطرف من مكان العمل الأصلي والحضور لمقرالزمالةلإستلام خطاب التدريب.
• يقوم الطبيب بسداد رسومالتسجيل.
• يتم استلامه العمل بمقرالزمالةمع عملالكارنيه الشخصي واستلام كتاب المحتوي العلمي وكتاب الأنشطة العلمية الخاص بكلتخصص.
• حضور الاجتماع الخاص بالمتدربين الجدد والذي يعقد بمقرالزمالةفي نفس اليوم.
• إستلام خطاب التوجيه للتدريب منمقرالزمالةحسب التخصص المرشح له والتوجه إليالمستشفي التدريبي التي تم قبوله بها ، هذا ويتم تجديد الانتداب سنوياً بموافقةالإدارة العامة للزمالة المصرية وذلك بعد تقديم التقييم السنوي للمتدرب.
• تسددرسوم التدريب سنوياً عن كل عام تدريبي بمقر الزمالة

تعــــليمات عامة

· إذا إعتذر المتدرب عن إستلام العمل بعد قبوله بالزمالة مباشرة يحرم من التقدم للدراسات العليا و المنح لمدة عامين
· يسمح للطبيب المتدرب بالزمالة بوقف القيد لمدة عام واحد فقط علي الأكثر خلال مدة التدريب في الحالات القهرية مع ذكر السبب وهذا العام يخصم من مدة التدريب ـ و يستعاض عنه بعام آخر بدون حوافز في نهاية المدة التدريبية ، و إذا تم التجاوز عن مدة العام يعتبر معتذر و يتم فصله

يلتزم متدرب الزمالة بالعمل بجهة عمله الأصلية مدة مماثلة لمدة التدريب التي قضاها بالزمالة المصرية

اللينك ده عليه معلومات وقوانين الزمالة من ديوان الوزارة

http://www.mediafire.com/?odad54unxnc

واللينك ده هو موقع الزمالة المصرية علي شبكة الانترنت

http://www.mohp.gov.eg/egyfellow

مميزات التدريب بالزمالة المصرية

(1 ) شـــهـادة الزمالة المصرية
يمنح الطبيب شهادة الحصول علي الزمالة المصرية و ذلك بعد إتمام مدة التدريب المطلوبة وإجتياز الإمتحان النهائي في التخصص تمكنه للحصول علي الترقية المستحقة و كذلك التعاقد للعمل بالخارج

( 2 ) الترقيات لأطباء الزمالة
يتم الترقية للأطباءالحاصلين علي الزمالة المصرية طبقا للقرار الوزاري رقم 62 لسنة 2004 ويترقي الطبيب إلي درجة أخصائي من تاريخ إجتيازه الإمتحان النهائي للزمالة المصرية

( 3 ) الزمالة المصرية ونقابة أطباء مصر
يتم تسجيل الحاصلين على الزمالة في سجل الأخصائيين من تاريخ حصوله علي الزمالة

( 4 ) مشاركة خريجي الزمالة المصرية في التدريب
· تتم إتاحة المشاركة في التدريب كمدربين في المستشفيات والمراكز التدريبية المعتمدة لبرنامج الزمالة المصرية.
· المشاركة فى أنشطة التدريب بالمديريات والهيئات التابعة لوزارة الصحة والسكان.

5) التعاقد
مع صندوق صحة الأسرة وكذا عيادات صحة الأسرة التابعة لهيئة التأمينالصحىللأطباء الحاصلين علي زمالة طب الأسرة.

6) فرص العمل بالخارج
يوجد إتفاقيات علمية واعتراف متبادل بالتدريب والامتحانات بين الزمالة المصرية والبورد السعودي و البورد العربى

نظام الامتحانات

· تقييم مستمر عن طريق كتاب الأنشطة Log book .
· تقييم سنوى محلى لنقل المتدرب من سنة إلى السنة الأعلى.
· امتحان الجزء الأول فى العلوم الأساسية ويعقد مرتين سنويا فى أبريل و أكتوبر.
· علي المتدرب الحصول على الجزء الأول قبل السماح له بالانتقال إلى السنة الرابعة.

امتحان الجزء الثانى النهائى يعقد بعد اتمام المتدرب السنوات التدريبية 4أو5أو6 سنوات طبقا للتخصص

الشهــــادة

· بعد استكمال السنوات التدريبية بنجاح و النجاح فى الجزء الثانى.
· يمنح الطبيب شهادة الزمالة المصرية للمجلس العلمى للتخصص ( F.E.B) .
· الشهادة مثل البورد العربى والأمريكي وهناك اتجاه للاعتراف المتبادل مع البورد العربى والزمالة البريطانية.

الشهادة هى شهادة مهنية تقوم على أساس برنامج تدريبي منهجى وتؤدى للتعيين فى مصر والخارج كإخصائى ثم استشارى

علاقة الشهادة بالجامعات

· الجامعات تختص بإعطاء الشهادة الأولى ( البكالوريوس ) و الشهادات الأكاديمية والأبحاث.
· الزمالة المصرية تختلف عن الشهادة الأكاديمية بأنها شهادة مهنية تهتم بالتدريب العلمى الموثق الذى يؤهل الطبيب ليكون استشاريا على مستوى عال - ومثلها فى ذلك مثل الزمالة البريطانية والبورد الأمريكى .
· أساتذة الجامعات هم ركن أساسى فى التدريب فى برنامج الزمالة.

تعطى الزمالة الفرصة للحاصل على دبلوم للالتحاق بالسنة الثانية و الحاصل على ماجستير الالتحاق بالسنة الثالثة

ثانيا : الزمالات والمعادلات الأجنبية

الكلام في الموضوع ده كتير جدا جدا وأنا مش هاقدر أغطي كل التفاصيل في الموضوع ده وفيه ناس أحسن مني ليها خبرات كبيرة وعملية وواقعية في موضوع الزمالات والمعادلات الأجنبية

علشان كده أنا هاحطلكم دلوقتي لينكات منتديات طبية هاتلاقي فيها كل التفاصيل وكل حاجة عن كل الزمالات والمعادلات الأجنبية والعربية ودراسة الطب في الخارج

وبكده أخي الطبيب تقدر تلم بأكبر قدر من الداتا عن المعادلة أو الزمالة اللي بتبحث عنها من واقع تجارب أطباء آخرين أو من مشاركة زملاءنا الأطباء علي مختلف المنتديات الطبية العربية

اللينكات اهي

http://www.ems.org.eg/2_3/2_3_2/2_3_2_3.htm

http://www.egymedicine.net/forumsx/f237.html

http://forum.amrkhaled.net/showthread.php?t=197453

http://forum.amrkhaled.net/showthread.php?t=162482

http://dvd4arab.maktoob.com/forumdisplay.php?f=968

والان مع

( كيف تحصل علي الزمالة أو المعادلة )

الوصايا العشر للحصول علي الزمالة أو المعادلة الأجنبية

أولا : صلاة الاستخارة

ما خاب من استخار ولا ندم من استشار

ثانيا : حدد هدفك

حدد الأول انت عاوز تتخصص ايه وتكون من متأكد من اختيارك لتخصصك لأنه مش هاينفع تاخد نيابة في تخصص غير اللي بتذاكر فيه للزمالة

ثالثا : اجمع كل الداتا

حاول تعرف كل حاجة كل المعلومات عن المعادلة أو الزمالة اللي ناوي تذاكر فيها اعرف كل شئ من البداية حتي النهاية لأنه ممكن يكون فيه حجات فيها مش تناسبك أو ظروفك مش بتسمح بيها

رابعا : أمن نفسك
الزمالة أو المعادلة حبالها طويلة وعاوزة صبر ومثابرة واجتهاد علشان كده ما تتسرعشي وادرس الموضوع دراسة كويسة من كل النواحي والمفروض تأمن نفسك الأول بدبلومة ولا ماجستير مصري لأنه زي ما قؤلتلك الزمالة حبالها طويلة فا مش معقولة هاتوقف حياتك كلها عليها يعني تسيب نيابتك وتسيب شغلك كله علشان تذاكر في الزمالة لأنه ممكن تحصلك ظروف بعدين وما تقدرشي تكمل فيها وبالتالي تكون خسرت كل حاجة إلا إذا كنت طبيب حر وحالتك المادية مرتاحة أو عرفت توفق بين الزمالة أو المعادلة وبين شغلك وبين نيابتك

خامسا : ايه الفايدة ؟
لازم تقعد مع نفسك وتسأل نفسك أنا عاوز اخد الزمالة ليه ؟؟ هل علشان السفر والشغل بره هدف جميل طبعا هل علشان تشتغل بيها في مصر ممكن برده بس اعتقد الشغل بيها في مصر مش مجدي أوي إلا في بعض المحافظات زي القاهرة لأنك مش هاتتعب وتصرف فلوس كتير علشان تقعد بيها في مصر خصوصا انه مادياتها بره أحسن من مصر أما لو عاوزها علشان هدف علمي بحت أو مكانة اجتماعية

سادسا : ابـــــدأ
علي أد ما تقدر ابدأ بدري يعني لو ينفع تمتحن أو تذاكر وأنت في امتياز يبقي كويس وممكن تستغل التكليف انك تذاكر وتدخل الفيرست كمان وبكده يبقي حققت خطوة حلوة ولما تدخل نيابتك تمتحن السكاند أو حسب الظروف وقتها

سابعا : اتعرف وتواصل
حاول تتعرف وتتواصل علي دكتور زميلك ماشي في موضوع الزمالة أو موضوع المعادلة ويا ريت يكون كمان اخد الفيرست او السكاند أو خلصها كلها هاتستفيد منه جامد في حجات كتير أوي أوي أوي

ثامنا : لا تنسي
أي معادلة أو زمالة عاوزة فلوس فا لازم تكون عامل حساب موضوع الماديات ده لأنه مهم

تاسعا : لو تقدر خد
لو تقدر تاخد كورسات في الزمالة أو المعادلة خد هايوفر ليك وقت وبنسبة 95 % هاتعدي ان شاء الله لو صممت وكان عندك عزيمة ودلوقتي فيه مركز اسمه سكور بيدي كورس في معظم الزمالات الأجنبية

عاشرا : لا تستمع
لا تستمع إلي كلام الناس اللي ممكن تقؤلك انه الحصول علي الزمالة أو المعادلة شئ مستحيل لا لا ثم لا ايوه هيا صعبة لكن مش مستحيلة بدليل انه فيه أطباء كتير بتاخدها وهما مش أحسن منك وأنا مؤمن تمام الإيمان انه مفيش مستحيل مادام فيه توفيق من ربنا وتصميم وعزيمة قوية من الطبيب

وأخيرا
وفقكم الله أكرمكم الله هداكم الله الي ما فيه الخير

=================================

انتهي الجزء الخامس

علي وعد بلقاء ان شاء الله في الجزء السادس ( العيــــادة ) من سلسلة

مستقبل الطبيب
نـــــــداء ورجاء
إلي كل من قرأ هذا الموضوع
لا تنسونا من الدعاء بظهر الغيب
وجزاكم الله كل خير
والسلام عليكم ورحمة الله وبركاته

[b]بسم الله الرحمن الرحيم

إخواني وأخواتي الأطباء والطبيبات

[size=16]السلام عليكم ورحمة الله وبركاته

النهاردة موعدنا من الجزء السادس من سلسلة

مستقبـــــــل الطبيب

وهو
العيـــــــــــــــادة

الأوراق المطلوبة لتسجيل عيادة خاصة
1-صورة عقد الإيجار أوصورة عقدالتمليك مثبت التاريخ بالشهرالعقارى +إيصال نورأوتليفون
2- صورة كارنيه النقابة .
3- صورة ايصال آخرسداداشتراك للسنة المنتهية .
4- صورةمن شهادة الأخصائى أو الاستشاري الصادرة من النقابة
5- رسم تسجيل١٠٠جنيه + رسم معاينة٤٥ جنيه .
6- روشتة أصلية مدموغة مطبوعة وليست كمبيوتر .
7- تقدم الأوراق بالنقابة الفرعية وترفق الأصول للإطلاع .
8- ورقة تحديث بيانات بالنقابة الفرعية.

تعليمات هامة

1_ إذا كان الطبيب ممارس عام يكتب على اللافتة والروشتة " ممارس عام " أو " بكالوريوس طب وجراحة .
2- إذا كان الطبيب أخصائى ترفق شهادة الأخصائى الصادرة من النقابةويلتزم بكتابة التخصص فقط باللافتة والروشتة .
3- إذا كان الطبيب استشارى ترفق شهادة الاستشاري الصادرة من النقابة ويلتزم بكتابة التخصص
4- إذا كان الطبيب عضو هيئة التدريس ترفق شهادة من الجامعة تفيد ذلك .
5- فى حالة وجود شهادة زمالة أو دكتوراه يتم تسجيلها أو ً لا فى قسم السجلات بالنقابة .
6- يتم مراجعة النقابة في بيانات اللافتة والروشتة قبل كتابة بيانات اللافتة والروشتة

يراعى في إثبات الملكية أن يكون باسم الطبيب نفسه مع ملاحظة الحالات الآتية :

1- يكتب الطبيب إقرار على عقد الإيجار أو التمليك بأنه صورة طبق الأصل ويوقع عليه٠
2- يوثق العقد بالشهر العقارى مع إثبات تاريخ
3- بالنسبة لإيصال النور أو فاتورة التليفون يقدم الأصل ويكون العنوان موضح بالفاتورة أو الإيصال
4- في حالة تقديم عقد تمليك يوثق العقد بالشهر العقارى أو يرفق به ايصال الكهرباء أو فاتورة التليفون
5- يراعى أن تكون العيادة مجهزة تمامًا ، واللافتة موضوعة قبل إجراء المعاينة .
6- فى حالة رغبة الطبيب فى إضافة شهادات الزمالة أو العضوية من أى دولة يتم إضافتها بشهادة الأخصائى أو الاستشاري أولا بقسم السجلات بالنقابة العامة
7- يتم تصوير جميع الأوراق من نسختين
8- تقديم الأوراق بالنقابة الفرعية

أنا رفعتلكم علي اللينك اللي تحت ده الآتي :

1- طلب تسجيل عيادة خاصة .
2- طلب إلغاء تسجيل عيادة خاصة .
3- الأوراق المطلوبة لتسجيل عيادة مشتركة .
4- طلب تسجيل عيادة مشتركة .
5- الأوراق المطلوبة لتسجيل مستشفي خاص ( عقبالكو جميعا )
6- طلب تسجيل مستشفي خاص .
7- الأوراق المطلوبة لتسجيل مركز تخصصي .
8- طلب تدوين التخصص بالعيادات .
9- الشروط الواجب توافرها في حجرة العمليات الصغري والمتوسطة .
10- إقرار توصيف العمليات الصغري للعيادات المتخصصة .
11- عقد المستشفيات والعيادات المشتركة والجمعيات الخيرية .
12- عقد اتفاق مع المدير الفني .
13- قانون المنشات العلاجية الخاصة .
14- تعديل أحكام القانون 51 بشأن تنظيم المنشات الطبية .

اللينك اهوه

http://www.mediafire.com/?jcsu03qb9w9

[/size][/b]

كيف تنجح عيـــــــــــادتك ؟؟

أولا : صلاة الاستخارة

ما خاب من استخار وما ندم من استشار

ثانيا : مكان العيادة

اختار مكان معروف وحيوي ويفضل يكون جنب الدكاترة علشان المريض اللي يجي لدكتور زميلك يشوف اليافطة بتاعتك وبكده ناس كتير تعرفك

ثالثا : الدعايا

لازم تعمل دعايا كويسة أوي أوي للعيادة بتاعتك وده عليه دور كبير سؤاء دعايا بالصوت أو اليافطة أو الدعايا الورقية أو الدعايا علي هيئة هدايا بسيطة زي ساعة حائط لزمايلك الأطباء

ما تبخلشي علي موضوع الدعايا ده لأنه مهم أوي

رابعا : المعاملة الحسنة

لازم تتعلم ازاي تتعامل مع أنواع المرضي وده فن كبير ومش كل دكتور شاطر شغال أوقات نلاقي دكاترة مستواهم عادي أو أقل من العادي بس شغالين طحن لأنهم عارفين يتعاملوا ازاي مع المرضي

ويا ريت تقرا وتتعلم عن موضوع مهارات الاتصال وخلي أسلوبك لبق ومناسب مستوي المريض الثقافي وكن مقنعا

ولاحظ أسلوب الدكاترة الناجحين مع مرضاهم

من الآخر الدين المعاملة

خامسا : خليك في المعقول
بالنسبة لأجر الكشف بتاعك أو أجر عملية من العمليات يكون في المعقول يعني ولا هو زايد عن اللي الدكاترة اللي حواليك ولا هو أقل منهم مع مراعاة فرق الدرجة العلمية بينك وبين أساتذة الجامعة

ولو ربنا أكرمك والعيادة اشتغلت وحبيت تزود بلاش تزود كشفك كتير الرأفة والرحمة والقناعة حلوة

سادسا : العلاقات

لازم علاقاتك في الوسط اللي انت بتشتغل فيه سؤاء مستشفي ولا غيرها تكون كويسة ومحترمة ابتداء من العامل في المستشفي حتي مدير المستشفي وكل الناس المحيطة بيك وكن متواضعا

لا تتكبر علي أي شخص مهما كان سؤاء مريض أو غيره لأنه دي أول حاجة بتطفش منك المريض كن متواضعا التواضع اللي بيحافظ علي علاقاتك مع الآخرين التواضع اللي يرفعك مش التواضع اللي ينزلك تحت

سابعا : المظهر

لابد أن يكون مظهرك العام يكون نضيف وجميل وأنيق ويا سلام لو معاك حتة عربية نضيفة هاتعملك برستيج حلو

ثامنا : شغلك الحكومي

اشتغل في شغلك الحكومي بما يرضي الله وبضمير لأنه أولا انت محاسب عليه وثانيا علشان هايجبلك شغل في البرايفيت ولو كانت سمعتك حلوة في شغلك الحكومي صدقني ده هايجبلك شغل كويس أوي في عيادتك الخاصة ولو حسيت انك مش قادر علي شغلك الحكومي خد إجازة بدون مرتب أفضل بس بعد ما عيادتك تشتغل

تاسعا : ارضي
ارضي بما قسمه الله لك ولا تنظر إلي زميلك ولا تتابع نجاحه خليك في نفسك وطور من نفسك واعلم تمام العلم انه مهما عملت فالأرزاق بيد الله انت بس بتعمل اللي عليك والباقي علي ربنا

عاشرا : تعلم

احرص علي انك تتعلم وتقرا وتشوف وتشتغل حجات جديدة وما تسبشي نفسك بعد ما تفتح عيادة بدون تعليم أشياء جديدة لأنه كل يوم فيه جديد في العلم وتأكد كل ما تتعلم أكتر كل ما شغلك بيزيد وحتي لو عيادتك اشتغلت برده احرص علي انك تتعلم لأنه ممكن يجي وقت يظهر فيه دكتور يعرف حجات جديدة انت ما تعرفهاش وده ممكن ينقص من شغلك وما تفتحشي العيادة غير لما تكون تمكنت من التخصص بتاعك ولا تتعجل نجاح العيادة اصبر الناس بتصبر سنة واتنين وتلاتة وربنا بيكرمهم في الآخر

احدي عشر :أبدا بحاجة جديدة

يا ريت لو تقدر تعمل حاجة جديدة في عيادتك محدش عملها أبلك من الدكاترة اللي حواليك يبقي ممتاز يعني مثلا لو عيادة باطنة تجيب جهاز سونار أو تخلي العيادة بتاعتك 24 ساعة استقبال لحالات الطوارئ المهم انك تعمل حاجة جديدة تميزك عن اللي حواليك

اثنا عشر : مظهر العيادة

لابد ان تكون العيادة مظهرها نضيف ومرتبة ومنسقة ويا سلام لو فيها شويه ديكور هاتدي انطباع حلو للمريض

ثلاثة عشر: إنها الأمانة

يا جماعة سيبكم من كل اللي فات اسمعوني في اللي جاي ده

والله إحنا علينا مسئولية كبيرة أوي قدام ربنا أبل ما يكون قدام أي حد تاني

اعتبر انه المريض ده والدك أو والدتك أو أخوك أو أختك

هاتعمل إيه معاه

اعمل كل اللي تقدر عليه مع المريض بتاعك

لا تخجل من انك تتهرب بذوق من مريضك من غير ما يحس إذا كنت لا تعرف حالته أو لا تتردد في تحويله الي أحد من زمايلك لو كان محتاج فعلا تحويل

اعمل اللي يمليه عليك ضميرك بغض النظر عن أي حاجة

اتق الله مع مريضك أو مريضتك في كل تصرفاتك لأنك ما تعرفشي ممكن يجي عليك اليوم وتكون انت فيه المريض بدلا من الطبي

واعلم انه الله يراقبك في كل شئ

=================================

انتهي الجزء السادس

علي وعد بلقاء ان شاء الله في الجزء السابع ( الاداريات ) من سلسلة

مستقبل الطبيب
نـــــــداء ورجاء
إلي كل من قرأ هذا الموضوع
لا تنسونا من الدعاء بظهر الغيب
وجزاكم الله كل خير
والسلام عليكم ورحمة الله وبركاته

بسم الله الرحمن الرحيم
إخواني وأخواتي الأطباء والطبيبات
السلام عليكم ورحمة الله وبركاته
النهاردة موعدنا من الجزء السابع من سلسلة
مستقبـــــــل الطبيب
وهو
الإداريــــــــــات
هانتكلم هنا عن الإداريات وهايكون بالأخص ادارايات الوحدة الصحية لأنها بداية الشغل الإداري للطبيب وهي نموذج مصغر لإدارة أي منصب إداري ممكن تمسكه بعد كده
هانفترض انك استلمت تكليفك كطبيب أول يعني مدير وحدة صحية
شوف يا سعادة المدير
هانتكلم في الآتي
أولا : الحضور والانصراف
1- مواعيد العمل الرسمية تبدأ من الساعة الثامنة صباحا حتي الساعة الثانية ظهرا لكل الموظفين في الوحدة بلا استثناء
2- وحدات كتير الموظفين بيجوا الساعة 8 ونص وبيمشوا الساعة واحدة ونص وكله حسب اتفاقك مع الموظفين بس الأفضل انك تجيبهم في ميعادهم وتمشيهم في ميعادهم الرسمي لأنك مش ضامن ممكن يجيلك تفتيش الساعة 8 بالظبط أو الساعة 2 ظهرا ومحدش هايحميك وانت أول واحد هاتتجازي
3- دفتر الحضور والانصراف يكون مسئول عنه موظف من موظفين الوحدة وممكن انت تكون مسئول عن الدفتر بس الأفضل انه يكون مسئول عنه موظف و يفضل انه يكون الموظف المسئول عن الدفتر هو نفس الموظف المسئول عن الأجازات وخطوط السير في الوحدة

4- أول حاجة لما تيجي الصبح للوحدة الصبح تتأكد من وجود كل الموظفين عن طريق انك تسأل المسئول عن الدفتر وكل فترة كده اطلب من المسئول عن الدفتر انه يجيب الدفتر وتخلي الموظفين يمضوا عندك حضور وتتأكد من وجود كل الموظفين خصوصا لو حبيت تشد عليهم أو لما تحس انه فيه هرج وعدم التزام في الوحدة
ولو حد فيهم كان لسه ما جاش يبقي قدامك أكتر من حل
إما تاخدله إجازة عارضة أو تشطب عليه وتكتب فيه مذكرة وترفعها لمدير الإدارة بوضع علامة اكس في خانة الحضور والانصراف
أو تستني لحد ما يجي وتخليه يمضي حضور وتنبه عليه بعدم التأخير مرة أخري
لو كان موظف كويس معاك وشايف شغله صح يبقي ما تشطبش عليه استناه ولو تكرر الحكاية دي معاه نبه عليه مرة واتنين ولو تكرر التأخير منه خدله عارضة
لو موظف مش كويس معاك ومش شايف شغله كويس نبه عليه مرة واتنين وبعدها إما تاخدله عارضة في كل مرة تأخير لحد ما تخلص العوارض بتاعته أو تشطب عليه وتكتب فيه مذكرة وترفعها للإدارة
وسؤاء كان كويس أو مش كويس اسأل الأول زمايله فلان ما جاش ليه لحد دلوقتي لأنه ممكن يكون معاه ظروف قهرية زي حالة وفاة معاه مثلا وقتها خدله عارضة رأفة به لظروفه القهرية
واوعي تمضي لموظف مش موجود عندك في الوحدة لأنه ممكن يكون عامل جريمة بره أو عمل حادثة مثلا وانت مخلي حد من زمايله ماضيله حضور وانصراف طب ازاي ووقتها هاتتحاسب
وبرده في الانصراف ممكن تطلب من المسئول عن الدفتر انه يجيبه وتخلي الموظفين تمضي انصراف قدامك
وممكن تطلبه في أي وقت لأي غرض لأنه ممكن موظف يزوغ من الوحدة من غير اذنك ساعتها تشطب عليه في خانة الانصراف وتكتب فيه مذكرة لمدير الإدارة اسمها مذكرة ترك عمل

5- نبه علي الموظف المسئول والانصراف انه ما يديش الدفتر لأي تفتيش غير بعد ما يجيلك ويستأذن منك ما عدا طبعا لو كان وكيل وزارة أو رتبة كبيرة لكن بتوع التفتيش المالي والإداري بتوع الإدارة أو بتوع مجلس المدينة أو المجلس القروي ما تخليهمشي يمسكوا الدفتر غير بعد ما يستأذنوا منك لأنه ده حقك القانوني انت كبير المكان

وما تخليش التفتيش ده يجيب الموظفين قدامك علشان يتأكد من وجودهم
لو عاوز يتأكد يبقي يتفضل في أي غرفة في الوحدة ومعه الموظف المسئول عن الحضور والانصراف
أو القانوني انه يلف علي الموظفين في الوحدة ويشوفهم موجودين ولا لأ
6-ما تخليش حد من الموظفين يمضي لحد خلي كل واحد يمضي بنفسه لأنه ممكن تحصل مشكلة ووقتها يقؤل الشخص انه ده مش توقيعه .
7- لو فيه موظف استأذن منك شفويا وجالك تفتيش وسأل عليه يبقي وقتها لازم تحمي الموظف بتاعك لأنه استأذن منك احميه بأي طريقة لو علاقتك حلوة بالتفتيش قؤله انه مستأذن منك وما تخليهوش يشطب عليه لو مفيش علاقة أو علاقتك بيه مش حلوة خلي الموظف المسئول عن الدفتر يعمله خط سير أو يعمله إذن من غير ما التفتيش يلاحظ انك قؤلتله كده وامضيه بعيد عن التفتيش
والأفضل انه لو أي موظف حب يستأذن منك يبقي رسمي يعني بخط سير أو إذن رسمي علشان تكون في أمان
8- دفتر الحضور والانصراف مسئولية كبيرة وأول حاجة بيسأل عليه أي تفتيش والمفروض ما يكونشي فيه كشط أو تعديل في الإمضاء وأي تفتيش يجي خليه يمضي علي صفحة اليوم اللي جاه فيه
9- رتب أسماء الموظفين الأطباء طبعا في الأول ثم باقي الموظفين بالترتيب وكل سنة ميلادية جديدة بيتغير الدفتر وبيتعمل دفتر جديد .
10- لو عندك كاتب أو عامل موسمي يعني بالعقد دول ما يتحطش اسمهم في دفتر الحضور والانصراف الرسمي يتعملهم كراسة أو دفتر صغير يمضوا فيه ولو العامل مش بيعرف يمضي يبقي إما تخليه يبصم أو يحط الختم بتاعه في الحضور والانصراف
11- بالنسبة للنبتشيات فيه نوعين نبتشية من الساعة 2 الضهر لحد الساعة 8 بالليل ونبتشية سهر من الساعة 8 بالليل لحد الساعة 8 الصبح
وبيكون موجود في النبتشية دي دكتور وممرض أو ممرضة وعامل أو عاملة والبنتشيات بتكون بالتبادل ولازم تعمل جدول للنبتشيات خاص بالأطباء وواحد تاني خاص بالتمريض والعمال وتعلقه في الوحدة وتبعته كل شهر للإدارة بعد ما تمضي عليه الدكاترة اللي معاك والتمريض والعمال
ولازم تعمل دفتر صغير أو كراسة حضور وانصراف للنبتشيات واحد للأطباء وواحد للتمريض والعمال أو ممكن التلاتة مع بعض
والطبيب النبتشي هو اللي بيمضي التمريض والعمال ويمضي هو بنفسه والدفتر ده يكون مسئول عنه رئيسة التمريض
ولو حبيت تبدل نبتشية مع دكتور زميلك يبقي تمضي في الدفتر باسمك وتكتب بدلا من فلان

12- قانونيا شغلك في الوحدة 24 ساعة ولازم الوحدة تكون مفتوحة 24 ساعة أو علي الأقل تخلي العامل فاتح الوحدة لحد الساعة 12 بالليل لأنه لو جاه أي تفتيش ولقي الوحدة مغلقة بيكون فيه جزاء مش حلو وممكن كمان نقل لو كان وكيل وزارة أو رتبة كبيرة شويه وممكن تنبه علي العامل النبتشي انه لو جاه أي تفتيش يتصل بيك وتخليه يقؤل للتفتيش انك في حالة ولادة بره وتكون سايب أبل ما تمشي من الوحدة خط سير مكتوب فيه حالة ولادة أو كشف خارجي علشان لو اتغيبت تقدر تجيب صورة شهادة الميلاد بتاعة أي طفل اتولد في اليوم ده أو اتكتبت شهادة ميلاده في اليوم ده وتروح بيها الشئون القانونية وتخلع منها بس طبعا ده مش حلال لأنه كذب ولأنه المفروض شغلك يكون 24 ساعة في الوحدة والمفروض مفيش تزويغ .

ثانيا : الأجازات
يوجد أكثر من نوع من الأجازات
1- الإجازة العارضة : ودي بتكون 7 أيام في السنة لأي موظف وانت في أول ست شهور ليك من استلامك للتكليف مالكشي غير 3 أيام عارصة بس والاربعة الباقيين بعد الست الشهور الأولي .
2- الاجازة الاعتيادي : وتكون بتختلف عددها من موظف للتاني حسب عدد سنوات شغله وتقدم الاجازة الاعتيادي ليك أبلها بيوم وأبل ما تمضي عليها وتعتمدها لازم الموظف بتاع الاجازة يكون ماضي ويكون فيه موظف تاني يغطي العمل مكانه يعني لازم يكون فهي بديل عنه ولازم الكاتب بتاع الاجازات يكون كاتب انه الرصيد يسمح والاجازة تتقدم ليك وبعد كده ترفعها للادارة
أما بالنسبة ليك كطبيب جديد في اول تكليفك مالكشي اجازات اعتيادي في أول ست شهور وغالبا بعد كده تقدر تاخدهم هما عبارة عن 25 يوم في الغالب ممكن تاخدهم علي بعض أو تاخد منهم أيام وتقدم الاجازة دي لمدير الادارة بتاعك ولو عدت عليك سنة وما خلصتش الاجازة الاعتيادي بتاعتك يبقي هاتروح عليك ومش هاتتنقل للسنة الجديدة كذلك باقي الموظفين
3- الاجازة المرضي : ودي مالهاش فترة معينة يعني مفتوحة وبتكون من خلال انك تغيب من الشغل وتبعت فاكس للوحدة أو الادارة بانك مريض وملازم الفراش ولما ترجع الشغل بيتحدد ليك ميعاد للكشف الطبي في اللجنة الطبية التابعة للادارة واما يحسبهولك مرضي أو ما يحسبهوش مرضي وتتخصم من الاعتيادي وممكن تاخد جزا معاها أو تخصم فترة الاجازة من مرتبك ونفس الحكاية برده مع أي موظف .
4- اجازة بدل راحة : أي يوم جمعة بتشتغله وبتقعد فيه فيث الوحدة المفروض تاخد مكانه يوم اسمه بدل راحة تقدمه لمدير الادارة بتاعك والنقطة دي ما يعرفهاش دكاترة كتير بس هيا قانونية ميه ف يالميه .
5- الاجازة بدون مرتب : ودي بتكون بعد ست شهور من استلامك
التكليف الا اذا كانت دكتورة فيمال ومرافقة لزوجها في السفر ساعتها تقدر تاخد اجازة بدون مرتب من أول يوم من تكليفها .
6- اجازة وضع : للدكاترة الفيمال أو أي موظفة

ثالثا : الصيدلية
1- لو مفيش غيرك طبيب في الوحدة يبقي الصيدلية هاتكون في عهدتك وتقعد فيها مساعد صيدلي أو ممرضة أو شخص له خبرة في الصيدلية بس الموظف ده مش عليه أي مسئولية المسئولية كلها عليك .

2- دفاتر الصيدلية : دفتر 112 ودفتر 118 ولازم آخر الشهر تظبت الدفاتر دي لأنه الدفاتر دي مصيبة في حد ذاتها لأنه الجهاز المركزي للمحاسبات أو التفتيش المالي بتاع الإدارة بيمسك الدفاتر دي وبيطلع فيها غلط كتير وساعتها ممكن تدفع فلوس كتير من جيبك وتاخد جزا كمان لازم تظبت الدفاتر دي كويس أوي ولازم تعمل المنصرف الشهري وتبعته الإدارة كل شهر ويا ريت تحتفظ بنسخة منه وتشيله معاك حتي بعد ما تمشي من الوحدة لأنه الجهاز المركزي للمحاسبات ممكن يجي بعد سنين ويطلع الدفاتر ويلاقي فيها غلط ووقتها هاتتحاسب . فيه حاجة اسمها دفتر 111 وده النموذج اللي بتطلب فيه طلبية الدواء .

3- أما بئه لو معاك طبيب تاني يبقي هو مسئول عن الصيدلية وتكون في عهدته ولو رفض انه يستلمها منك فهمه بالراحة ولو رفض رفض تام اكتب فيه مذكرة لمدير الإدارة وهايحققوا معاه وممكن ياخد جزاء وفي الآخر برده هايبقي مسئول عنها غصب عنه . أما بئه لو عندك صيدلي يبقي انت ارتحت من دا كله .

4- لازم تخلي بالك كويس أوي من تلاجة التطعيمات اللي في الصيدلية من حيث نضافتها وما تحطش فيها أي حاجة خاصة بيك أو بأي موظف حتي الميه وخلي بالك من ترتيب الطعوم فيها وأهم حاجة درجة حرارة التلاجة ولو الكهربا فصلت لأي سبب يبقي تاخد الطعوم وتوديها أقرب وحدة صحية ليك تشيلها هناك لحد ما الكهربا تيجي .

5- آخر كل شهر اعمل جرد للصيدلية وظبت المنصرف بتاعك بأي طريقة مثال انت مثلا طلبت من مخزن الدواء في الإدارة عدد 500 قرص باراسيتامول استعملت منهم 300 قرص يبقي المفروض الباقي عندك 200 لو عملت جرد ولقيت الباقي منهم 150 يبقي حاول تغطي العجز ده علي التذاكر بحيث يتظبت الوارد مع المنصرف مع الباقي .

6- ما تخليش حد يدخل الصيدلية غيرك انت أو أي طبيب أو الموظف المسئول عن الصيدلية .

7- شيك علي الصيدلية وخلي بالك من الأدوية اللي صلاحيتها قربت تنتهي ولو لقيت دواء معين صلاحيته انتهت يبقي ممكن تاخده من زميل ليك في وحدة صحية تانية وتصرفه عندك علي التذاكر في الوحدة وتخلص منه .

رابعا : التطعيمات ومراقبة الأغذية
1- يكون مسئول عنها المراقب الصحي بالوحدة بالاشتراك مع كاتب المواليد والوفيات بصورة جزئية ولازم يكون المراقب الصحي علي قدر من المسئولية لأنه دي من الحجات المهمة في الوحدة واللي التفتيش بيجي عليها دايما
2- حدد يوم أو يومين في الاسبوع لجلسات التطعيم ولازم تعرف المستهدف بتاعك ولازم بأي طريقة تحقق المستهدف ده وتتأكد انه المراقب الصحي بيعمل جوابات استدعاء لكل الاطفال الواجب تطعيمهم ولازم تعرف المتخلفين عن التطعيم وايه سبب التخلف وتبعت للادارة أسماء المتخلفين وتبعت كل كشوف التطيعم الخاصة بالمراقب الصحي .
3- لازم يكون فيه محاضر اعدام لبعض الطعوم الزائدة بعد ما جلسة التطعيم تخلص .
4- لازم تتعلم كل شغل التطعيمات وتعرف محتوي كل دفاتر التطعيمات وتعرف جدول التطعيم المصري الرسمي للطفل .
5- لازم تتأكد من الوارد والمنصرف والباقي من الطعوم .
6- لو كان فيه حملة شلل الاطفال لازم تتابع الشغل فيها كويس وتطلع تفتش علي فرق التطعيم وتتأكد من وجودهم في الاماكن المحددة لهم لانه دي مسئولية قدام ربنا ولو ظهرت أي حالة شلل في منطقة خدماتك محدش هايرحمك ابتداءا من الوزير حتي مدير الادارة لانه الدنيا بتتقلب وقتها .
7- لازم تاخد بالك من الشهادات الصحية بتاعة أهالي القرية وتخلي المراقب الصحي يطلع كل شويه يعمل تفتيش في القرية علي الاغذية وعلي الشهادات الصحية .
8- لازم تتأكد من أخذ عينات الاغذية وعينات الميه بصورة دورية عن طريق المراقب الصحي وتتأكد من محاضر غسيل صهاريج المياه بالقرية ومحاضر مخالفات اكوام الزبالة والروث الحيواني والمجاري بالقرية .
9- لازم تتأكد من البلاغات الاسبوعية والشهرية اللي بيقوم بيها المراقب الصحي وتعرفها كويس .

خامسا : المواليد والوفيات
1- لازم يكون مسئول عنه موظف أمين لانه موضوع المواليد والوفيات ده ممكن يحبسك .
2- أي حالة وفاة لازم تروح تشوفها بنفسك وأبل ما تروح اسال أي حد تعرفه من القرية يكون أمين عن سبب الوفاة وهل كان المتوفي مريض أم لا اسال محدش عارف خصوصا لو كان صغير في السن أو فيه عدواة بينه وبين حد تاني .
3- أبل ما تمضي علي شهادة الوفاة تأكد من بيانات المتوفي خصوصا تاريخ الوفاة وبيانات المبلغ بالوفاة وتأكد انه الكاتب بتاع المواليد والوفيات ماضي أبلك
4- خلي بالك وانت بتكتب سبب الوفاة ولو قدرت تدعم الشهادة بروشتة أو اتنين للمتوفي يبقي كويس .
5- أي حالة وفاة فيها شبهة جنائية بلغ بيها مدير مكتب الصحة بالادارة فورا لانه هو اللي هايطلعلها الشهادة مش انت
6- لو كان سبب الوفاة حادثة أو ماس كهربائي أو حريق أي حاجة جنائية يبقي ما طلعشي انت شهادة الوفاة دي يطلعها مدير مكتب الصحة بالادارة انت ممكن تبلغ بيها بس .
7- لازم تاخد بالك وانت بتكتب تصريح الدفن اسم المتوفي من واقع بطاقته وتاريخ الوفاة ومكان دفن المتوفي وتوقيعك والمفروض مفيش أي متوفي يدفن من غير التصريح ده .
8- تاخد بالك من شهادات الميلاد وتاخد بالك أكتر من الاطفال ال ساقطين قيد اللي هما اتولدوا وما اتعملشي ليهم شهادة ميلاد لانه المفروض المدة القانونية لاصدار شهادة الميلاد هيا 15 يوم من تاريخ الولادة وممكن تتأكد من تاريخ الولادة عن طريق دفتر الحوامل اللي موجود مع ممرضة الحوامل لانه بتكون كاتبة فيه اسم الست وميعاد ولادتها المتوقع ولو الست مش موجود اسمها في الدفتر ده يبقي تخلي والد الطفل يجيب الطفل وتحدد انت عمره أد ايه تقريبا فوق ال 15 يوم ولا أكتر ولازم يكون مرفق مع الاوراق المطلوبة لاصدار شهادة الميلاد اخطار ولادة سؤاء من طبيب أو مستشفي أو ممرضة أو داية .
9- تاخد بالك من الرسوم اللي بياخدها كاتب المواليد لما بيجي يطلع شهادة الميلاد لانه اوقات بياخد فلوس زيادة من الناس .

سادسا : المخزن
1- - بيكون مسئول عنه أمين المخزن بالوحدة .
2- بيكون معاه دفتر 112 برده ودفتر 118 برده ودفتر عهد مستديمة وعهد مستهلكة .
3- كل سنة بيتعمل حاجة اسمها محضر جرد للعهدة الصح انك تعمله فعليا وواقعيا عن طريق تشكيل لجنة من الوحدة ترأسها انت وتراجع كل العهد اللي مع أمين المخازن لربما تكون حاجة مش موجودة أو حاجة بره الوحدة وبتحصل كتير . بس برده لو حبيت تزنق عليه أو لو اكتشتفت انه فيه عهدة مسروقة أو مش موجودة ممكن تعمله محضر جرد مفاجئ وممكن كمان تبعت للادارة علشان تبعتلك تفتيش مالي وإداري يساعدك .

سابعا : كاتب الماليات
1- بيكون مسئول عن إيداع فلوس التذاكر والدواء لرصيد الوحدة .
2- تحرير استمارات المرتب والحوافز والبدلات والنبتشيات وخطوط السير وأي استمارات مالية .
3- أوقات بيشتغل برده مندوب للصرف بحيث يقبض المرتبات للموظفين .
4- مسئول عن السلفة المستديمة ودي عبارة عن 100 جنيه تصرف من رصيد الوحدة لتحسين الخدمة بالوحدة من طباعة دفاتر وغيرها ويتم تسويتها ماليا .
5- خد بالك أوي أبل ما تمضي علي أي حاجة مالية واسأل عليها كويس .

ثامنا : التأمين الصحي
1- دي المصيبة الكبيرة في الوحدة وده بيكون في عهدتك وبتمضي عليه واي غلط فيه هاتتحاسب عليه ولازم كل بيانات الروشتة تكون مستوفاة الاسم والتاريخ والتشخيص وغيره وغيره لانه التأمين مش هايسيبك في حالك وبيراجع من وراك كل كلمة واي غلطة بيخصم منك فلوس ولازم تخلي بالك من الدفاتر دي وتشيلها في مكان أمان .
2- لازم تعرف ايه الادوية اللي تتكتب في روشتة التأمين وايه اللي مش هايتكتب
3- أقصي حد للادوية تقدر تكتبه هو تلات اصناف فقط .
4- لازم يكون عندك اكلاشية تختم بيه الروشتات ولو ما ختمتش روشتات التأمين بالكلاشيه التأمين هايخصم منك فلوس .
5- بعد ما بيخلص الدفتر بتسلمه وتجيب غيره وهكذا .
6- الدفاتر اللي هاتشتغل فيها هيا دفتر 380 للاطفال الرضع وتمنها نص جنيه . وفيه دفتر قانون 99 لطلاب المدارس بحيث يجي الطالب بتحويل من المدرسة وتكشف عليه مجانا وتكتبله العلاج . وفيه وحدات نادرة بتتشغل علي قانون 32 للموظفين وقانون 79 للمعاشات .
7- دفاتر التأمين لازم تكون مختومة بختم الشعار .
8- ممنوع الشطب أو كتابة أدوية خارج الأدوية المحددة في هذه الحالة سوف تعتبر التذكرة لاغية وهاتتحسب عليك .
9- تذكرة التأمين من أصل صورتين ولازم يكون الكربون طابع في خلف التذكرة .والتذكرة الأصلية دي بتروح الصيدلية أما النسختين الباقيتين للتذكرة بيفضلوا في الدفتر .
10- كل فترة 3 شهور الي ست شهور بتقبض فلوس التأمين الا اذا كنت وحدة طب اسرة فا هاتاخد فلوس التامين ضمن حافز الدعم الفني

تاسعا : تنظيم الأسرة
1- مسئول عنها ممرضة تنظيم الاسرة وانت أو أي طبيب اخر بالوحدة
2- لازم تتابع تحقيق المستهدف مع ممرضة تنظيم الاسرة شهريا .
3- لازم تاخد بالك من الفلوس الموردة من تمن وسائل تنظيم الاسرة .
4- لازم انت بنفسك اللي تركب اللولب وتعطي المشورة وما تسبشي الموضوع ده للمرضة .
5- كل شهر ولا شهرين راجع دفاتر تنظيم الاسرة مع الممرضة علشان تحس انه فيه حد بيراقب من وراها وعلشان لما يجي تفتيش يلاقي كل الدفاتر سليمة .
6- كل فترة بتجيلك فلوس انت والممرضة جزء من الفلوس اللي وردتها تمن الوسائل .
7- تأكد من التعقيم في شغل تنظيم الاسرة .

عاشرا : رعاية الحوامل
1- بتكون مسئولة عنها ممرضة الحوامل .
2- راجع الدفاتر معاها شهريا أو كل شهرين لو أمكن .
3- تأكد من خروجها من الوحدة لعمل الزيارات المنزلية للولادات وتأكد من إنهم بيروحوا فعلا للست الوالدة .
4- تأكد انه الممرضة دي بتروح تاخد عينة الغدة الدرقية لاي طفل بيتولد وتأكد انها مش بتاخد فلوس من الست الوالدة .

احدى عشر : المعمل
1- راجع الدفاتر معاه كل فترة .
2- تأكد من انه بيعمل التحاليل بدقة ومش بيفبركها .
3- تأكد من انه بيبعت البلاغات بتاعته اسبوعيا وشهريا .
4- تأكد انه مش بيعمل تحليل حمل للستات وبياخد منهم فلوس نظير كده لانه اوقات بيعملوا كده واوقات ممرضة تنظيم الاسرة او ممرضة الحوامل تعمل كده يعني من الاخر تشتغل برايفيت جوا الوحدة .
5- تأكد من نضافة المعمل .

اثنا عشر : الرائدات الريفيات
1- تأكد انها بتخرج فعلا تعمل زيارات منزلية للحوامل وايضا للستات علشان تنظيم الاسرة .
2- راجع معاهم الزيارات بتاعتهم وهل حققوا المستهدف بتاعهم ولا لأ
3- اوقات كتير الرائدة الريفية تاخد خط سير وتروح البيت تأكد من كده

ثلاثة عشر : رعاية الطفل
1- راجع الدفاتر كل فترة مع الممرضة المسئولة .
2- تأكد انها بتسجل نمو الطفل والتطعيمات بتاعته .

أربعة عشر : الطوارئ
1- تأكد من توافر كل تجهيزات الطوارئ الخاصة بالوحدة
2- خلي بالك من غرفة الطوارئ لانه القطن والشاش والحجات دي اوقات بتطلع بره الوحدة .
3- تأكد من وجود أمبولات الطوارئ في غرفة الطوارئ .
4- تأكد من وجود اسطوانة أكسجين مليانة عندك محدش ضامن الظروف .
5- راجع السجلات مع الممرضة المسئولة عن غرفة الطوارئ .

خمسة عشر : ختم الوحدة
ختم الوحدة سؤاء ختم شعار الجمهورية ولا الختم البيضاوي يبقي معاك انت وبس وما تسلموش لاي موظف اوي حد تاني ولو حصل انك روحت وحدة صحية ولقيته مع موظف استلمه منه
الاوراق التي تختم بختم شعار الجمهورية :
1- شهادة الميلاد والوفاة والاستمارات الخاصة بكلا منهما .
2- الشهادة الصحية للمولود لاول مرة أو بدل فاقد منها .
3- استمارات المرتبات والبدلات وغيرها من الاستمارات المالية .
4- تذاكر التأمين الصحي .
5- ورق التحويل الخاص بالتأمين الصحي
6- الورق الخاص بدفع رسوم التليفون وغيره .
7- اوراق وبيانات موجهة للادارة .
8- المذكرات المرفوعة لمدير الادارة .

الاوارق التي لا تختم بختم شعار الجمهورية ( النسر ) :
1- الشهادات الصحية للبائعين واصحاب المحلات دول يتختموا من الادارة الصحية .
2- الكفيل والضامن والسلفة .
3- استمارات تحديد نسبة العجز .
4- الاجازاات المرضية للطلاب اللي أكتر من يوم .
5- أي ورق شاكك فيه ولا مش عارف محتواه .
6- خطوط السير والاذونات تختم بالختم البيضاوي

بعض الأوراق الإدارية

خط السير
الاسم:-............... ..... التاريخ :-..../...../....20
الوظيفة:-.............................. .. الساعة:-.........
الغرض (المهمة المراد القيام بها:-.............................. ..................
.............................. .................... .............................. ...........
.............................. .................... .............................. ...........
يعتمد طبيب الوحدة

الإمضاء والختم البيضاوي

لابد من أن يكون اصل وصورة
الأصل مع صاحب خط السير (لكي يكتب عليه من الجهة التي ذهب إليها عبارة (حضر المذكور وتختم) وألا اعتبر خط السير وهمي.
والصورة تكون مع مسئول دفتر الحضور والانصراف(ويمضي صاحب خط السير حضور أما الانصراف يكتب خط سير لو كان لسه ما جاش .)

الإذن
السيد مديرالوحدة
برجاء من سيادتكم السماح لي بإذن ساعتين
من...... الساعة إلي....... الساعة
وذلك من اجل...............................
مقدمه
...........................

يعتمد طبيب الوحدة
إمضاء فقط

أمر تكليف
يكلف السيد / ............ بأعمال ..................
وذلك ابتداءا من يوم ................. الموافق ...../..../ 20
وذلك لصالح العمل .
التوقيع بالعلم
..........................
يعتمد طبيب الوحدة
الإمضاء والختم النسر
)يتعمل نسختين واحد يفضل معاك وواحد يفضل مع المسئول المالي والاداري بالوحدة أو كاتب الوحدة وتبعته مع كاتب الوحدة علشان تخليه يمضي ولو رفض الموظف ينفذ الامر المكلف به خلي كاتب الوحدة يكتب رفض المذكور تنفيذ أمر التكليف ساعتها ترفع مذكرة لمدير الادارة وترفق بيها أمر التكليف هايتحول الموظف شئون قانونية وياخد جزا وهاينفذ غصبن عنه )

مذكرة ( لو الموظف غاب عن العمل )
السيد الدكتور مدير الإدارة الصحية .............
تحية طيبة وبعد ,,,,
نحيط سيادتكم علما بأن السيد / .......... قد تغيب عن العمل يوم ........... الموافق .../...../.....200
نرجو من سيادتكم اتخاذ اللازم .
وتفضلوا بقبول وافر الاحترام

يعتمد طبيب الوحدة
الإمضاء والختم النسر
مذكرة عامة
السيد الدكتور / مدير الإدارة الصحية ب
تحية طيبة وبعد ,,,
نحيط سيادتكم علما بأنه ( نبذة مختصرة عن المشكلة ) بكلام واضح
ولهذا أرجو من سيادتكم اتخاذ اللازم
وتفضلوا بقبول وافر الاحترام
يعتمد مدير الوحدة
دكتور / .........
الإمضاء والختم

كيف تكون مديرا ناجحا ؟
أولا : اعرف
اعرف اللي ليك واللي عليك يعني أبل ما تستلم الشغل في الوحدة لازم تكون ملم ب 95 % من شغل الاداريات بالوحدة علشان الموظفين ما يضحكوش عليك في حاجة وعلشان ما تقعشي في أي خطأ
ولما تروح وانت فاهم الشغل بتاع الادارايات كويس الموظفين هايعملوا حسابك في كل كبيرة وصغيرة ومش هايتجرؤا يعملوا أي حاجة معاك لانهم عارفين انك ممكن تكشفهم ويا ريت في بداية استلامك الشغل تسأل علي حجات ادارية كده في كل قسم علشان تبينلهم انك فاهم الليلة كلها
ثانيا : لا تكن صلبا فتكسر ولا لينا فتعصي
خلي المبدأ بتاعتك مع الموظفين انك تشد وترخي يعني مش هاينفع تشد علي طول لانهم ممكن يفتعلوا ليك أي مشاكل توجع دماغك وفي نفس الوقت ما تسبشي الحبل علي الغارب ولما تلاقي انه الوحدة بقي فيه تسيب وعدم التزام شد عليهم اطلب دفتر الحضور والانصراف تعالي بدري وشطب عليهم أو خدلهم عوارض أوقات تحتاج انه صوتك يعلي شويه
ثالثا : المساواة في الظلم عدالة
مش هاينفع تشطب علي واحد أو تاخد عارضة لموظف وفي نفس الوقت تتغاضي عن زميل له كده انت بتتعامل بمعيارين
لازم يكون تعاملك بمعيار واحد الا اذا كان فيه موظف كويس والتاني وحش خد للاول عارضة والتاني شطب عليه لكن ما تشطبشي علي التاني وتمضي للاول
ولما تكون عاوز حاجة تتعمل في الشغل يبقي خليها بالعدل وبالمساواة
رابعا : فرق تسد
لو لقيت اتنين موظفين من النوع اللي مش كويس مع بعضهم وعاملين حزب حاول تفرق بينهم بس بما يرضي الله مش بالغيبة ولا التوقيع بينهم
مثلا لو كانوا في مكتب واحد ابعدهم عن بعض ده هايقلل المشاكل شويه أو أي حاجة انت شايفاه هاتنفع
خامسا : وزع المهام
المدير الذكي هو اللي يوزع مهام الشغل علي الاخرين لانه مش هايقدر ياخد باله من كل حاجة لازم يكون ليك مندوب عن كل فئة وهو اللي تجيبه وتسأله ويكون مسئول قدامك علي الشغل في الحتة الفلانية
سادسا : تعرف علي مراكز القوى
حاول تشوف مين أكتر شخصية مؤثرة بين كل الموظفين واعرف سكته لو هو كويس يبقي مفيش مانع انك تديله بعض الامتيازات لانه ده هايقوي مركزك مع الموظفين لو هو وحش يبقي اتصيدلي وجمعله الغلط لحد ما تاخد معاه موقف قوي وتكسره قدام الموظفين وبكده الكل يتلم
واوعي تقوي وتقرب موظف بيكرهوه الموظفين منك لانه ده هايولد عندهم الغيرة والحقد وهايعمل مشاكل كبيرة
سابعا : المتابعة
حاول دايما تتابع كل أنشطة الوحدة بتاعتك وتكون واخد بالك من كل شئ بيحصل حواليك ويا سلام لو فيه موظف حلو يقؤلك كل اخبار الوحدة السرية ما خفي منها وما بطن بطريقة مباشرة أو بطريقة غير مباشرة
ثامنا : احرص
خليك حريص دايما انك ما تغلطشي في أي حاجة علشان محدش يمسك عليك أي غلطة وخلي اعصابك هادية خصوصا في المواقف الكبيرة علشان تعرف تاخد حقك بعدين لانك لو ثورت يبقي ضيعت حقك لانك في الاول وفي الاخر موظف زي أي موظف في نظر القانون وفي نظر الشئون القانونية أو النيابة الادارية
تاسعا : اياك
اياك تمضي علي ورقة من غير ما تقراها وتعرف ايه اللي فيها ولا تحط الختم بتاعك علي ورقة انت مش عارف ايه هيا اسال أي حد من زمايلك أبل أي حاجة اذكر انه في مرة موظف مضي دكتور علي استقالته وسط ورق التطعيمات من غير ما الدكتور ياخد باله
عاشرا شارك
حاول تشارك الموظفين في افراحهم واحزانهم مفيش مانع تروح فرح حد فيهم أو تروح جنازة لحد منهم وخلي العلاقة نظام وقت الجد جد ووقت الهزار هزار كل حاجة بوقتها بس خلي الغالب عليك الجد
احدي عشر : شويه اعتزاز
لازم يكون عندك شويه اعتزاز بالنفس قدام نفسك أب لما يكون قدام الموظفين مش عاوز أقؤل تناكة بس لازم تعمل لنفسك برستيج
بحيث ما يبنشي انه غرور ولا يبان انك متهاون ومنكسر
واوعي تقؤل المشاكل الشخصية أو مشاكل حياتك كطبيب قدام أي من موظفين الوحدة هاتلاقي تاني يوم الوحدة كلها عرفت
اثنا عشر : من فترة للتانية
من فترة للتانية لازم تكشر عن أنيابك في الوحدة يعني مش معني انك ملكت زمام الامور في الوحدة يبقي تستكين وتسكت لا لازم كل فترة تبين انك صاحي وواخد بالك ومستعد لاي حاجة
ثلاثة عشر : لا تبالي
لو اتحولت شئون قانونية أو أخدت جزا ما تظهرشي أي خوف ولا قلق قدام الموظفين وخد الامور ببساطة وانه مش هامك حتي لو روحت النيابة الادارية عادي جدا
أربعة عشر : احترم
احترم الموظفين المحترمين وحاول تكسبهم وطنش الموظفين الغير محترمين وعاملهم رسمي
خمسة عشر : خد بالك
خد بالك انه المنافقين كتير من موظفين الوحدات الصحية يعني ما تتغرش بالكلام بتاعهم
ستة عشر : اجمع كل الداتا
يا سلام لو سألت علي الوحدة بتاعتك أبل ما تستلم فيها الشغل وتعرف تاريخ كل موظف وحوادثه المشهورة وأول ما تستلم تعمل اجتماع بيهم وتحسسهم انك عارف عنهم كل حاجة
سبعة عشر : أبل ما تاخد أي قرار
أبل ما تاخد أي قرار لازم تفكر كويس وتسأل علشان لما تاخد القرار ما ترجعشي فيه
ثامنا عشر : سامح
ممكن تسامح المخطأ مرة واتنين وتلاتة لكن أكتر من كده يبقي لازم تاخد موقف وموقف قوي علشان الغلط ما يتكررشي تاني طبعا فيع بعض الاخطاء مش هاينفع يتسامح فيها
تسعة عشر : انت الكبير
انت كبير الليلة في الوحدة الصحية يعني ما تخليش أي حد من بره يتعدي عليك ويظهرك بصورة ضعيفة قدام الموظفين بتوعك يعني مثلا لو جالك تفتيش من المجلس القروي أو مجلس المدينة تعامل معاه كويس لو كان كويس ومحترم لو كان جاي بئه يتنطط يبقي اهتره ايوه اهتره وعامله رسمي وقانوني وبدون أدني اهتمام بدون ما تغلط فيه هو اساسا مالوش غير دفتر الحضور والانصراف والنضافة في الوحدة
ولو تفتيش مجلس قروي جالك واتنطط عليه تاني خلي المراقب الصحي بتاعك يطلع للقرية ويكتب محاضر عن النظافة والزبالة بالقرية وكل شويه ابعتله مذكرة نظافة وخليه يبعتها المجلس القروي ويطالبه فيها بازالة الزبالة من القرية واكتب مذكرة بكده ولمح فيها انك ممكن تبعت لرئيس مجلس المدينة
وقتها هايعملك حساب
عشرين : أي ورقة
أي ورقة أو مذكرة لازم تصدرها في الصادر وكذلك أي اشارة تسجل في الوارد وتنبه علي الموظف انه يطلعك علي أي اشارة تجيلك
ولو جات الاشارة خاصة بموظف معين تخليه يمضي عليها بالعلم
واحد وعشرون : لو عندك
لو عندك موظف بتاع مشاكل ووحش تصيدله الاخطاء والغلط وابعت فيه مذكرة في اتنين في تلاتة في اربعة بس مذاكرات ياخد فيها جزا يعني حاجة فعلية وبعد كده ارفق كل الجزاءات بتاعته في مذكرة لمدير الادارة علشان تنقله ولو رفض مدير الادارة انه ينقله اطلع علي وكيل الوزارة وقؤله مش هاينفع اشتغل وده موجود في الوحدة
اثنان وعشرون : المعادلة الصعبة
حاول توصل للمعادلة الصعبة انه الموظفين يحبوك وفي نفس الوقت يحترموك ويعملوا ليك ألف حساب في كل كبيرة وصغيرة
ثلاثة وعشرون : خلي راسك مرفوعة دايما
ما تخليش موظف يكسر عينك بأي حاجة سؤاء أنه يجبلك كشوفات وانت تتهاون معاه علشان النقطة دي وما تقبلشي عزومات من أي موظف من موظفين الوحدة خصوصا في البداية غير بعد فترة طويلة من الشغل معاهم وما تقبلشي هدايا جوا الشغل غير بعد فترة برده بعد ما تكون عرفت الدنيا ماشية ازاي في الوحدة ومين الكويس ومين الوحش
أربعة وعشرون : مظهرك
اظهر دايما بمظهر نضيف ولائق بدكتور ومدير للوحدة ودي اساسا حاجة شخصية بتكون في الشخص نفسه
خمسة وعشرون : لا تظلم
الظلم ظلمات راعي ربنا في الموظفين بتوعك واحرص انك ما تظلمشي أي حد في أي حاجة
ستة وعشرون : لا تخاف
لا تخاف في الحق لومة لائم وتاكد انه ربنا هايوقف معاك وهاينصرك ما دام ماشي صح وبتعمل الصح
سبعة وعشرون : اذا أردت
اذا أردت ان تطاع فاطلب ما يستطاع ما تحملشي موظف أكتر من طاقته
ثامن وعشرون : راعي
راعي الظروف القهرية للموظفين لانه ممكن يقصروا في شغلهم لاي سبب قهري
تسع وعشرون : ابدع
حاول تعمل حجات جديدة ومفيدة للشغل و حاول تعمل علاقات من المسئولين من خلال شغلك في الوحدة الصحية ده هاينفعك بعدين انا عن نفسي وصلت للوزير ولقيادات كبيرة في وزارو الصحة من خلال شغلي في وحدة طب أسرة
الثلاثون : كلكم راع وكلكم مسئول عن رعيته
انت مسئول قدام ربنا في كل حاجة في الشغل واي تقصير او اهمال انت مسئول بصورة رئيسية او صورة جزئية فيه علشان كده اعمل شغلك بضمير وكما يجب بغض النظر عن كل المواقف البايخة اللي هاتقابلها من الادارة او المديرية او الوزارة
ومادام وافقت علي عملك يبقي لازم تؤدي عملك كما يجب و تحاول دايما انك تتقن عملك
ان الله يحب اذا عمل أحدكم عملا أن يتقنه
==================================
انتهي الجزء السابع

علي وعد بلقاء ان شاء الله في الجزء الثامن ( السفر للعمل بالخارج ) من سلسلة

مستقبل الطبيب
نـــــــداء ورجاء
إلي كل من قرأ هذا الموضوع
لا تنسونا من الدعاء بظهر الغيب
وجزاكم الله كل خير
والسلام عليكم ورحمة الله وبركاته

بسم الله الرحمن الرحيم

إخواني وأخواتي الأطباء والطبيبات

السلام عليكم ورحمة الله وبركاته

النهاردة موعدنا من الجزء الثامن من سلسلة

مستقبـــــــل الطبيب

وهو

السفــــــــــر للعمل بالخارج

معظم زمايلنا الاطباء والطبيبات بيسافروا السعودية علشان كده انا هاتكلم باستفاضة عن السفر للسعودية

[size=21]الفرق بين العمل في القطاع الخاص والقطاع الحكومي ( وزارة الصحة السعودية )

أولا : من ناحية الراتب

الخاص في الغالب بيكون فلوسه أقل من الحكومة

يعني الخاص تلاقيه ب 4 الالاف ريال أو 5000 ريال مع واحد واخد سنتين خبرة ورايح يشتغل جي بي

لكن الشغل في وزارة الصحة السعودي كممارس عام أو طبيب مقيم بيكون كالآتي 4000 ريال أساسي المرتب + 400 ريال عن كل سنة خبرة بحد أقصي 15 سنة + 400 ريال بدل انتقال + 440 ريال بدل غلاء معيشة + تلات شهور بدل سكن + نص شهر بدل تأثيث يوخذ مرة واحدة بس خلال مدة التعاقد + زيادة 5 % سنوية

ثانيا : من ناحية الأجازات

الخاص بيديك 30 يوم إجازة في السنة 15 يوم منهم بس مدفوعي الأجر لكن العاام

بيديك 45 يوم مدفعي الأجر يعني مرتبك شغال وأنت في الإجازة

ثالثا : من ناحية السكن

الخاص في الغالب بيوفرلك سكن ممكن يكون كويس وممكن يكون وحش

لكن العام

بيديك تلات شهور بدل سكن كل سكن يعني انت لو معاك سنتين خبرة ورايح السعودية تشتغل طبيب مقيم

أو جي بي هاتاخد يا سيدي

13200 ريال

وتسكن انت بئه علي مزاجك في المكان اللي يريحك

رابعا : من ناحية بدل التأثيث

الخاص مش بيديك بدل تأثيث

لكن العام

بيديك نص شهر بدل تأثيث يعني لو معاك سنتين خبرة يديك

2200 ريال

والبدل ده لمرة واحدة بس أثناء مدة تعاقدك

خامسا : من ناحية بدل الانتقال

الخاص ممكن يوفرلك وسيلة مواصلات باص أو أي وسيلة تانية

لكن العام

بيديك 400 ريال شهريا كبدل انتقال

سادسا : من ناحية بدل غلاء المعيشة

الخاص لا يعطي بدل غلاء معيشة

لكن العام

يعطي 10 في الميه من أساسي راتبك كبدل غلاء معيشة عبارة عن

440 ريال

بس فيه الحاجة البدل السنة اللي جايه هايكون 15 في الميه ومش عارفين مصيره بعد كده
سابعا : من ناحية الامتحان

الخاص لازم تشترك في الهيئة السعودية للتخصصات الطبية ولازم تعملك امتحان علشان تمارس الطب في السعودية وبصراحة امتحاناتها

وحشة أوي وصعبة

وبتدفع فلوس يمكن بتاع 1000 ريال رسوم اشتراك عندهم

لكن العام
مافيش امتحان فيه إلا امتحان صوري كده مالوش لازمة اسمه امتحان تجديد العقد

ثامنا : من ناحية طبيعة الشغل

الخاص شغله متعب أوي لأنه بيديك فلوس ومستني النتيجة من وراك

العام شغله أريح بكتير

تاسعا : من ناحية المسئولية

في الخاص بتكون المسئولية أكبر برايفيت بئه

لكن العام انت محمي ونفس القوانين اللي بتحكم الموظف السعودي إلي حد ما مطبقة عليك دا غير انه العيان في القطاع الحكومي محتاجلك

علشان الأجازات وحجات كتير

عاشرا : من ناحية المعاملة

الخاص لو انت وقعت مع صاحب مستوصف وحش أوعدك انك هاتكره حياتك وهاتروح علي طول دا لو عرفت تروح بلدك

لكن العام مافيش كفيل

كفيلك وزارة الصحة السعودية وماحدش ليه دعوة حر نفسك يعني

وهل كل الخاص سىء؟؟

لا طبعا مش كل الخاص وحش

فيه خاص جميل أوي زي السعودي الألماني ومستشفي الحمادي وغيرها كتير وفيه برده مستوصفات خاصة مشهورة وكويسة

بس الخاص مش مضمون لو هاتطلع خاص يبقي اطلع علي حاجة مشهورة ومعروفة احسنلك

وكام تقريبا مصاريف فرد واحد فى السنة؟؟

النقطة دي بتختلف من واحد للتاني ومن واحد مجوز ومعاه أسرة ومن واحد عايش لوحده زي حلاتي

نصيحة لو طلعت برايفت ما تطلعشي غير علي حاجة مشهورة وتسأل كويس أوي أبل ما تسافر علي المكان ده

[/size]

الشركات المضمونة للسفر ؟؟

هأقؤلكم دلوقتي عن الأماكن والشركات الكويسة المضمونة بتسفر السعودية وبتشغل في القطاع الحكومي في الغالب

أولا : مكتب التوظيف السعودي - الدقي - شارع عبدالله الكاتب - خمس دقايق مشي من محطة المترو

تليفون : 0233369086 أو 0233369087

ثانيا : شركة مصر الحجاز -

34أ شارع الحجاز عمارة التجاريين المدخل الخلفى - مصر الجديدة - القاهرة تليفون : 0226322710 - 0226447055 فاكس

ثالثا : شركة بايونيرز -

12 عمارات رامو - شارع عمر بن الخطاب

رقم التليفون 69024311

دي أكتر الشركات

إجراءات السفر

إلي كل طبيب أو طبيبة

مهتم بالسفر

إلي كل طبيب أو طبيبة

ممكن يفكر في السفر في يوم من الأيام

إلي كل طبيب أو طبيبة

يعرفوا حد بيفكر في السفر

يبقي لازم تقروا الموضوع ده

وممكن تعملوا له كوبي وباست

وتحتفظوا بيه عندكم

للزمن

هاتكلم إن شاء الله عن

الإجراءات وتجهيز الأوراق الخاصة بالسفر

لأنه الموضوع ده مهم ومتعب وشاق

والطبيب اللي بيسافر بيقع في مشاكل وأخطاء كتير لما يجي يجهز نفسه للسفر

وبيكون مش عارف يبدأ منين وينتهي فين

وممكن يتكلف كتير نتيجة عدم معرفته الإجراءات

علشان كده أنا جهزت الموضوع ده وربنا يعلم التعب اللي تعبته علشان

أجهز الموضوع ده

بس مش خسارة فيكم

انتم تستاهلوا كل خير

يا صفوة المجتمع

ولا تنسونا بصالح

هأتكلم دلوقتي عن الإجراءات والورق المطلوب للسفر إلي السعودية وفي الغالب هو نفس الورق ونفس الإجراءات بتاع السفر

أي دول من دول الخليج مع اختلاف الأماكن :

الأوراق المطلوبة

أولا : جواز سفر .

ثانيا : شهادة الخبرة .

ثالثا : شهادة البكالوريوس شهادة مؤقتة أو الشهادة الكرتون

رابعا : شهادة الخلو من الفيروسات الكبدية .

خامسا : كشف طبي من المستشفيات المعتمدة .

سادسا : شهادة تحركات

سابعا : توثيق العقد

ثامنا : إجازة بدون مرتب

تاسعا : تصريح العمل

عاشرا : إذن السفر

وأخيرا : أمر الاركاب

كيفية إعداد الورق

أولا : جواز السفر

تروح مصلحة الجوازات في المحافطة أو المدينة اللي أنت تابع ليها وتاخد معاك :

1- كام صورة شخصية ولازم تكون خلفية الصورة بيضا بس أوقات يقؤلوا أي خلفية بس تكون سادة .

2- البطاقة الشخصية ولازم يكون في البطاقة الشخصية بتاعتك مكتوب فيها طبيب بشري لو مكتوب طالب ولا طبيب امتياز

يبقي لازم تغير البطاقة

وتخليها طبيب بشري أو أوقات الجوازات بتوافق علي طالب او طبيب امتياز بس بشرط انك تجيب شهادة من مقر عملك ا

نك بتشتغل طبيب بشري

وكله حسب الظابط اللي موجود .

3- و تجيب معاك من البوستة نموذج جواز سفر المفروض انه موجود في الجوازات بس أوقات كتير ما يكونشي موجود فأنت هاته من البوستة أفضل .

4- وتاخد معاك شهادة الجيش سؤاء التأجيل أو الإعفاء أو شهادة إنهاء الخدمة العسكرية لو الشهادة دي في المديرية اعمل منها صورة طبق الأصل

ولازم الختم يكون واضح فيها جدا .

ودلوقتي قدامك حاجة من اتنين

لطلع الجواز مستعجل ب 79 جنيه وده بيطلع في نفس اليوم بعد الضهر

لطلع الجواز عادي ب 66 جنيه وبيطلع بعد يومين أو تلات أيام بالكتير

ثانيا : شهادة الخبرة

تروح علي مديرية الصحة اللي أنت تابع ليها أو ساعات الإدارة الصحية اللي أنت تابع ليها بطلع شهادة الخبرة برده .

المهم تاخد بالك من الموظف وهوه بيكتب الشهادة لازم يكون فيها تاريخ التخرج وبداية الامتياز ومكانه ونهايته بعد كده تخليه يكتب تاريخ التكليف مش

تاريخ استلام العمل لأنه تاريخ التكليف بيكون قبل تاريخ استلام العمل وده ممكن يفرق في سنوات الخبرة بعد كده ولازم يتكتب في الشهادة إذا كنت

واخد إجازة بدون مرتب ابل كده ولا لا

ولازم يتكتب الجهة الموجه ليها الشهادة يعني الدولة اللي أنت مسافر ليها

الشهادة دي تمنها بيفرق من مديرية لاخري يعني يمكن 11 جنيه في المديرية

وبعد كده تروح بالشهادة دي إلي المحافظة اللي أنت تابع ليها وتروح توثقها من المحافظة ب 5 جنيه من مكتب سكرتير عام المحافظة .

بعد كده تطلع علي الخارجية المصرية وتروح توثق الشهادة هناك بختم الخارجية المصرية ب 10 جنيه توثيق الشهادة .

وبعد كده تروح واخد الشهادة دي وتروح بيها السفارة السعودية بالقاهرة في شارع القصر العيني

الجديد اليومين دول انه السفارة لم تعد تتعامل مع اشخاص من اجل توثيق الاوراق ولكن تتعامل مع مكاتب وسيطه

يعني حضرتك بتروح فى اى وقت ترمى الورق الى عاوز توثقه للمكتب وتيجي بعد يوم او اتنين تاخده والورقه ب 80 جنيه يا ريس

فيه مكاتب منتشرة حول السفاره ولكن افضلهم واسرعهم مكتب اسمهالمسافرنت

ده موجود بعد السفاره

تخلى السفاره على شمالك وتمشي لحد اما السفاره تخلص ومنطقه عمارات كده هو دور ارضي على يمينك

ولو توهت اسال عليه وهناك هاتلاقي ناس توضلك لحد المكتب وبتاخد جنيه او اتنين

ثالثا : شهادة البكالوريوس

تاخد الشهادة المؤقتة أو الكرتون وتطلع بيها علي أمانة الجامعة وتقؤلهم عاوز أوثق الشهادة دي هايوثقوهالك مجانا وهاتطلع

بعد كده علي الخارجية المصرية توثقها ب 10 جنيه .

وبعد كده تطلع علي المحلق الثقافي السعودي في الدقي علشان توثق الشهادة منه مجانا برده وتكون واخد معاك عقد العمل وتصوره كام صورة

وصور الشهاد

ة كام صورة وصور البطاقة بتاعتك هايقؤلك تعالي بعد الساعة 3 النهاردة أو تعالي بكره استلمها .

رابعا : شهادة الخلو من الفيروسات الكبدية

من المعامل المركزية جنب وزارة الصحة

تاخد الجواز بتاعك وكام صورة بس بشرط تكون الصور نفس الصورة اللي في الجواز بتاعك وتروح بدري يعني أخرك هناك 7 ونص الصبح

وهاتدفع هناك بتاع 120 جنيه تمن التحاليل وهاتقف طابور ظريف بس بيخلص بسرعة ويتاخد منك عينة وفيه جدول استلام النتيجة

يعني اللي يروح السبت يستلم النتيجة التلات اللي يروح الأحد يستلم النتيجة الأربع واللي يروح الاثنين يستلم النتيجة الخميس وهكذا

وهايدوك إيصال وفي الإيصال ده فيه رقم ممكن تعرف نتيجة التحليل بتاعتك من النت وهاتلاقي الموقع بتاع المعامل المركزية في الإيصال

وعلي فكرة مش بيكونوا كاتبين اذا كنت ايجابي أو سلبي في النتيجة اللي هايدوهالك بس لو كنت ايجابي هاتلاقي علامة علي جواب النتيجة بتاعتك

والموظف اللي هايسلمك النتيجة هايقؤلك انك ايجابي بس نصيحة ما تروحشي تعمل تحليل الفيروسات ده غير لما تكون محلل في أي معمل كويس

بره لأنه لو طلعت ايجابي هاتتسجل عندهم وهايبعتوا للسفارة السعودية ويستحيل هاتسافر بعد كده .

خامسا شهادة الكشف الطبي

طيب انت خلاص خرجت من المعامل المركزية وخدوا منك العينة وقالوا ليك تعالي بعد تلات أيام استلم النتيجة أول ما تخرج من باب المعامل المركزية

هاتلاقي سوائقين تاكسي بيقولوا جامكا جامكا دي الشركة اللي هاتديك الجواب اللي هاتروح بيه علي المستشفي علشان تعمل الكشف الطبي وهاتلاقي بتوع التكاسي

بيحملوا بالأربع أشخاص أو خمسة وبياخدوا من كل واحد 2 جنيه أو 3جنيه بالكتير المهم هايوصلك شركة جامكا لما هاتروح هناك هاياخدوا منك الجواز بتاعك

وهاتلاقي فيه بتاع 8 مستشفيات ممكن تروحها اذكر منها القاهرة التخصصي النيل بداروي المهم اختار المستشفي الأقرب ليك من مكان سكنك وقؤل للراجل

أنا عاوز مستشفي كذا بعد شويه هاينادوا علي أسماء الناس وهايسلموك الجواز وكمان ورقة موجهة للمستشفي اللي انت رايح ليها بعد كده تخرج من الشركة

وهاتلاقي سوائقين تاكسي بيروحوا كل المستشفيات وبيحملوا خمسة أفراد أو أربعة وكل واحد بيدفع بتاع 5 جنيه أو 7 جنيه

تروح المستشفي وتكون واخد معاك كذا صورة وتكون مجهز بتاع 180 جنيه

وهاتروح تدخل ياخدوا منك عينة دم والمفروض عينة بول وبراز بس انت عرف نفسك انك دكتور ابل ما تدخل أي عيادة للكشف الطبي وابل ما تدخل المعمل

علشان يتساهلوا معاك ومايخدوش عينة بول ولا براز وكمان علشان ماحدش يكشف عليك وبرده علشان أوقات بيروحوا مسقطين الناس في تحليل وظائف الكبد

أو أي حاجة تانية علشان تعيد التحاليل عندهم تاني وياخدوا 300 جنيه تاني فا انت من أولها كده عرف نفسك انك دكتور .

وعلي فكرة اللي بيعمل الكشف الطبي اطباء امتياز أو اطباء تكليف

وهاتروح برده تعمل أشعة علي الصدر وهاتدخل عيادة الباطنة وهايسالك عندك الضغط أو السكر وهاتدخل عيادة الرمد .

بعد كده هايقؤولوك تعالي بكره الساعة 3 خد النتيجة هاتروح وتستلم النتيجة تاني يوم لو فيه حاجة في التحاليل بتاعتهم أو أي حاجة هايقؤولوا ليك .

سادسا شهادة التحركات من الجوازات

شوف يا سيدي هاتروح مصلحة الجوازات اللي انت تابع ليها وتقؤلهم عاوز اطلع شهادة تحركات تكون واخد معاك ورقة وقلم وتكتب طلب لمدير الجوازات

وتقف طابور وتدفع 13 جنيه وهايقؤلك تعالي بعد شهر خد الشهادة

لو عاوز تختصر الوقت وتطلعها في 15 يوم روح مصلحة الجوازات اللي موجودة في مجمع التحرير بالقاهرة بالدور الأرضي علي ايدك اليمين وتكون واخد

ورقة وقلم معاك علشان لو مش معاك ورقة وقلم هاتطر تشتري ورقة من راجل واقف بره المجمع الورقة مكتوبة جاهزة عندي بخط الأيد هو بس هايملي

البيانات تصور هايقؤلك تلاتة جنيه يا أستاذ آل يعني انت ما تعرفشي تملا البيانات دي آه نسيت ولازم لازم تكون مصور الجواز بتاع كله علشان تصوير

الصفحة الواحدة من الجواز ب جنيه في مجمع التحرير .

هاتروح تقف الطابور وتسلم الطلب وهاتاخد إيصال تيجي بيه بعد 15 يوم علي الساعة 2 الضهر تستلم شهادة تحركات

بس فيه ناس أصحابنا سافروا بدون هذه الشهادة .

سابعا توثيق العقد

تاخد عقد السفر وتروح توثقه من الخارجية لأنه فيه بعض المديريات بتطلب عقد موثق وأوقات بعض المديريات الغلسة بتطلب توثقه من السفارة فأنت

وثقه من الخارجية ولو المديرية غلست وطلبت توثقه من السفارة خلاص وثقه هاتعمل إيه

ثامنا إذن السفر

تروح المنطقة العسكرية اللي انت تابع ليها وتاخد معاك الجواز بتاعك وتاخد معاك البطاقة وتاخد معاك شهادة الجيش بتاعتك ولو مش معاك خد معاك صورة

طبق الأصل بس بشرط يكون الختم ظاهر هاتشتري شويه ورق ب 15 جنيه من عندهم وهاتصور كام ورقة كده وتملا شويه بيانات وتقدمهم وهايخلصوا

ليك المصلحة في نفس اليوم أو تاني يوم وهايختموا انك مصرح لك بالسفر لو انت واخد إعفاء نهائي هايكون مكتوب علي الجواز بتاعك من الجوازات انك غير مطالب

بتقديم إذن سفر للخارج ومش هاتحتاج تروح المنطقة العسكرية في هذه الحالة .

تاسعا الإجازة بدون مرتب

هاتخلي من مكان شغلك ومن المديرية وهاتروح لمدير الإدارة الصحية أو مدير المستشفي وتقدم له طلب إجازة بدون مرتب للعمل

بالخارج هايرفعه لوكيل الوزارة

وتاخد معاك العقد الأصلي فيه بعض المديريات بتطلب توثيقه من الخارجية فا الأحسن انك توثقه من الخارجية ب 10 جنيه وتريح نفسك .

هاتروح لوكيل الوزارة هاتأشره من عنده بعد كده تطلع علي الأجازات علشان يطلعو ليك قرار إجازة بدون مرتب وهايقؤلوا ليك ادفع 50 جنيه تمن الإجازة

دي بتاعة تجميل المدينة أو هات ال 50 جنيه واحنا هاندفعها مكانك

طبعا دي سرقة فا أحسن انك تروح تدفعها في الخزنة بنفسك أو ممكن تتطنش وما تدفعشي وتقؤلهم مش عامل حسابي ومش جايب فلوس معايا .

المهم طلعوا ليك قرار الإجازة روح بئه علشان تطلع تصريح العمل

[size=16]عاشرا : تصريح العمل

تروح مكتب العمل في المحافظة اللي تابع ليها هايديك نموذج تروح تملاه من المستشفي وترجع بيه لمكتب العمل تاني وتكون واخد معاك العقد هاتقؤلي

طيب ما العقد في المديرية خدوه واحتفظوا بيه لما روحت طلعت الإجازة بدون مرتب هأقؤلك ممكن تقدم ليهم صورة العقد مش شرط العقد نفسه ولو ما وافقوش

علي صورة العقد ادخل للظابط الموجود في مكتب العمل وفهمه علي الموضوع ها يأشر لك علي الورقة بعدها تدفع في الخزنة بتاعة مكتب العمل 126 جنيه

رسوم وتكون مصور الجواز بتاعك و أوقات يجبروك انك تصور عندهم وتكون واخد معاك كام صورة شخصية .

هايقؤلولك تعالي بكره خد التصريح

هاتروح تاني يوم لو مش عليك أي قضية أو حكم أو ليك أي نشاط سياسي هايطلعوا ليك التصريح لو فيه أي حاجة من دول خصوصا النشاط السياسي هايقؤولك

روح أمن الدولة اللي في بلدك احنا بلغناهم عنك في الحالة دي تروح أمن الدولة برجيلك تتفاهم معاهم وتشوف المشكلة فين وتحلها

ولو أي قضية ولا حكم تروح مديرية الأمن اللي انت تابع ليها وتحل المشكلة هناك .

وبكده تكون خلصت كل الأوراق المطلوبة حطها بئه في مظروف كبير واطلع علي المكتب اللي مسفرك وراجع معاه كل الورق وسلمه الملف علشان يجبلك التأشيرة

والمفروض انك بتدفع تمن التأشيرة اللي هو 80 جنيه

بعد ما تطلع التأشيرة يبقي فاضل حاجة واحدة بس

اخيرااااااااااااااااا أمر الاركاب

بعد ما تطلع التأشيرة المكتب هايديك أمر اركاب تروح الخطوط الجوية السعودية في وسط البلد وتكون واخد معاك الجواز وتاخد 400 جنيه

تدفعهم للخطوط السعودية كضرايب تذكرة .

بس فيه حاجة أوقات المكتب اللي انت مسافر من خلاله هو اللي يجبلك التذكرة لحد عندك من غير ما تروح الخطوط الجوية السعودية .

بعدها تسااااااااااااااااافر

ألف مبرووووووووووووووووووووك

واوعي تنساااااااااااااااااااااااني من دعاااائك

ملحوظة هاااااااااااامة

كل أسعار الأوراق اللي أنا قؤلتها دي كانت عام 2007 الله أعلم دقولتي بقيت بكام .

برده أوقات المكاتب بياخدوا فلوس ويخلصوا ليك بعض الورق

[/size]

ملحوظة

سلم رواتب الاخصايين اتغيرت وبقيت كالآتي :

8000 ريال أساسي

400 ريال عن كل سنة خبرة بحد أقصي 15 سنة

400 ريال بدل انتقال

تلات شهور بدل سكن

نص شهر بدل تأثيث

10 % بدل غلاء معيشة

5 % زيادة

هاكلمكم دلوقتي علي بعض المناطق في السعودية عن الموقع الجغرافي , المناخ , تعامل السعوديين اللي في كل منطقة

مع المصريين , مستوي المعيشة والسكن

بريدة

** الموقع الجغرافي : هي عاصمة القصيم والقصيم منطقة كبيرة تقع شمال الرياض ب 345 كيلو وبريدة عبارة عن مدينة كبيرة جدا وفيها كل حاجة وفيها

مستشفيات كبيرة

زي مستشفيات الحرس ومستشفي الملك فهد

** المناخ : مش بيختلف كتير عن الرياض يعني حر بس صاحبي السعودي اللي منها وبيشتغل معايا في نفس المكان بيقؤل انه جوها أحسن من الرياض شويه

** تعامل الناس: بريدة ناس متدينين شويه أكتر من بتوع الرياض

** مستوي السكن والمعيشة : أقل من الرياض يعني السكن أرخص كمان مستوي المعيشة أقل زي مثلا العيشة في القاهرة غير المعيشة في أي محافظة تانية والرياض

هيا العاصمة علشان كده غالية والسكن بيوصل 30 ألف ريال في السنة .

حائل

** موقعها الجغرافي : شمال القصيم علي بعد 300 كيلو من القصيم و 400 كيلو من المدينة المنورة وهيا عبارة عن منطقة كبيرة تحتوي

علي الكثير من المدن والقري .

**المناخ : جوها أخف من الرياض بكتير يعني فيه هوا ومفيش نار جهنم اللي احنا فيها دي في الرياض بس بيقؤولوا في الشتا برد اوي وممكن تلاقي تلج

**تعامل الناس : معروف هنا في المملكة انه ناس حائل مشهورين بالكرم وبيقؤولوا انهم ناس كويسين وتعاملهم كويس

**مستوي المعيشة والسكن : مايختلفشي كتير عن بريدة بس طبعا زي ما قؤلنا أرخص من الرياض

تبوك

اللي أعرفه انها شمال المملكة خالص فوق فوق خالص وجوها حلو بس في الشتا تلج تلج وعبارة عن منطقة كبيرة برده

تعامل الناس وطبيعة البلد لسه ما عرفتهاش هابقي اعرفها واقؤلكم .

الرياض

**الموقع الجغرافي :تقع الرياض في المنطقة الوسطي ويوجد بها العديد من المحافظات زي الخرج والقويعية والدوادمي ومحافظات كتير تانية

**المناخ : حررررررررررررررررر حررررررررررررررر حررررررررررررررررررر وفي الشتا بررررد

**طبيعة الناس وتعاملهم : مش أوي وجافيين وصعبين

**مستوي المعيشة والسكن غالي في الرياض نفسها لكن بقية المحافظات اللي تبعها مش غالية اوي لكن الرياض العاصمة السكن في اي حد كويس

ممكن يوصل 30 الف ريال بس فيه مناطق تانية ممكن ب 10 الالاف أو 15 ألف زي البطحاء والمنفوحة بس دي مناطق شبه عشوائية

علي فكرة حكاية المناخ دي ما تعملكيش أي قلق لانه في الشغل فيه مكيف والشقة مكيف وفي العربية مكيف وأي مكان هاتروحه هاتلاقي فهي مكيف

وحكاية التعامل مع المصريين في كل منطقة فاأحب أقؤل انه في كل مكان فيه العالم فيه اللي كويس وفيه الوحش بس أوقات مناطق يغلب فيها الوحش

علي الكويس بس هاتلاقي فيها نسبة برده كويسين

سؤال وجواب خاص بالسفر للسعودية
السؤال الأول

بالنسبة للامتحان بتاع الهيئة السعودية للتخصصات الطبية ده بيبقى في مصر ولا في السعودية؟؟

وده لازم في كل الشغل الخاص؟؟

ولو سقطت مثلا مش هسافر ويضيع عليا 1000 ريال؟

الاجابة

أول حاجة الامتحان مممكن تمتحنه في مصر أبل ما تسافر وممكن تمتحنه في السعودية .

تاني حاجة أيوه الامتحان ده اجباري مادام هاتسافر تشتغل في الخاص .

تالت حاجة لو سقطت هايتعاد ليك الامتحان وهاتعمل حاجة اسمها ترخيص مؤقت تلات شهور وكده يعني لحد ما عقدك ينتهي

وخلاص بس ماسمعناش انه فيه

حد رجع من السعودية علشان الامتحان ده بس بيقؤولوا انه امتحان مش سهل

السؤال الثاني

بالنسبة للسفر في الامارات ايه شروطه وازاي أسافر علشان اشتغل هناك ؟؟ وايه الفرق بين السعودية والامارات في الشغل والتوفير ؟؟

الاجابة

الجزء الأول : علشان تسافر الامارات يبقي لازم تعدي امتحان اسمه DOH or MOH

الجزء الثاني :

اولا : مستوي المعيشة في الامارات غالي جدا جدا يعني اضعاف اضعاف السعودية

ثانيا:السكن في الامارات معدي فوق فوق خالص لكن السعودية ممكن تسكن حسب امكانايتك

ثالثا السفر للامارات مش سهل ومش كتير يعني الفرص قليلة وتكاد تكون نادرة لانه اللي بيروح هناك بيرتاح نفسيا

وفي الغالب مش بيرجع علشان كده الاماكن

اللي متوفرة هناك للشغل قليلة

رابعا ميزة الامارات الفظيعة انها الناس هناك كويسة الشعب نفسه كويس وبيعامل اي واحد غريب عن البلد بطريقة كويسة اوي

خامسا 99 % من الاماكن في الامارات راقية ومناطق كويسةة عكس السعودية فيه أماكن كتير بدو ولسه بدائية صحرا وجبال .

السؤال الثالث

دلوقتي معظمنا في التكليف يعتي لسه مخلصناش السنتين الخبره لو الواحد فكر يطلع جي بي ايه الطريق اللي المفروض

يمشيه وايه اللي ممكن يعلي السي في

بتاعك علشان لو طلعت اطلع علي مستشفي حكومي ؟؟

ولو الواحد انتظر سنه وبقي معاه سنه خيره كنايب في تخصص حتفرق كتير ولا مش فارقه ؟؟

الاجابة

الطريق انك علشان تسافر يبقي تعمل الاتي :

أولا : لازم تخلص سنتين خبرة لو هاتشتغل حكومة أما لو هاتشتغل خاص فا اوقات ما يكونشي شرط أوي سنتين ممكن

سنة بس طبعا انا اتكلمت عن مساؤي

الخاص ممكن تشوف المقارنة اللي عملتها بين الخاص والعام

ثانيا : بعد ما تخلص السنتين تروح تقدم ال سي في بتاعك لتلات اماكن لو عاوز تسافر السعودية اللي هياأكتر دولة دلوقتي متاحة للسفر والأسهل

أول مكان : مكتب التوظيف السعودي

تاني مكان : شركة مصر الحجاز

تالت مكان : شركة بيونيرز

دول أحسن تلات شركات في مصر تطلع دكاترة للشغل في السعودية و99 % العقد اللي بيجبوه ليك بيكون عقد حكومة

وبياخدوا منك حسبة 5000 جنيه كعمولة

ثالثا : بعد ما تقدم ال سي في تنتظر شهر اتنين تلاتة أو ممكن ما تنتظرشي أسبوع حسب اللجان اللي بتجي تمتحن الناس من السعودية

بعدها بيتصلوا بيك علشان تيجي تعمل انتر فيو

99 و9 من عشرة هاتتقبل علشان عمولة المكتب وعلشان اللجنة ما تروحشي ايديها فاضية

اللجنة هاتسألك كام سؤال في الضغط السكر

كام حالة طوارئ رسم القلب يعني اسئلة سهلة

بعدها بأسبوع أو أقل بيتصلوا بيك ويقؤلوا ليك انك نجحت ويلا جهز ورقك

وخلال شهر تكون مساااااااااااااااااافر

وايه اللي ممكن يعلي السي في بتاعك علشان لو طلعت اطلع علي مستشفي حكومي ؟؟؟

شوف يا صديقي العزيز

مفيش شئ اسمه يعلي ال سي في بتاعك

أنا أعرف واحد صاحبي والله كتب ال سي في بخط ايده علي حتة ورقة فلسكاب وبعتها مع واحد صاحبه لمكتب التوظيف السعودي

والدكتور زميلي مش معاه اي حاجة غير أنه اشتغل سنتين في وحدة صحية عادية جدا ومش معاه أي دورات

مكتب التوظيف السعودي بعتله وعملت اللجنة معاه امتحان ونجح وسافر لا وايه طلع طبيب مقيم أسرة ومجمتع اللي هو الاسم الجديد هنا

في السعودية للطبيب العام

وصاحبي ده معايا دلوقتي في الرياض بيشتغل في مركز صحي حكومي

واحد صاحبي تاني بيشتغل في وحدة صحية ومش معاه اي دورات معتمدة قدمت ال سي في بتاعه بنفسي في مكتب التوظيف السعودي

راح مكتب التوظيف بعتله وعمل معاه انترفيو بسيطة ونجح والشهر ده هايجي مستشفي حكومة في الطائف وعارف هايجي ايه

جاي علي طبيب مقيم باطنة مع أنه اساسا جي بي في وحدة صحية

ولو الواحد انتظر سنه وبقي معاه سنه خيره كنايب في تخصص حتفرق كتير ولا مش فارقه ؟؟؟

مش فارقة خالص

لانه راتب الطبيب المقيم زي راتب ال جي بي

مش بتفرق غير سنوات الخبرة

يعني لو استنيت سنة زيادة هاتاخد 200 ريال زيادة فوق اي واحد طالع بسنتين بس كسنة خبرة زيادة

اللي يفرق الاخصائي لانه الاساسي بتاعه أعلي

وسنة الخبرة بمبلغ أكتر من 200 ريال

بس علشان تطلع اخصائي يبقي لازم يكون معاك ماستر وتلات سنين خبرة بعد الماستر

حتي الدبلومة بطلوا يعترفوا بيها كاخصائي

السؤال الرابع

انا قدامى فرصة سفر لليبيا على 1100 دينار مش عارف ايه النظام هناك لو حد يعرف يا ريت يفدنى

والشغل 60 ساعه فى الاسبوع

ولو استلمت النيابه ممكن اخد اجازه بدون مرتب ولا لاء مع العلم انه معايا سنة خبرة واحدة بس؟؟؟

الاجابة

أولا :

طيب انا قدامى فرصة سفر لليبيا على 1100 دينار ؟؟؟

/هاعملك مقارنة بين ليبيا والسعودية

من ناحية المرتب

هانفترض انه معاك سنتين خبرة لو هاتسافر السعودية

ليبيا 1100 دينار يعني 5000 جنيه تقريبا ( سنة واحدة خبرة )

لكن السعودية ( سنتين خبرة )

5000 ريال يعني 7100 جنيه مصري

من ناحية عدد ساعات العمل

ليبيا 60 ساعة عمل أسبوعيا

لكن السعودية

48 اسبوعيا

من ناحية المعاملة

البلدين أوحش من بعض في المعاملة مع أي حد غريب عن البلد

ثانيا :ولو استلمت النيابه ممكن اخد اجازه بدون مرتب ولا لاء؟

[القانون بيقؤل انك تستلم النيابة ومن حقك تحتفظ بيها سنتين عن طريق انك تاخد اجازة بدون مرتب للعمل بالخارج سنتين

لو ما رجعتش بعد سنتين النيابة هاتتلغي

وهاتحرم من التقديم في

النيابة حركتين متتااليتين

السؤال الخامس

هل سنة الامتياز تحتسب من سنوات الخبرة عند السفر للعمل بوزارة الصحة السعودية ؟؟

الاجابة

قانون التوظيف السعودي

بينص علي انه سنة الامتياز لا تعتبر سنة خبرة

يعني مش هاتنفع تسافر السعودية غير علي

سنتين خبرة من بداية التكليف

استفسار من زميل فاضل

انا فاضلى اربع شهور واخلص امتياز

فى الغالب هيبقى عندى جيش ( انشاء الله اخد اعفاء )

وتقديرى جيد على 72 % بحب الاطفال جداوالانف والاذن ولكن عشان اتخصص فى الاطفال هنا محتاج بتاع 6 سنين ولا حاجة وعشان اتخصص انف واذن هقعد كتير اوى هنا فى مصر ده لو اتعلمت حاجة فى المكان اللى هتجيلى فيه نيابتى ففكرت اتخصص فى حاجة من التخصصات الملحة وعينى على الطوارىء او العناية

انا بس طالب منك طلب واعتبرنى زى اخوك بجد عشان حبيتك فى الله نصيحة منك من اللى انا هكتهولك ده احسن خطة ليا ايه مع العلم انى عايز اسافر وموش عايز اقعد هنا كتير

على فكرة انا ضفت ايميلك بعد اذنك وبجد احب اكون اخوك فى الله

انا شاكر ليك جدا وجزاك الله خيرا

الــــــــرد

بسم الله الرحمن الرحيم

أخي العزيز

السلام عليكم ورحمة الله وبركاته

أنا أتشرف تكون أخويا

بالنسبة لنصيحتي في موضوعك ده

بص يا باشا

انت تمسك العصاية من النص وتحاول انك ما تخسرشي أي حاجة وفي نفس الوقت تحقق كل اللي نفسك فيه يعني تاخد النيابة وتسجل وتسافر هاتقؤلي هأقدر أحقق دا كله هأقؤلك اه

ازاااااااااااااي بئه

أولا بالنسبة للنيابة : اعتبر انك خلصت الامتياز وافترض الأسوء انك دخلت جيش تقدر أثناء خدمتك في الجيش تقدم علي نيابة طبعا أنا أقصد النيابات الملحة وأنا من رأيي انك تقدم في الملحة وما تنتظرشي بس الأول حدد انت عاوز ايه ميولك جراحية ولا باطنية لو جراحية خد طوارئ ولو باطنية خد رعاية وعلي فكرة تقدر تقدم برده علي نيابة جراحة قلب وصدر هاتقؤلي هو فيه تعليم في نيابة جراحة صدر وقلب هأقؤلك انك من خلال جراحة الصدر والقلب هاتحضر ماستر جراحة عامة زي أي حد بتاع جراحة ولما هاتتعين في مستشفي صحة طبعا مفيش شغل جراحة صدر وقلب وهاتشتغل شغل الجراحة يبقي بكده انت أخدت نيابة جراحة عامة بطريقة غير مباشرة دا لوحابب تتخصص جراحة عامة .

ثانيا بالنسبة التسجيل : تقدر برده وانت في الجيش انك تقدم في حركة التسجيل وتسجل ماستر أو دبلومة زمايلنا سجلوا وهما في الجيش وبرده لو انت مش في الجيش برده هاتقدر تقدم نيابة وتسجل في أول حركة تسجيل تظهر

ثالثا بالنسبة للسفر : مش هأتقدر تسافر غير بعد مرور سنتين بعد انتهاء الامتياز يعني لازم يكون ليك سنتين خبرة وده لوعاوز تشتغل في القطاع الحكومي أما الخاص فا ممكن سنة او سنة ونص لانه الحكومة بتشترط سنتين خبرة بعد الامتياز وأنا أفضل ليك انك تشتغل في القطاع الحكومي

وعلي فكرة انتظارك سنتين بالنسبة لواحد زيك أفضل عارف ليه علشان تكون قدمت علي نيابتك واستلمتها وكمان سجلت ويمكن كمان تكون امتحنت الفيرست وممكن كمان تخطب أبل ما تسافر وتعال نحسبها سواء باليوم وبكل دقة

الحل ( 1 )

ان شاء الله انشاء الله هاتستلم التكليف في شهر 4/2009 اللي جاي بالكتير وهاتقدم ان شاء الله في حركة النيابات اللي تنزل في شهر 5 /2009وهاتكتب الرغبات الملحة اللي عينك عليها هاتظهر نتيجة النيابة في شهر أغسطس/2009 علي أسؤء الظروف لو انت في الجيش هاتقدر تستلمها وهاتسجل ماستر مثلا في شهر ابريل 2010 سواء كنت في الجيش او بره الجيش وهاتظهر نتيجة التسجيل في شهر أكتوبر 2010 وان شاء الله تتقبل وفي شهر 12/2010 تروح تقدم ال سي في بتاعك في مكتب التوظيف السعودي وفي شركة مصرالحجاز وفي شركة بايونيرز

وان شاء الله في شهر 4/2011 تقدر تمتحن الفيرست بتاع الماستر طبعا كده انت كملت سنتين خبرة وفي الغالب هاتكون عملت انترفيو وتقدر تسافر بعد الفيرست وسكند الماستر بيكون في شهر 10 /2011 وممكن تأجله الي 10/2012 بحيث تكون سافرت سنة وتظبت اجازتك علي اساس تنزل تمتحن السكند طبعا هاتكون اشتغلت فترة في النيابة ابل ما تسافر وهاتعرف تجاوب في السكند وهاتذاكر وانت مسافر علشان تقدر تنزل تمتحن السكند في الاجازة السنوية بتاعتك

المشكلة انك بعد ما تخلص السكند لازم تنزل علشان تحضر الرسالة لانها بتحتاج انك تلصق للمشرف بتاعك يبقي بكده انت سافرت سنة وكام شهر طيب تعمل ايه انت عاوز تسافر سنتين لانه سنة وكام شهر مش هاتكون لحقت تعمل

فلوس كويسة لانه قانونيا لا يحق ليك السفر غير سنتين بس اثناء فترة النيابة

الحل البديل ( 2 )

ممكن تسجل دبلومة حديثة وتمتحن الجزء الأأول في شهر أبريل 2011 برده وتمتحن الجزء التاني في شهر أكتوبر 2011 برده وبكده تكون أخدت دبلومة وتقدر بعدها تسافر لمدة سنتين ولما ترجع ان شاء الله من بره تقدم طلب انك عاوز تحول دبلومتك الي ماستر عن طريق انك تحضر رسالة وتتحول الدبلومة الي ماستر دا قانون الدبلومة الجديدة

الحل البديل (3 )

انك ما تسجلشي خالص لحد ما تسافر واثناء السفر تقدم علي حركة التسجيل بحيث في اخر نزول ليك مصر تقدر تبدأ في امتحانات الماستر

الحل البديل ( 4)

انك ما تسافرشي غير بعد ما تاخد الماستر وده أفضل لواحد زيك لانه كده كده مش هاتقدر تسافر غير بعد مرور سنتين خبرة وان شاء الله خلال سنتين ونص تكون خلصت الماستر وبعدها تسافر براحتك وتكون ريحت دماغك من قصة الماستر وترجع مصر مرتاح

أنا أفضل الحل رقم 2 أو الحل رقم 4

لو مستعجل علي السفر اختار الحل رقم 2 لو مش مستعجل اختار الحل رقم 4

لو هاتعرف توفق وتظبت أمورك صح اختار الحل رقم 1

لو مش فارقة معاك الماستر دلوقتي اختار الحل رقم 3

وربنا يوفقك واي تساؤلات أنا موجود

ويا ريت ربنا يكون وفقني في الاجابة علي اسئلتك

وطبعا دي في الاخر وفي الاول رؤية ومجرد رأي ليا وانت اختار اللي يريحك واللي يناسب

عاوز تسافر ليه؟؟؟؟

هذا الموضوع مجرد رأي أو رؤية شخصية مني

سؤال لازم تسأله لنفسك أبل ما تقرر انك تسافر

تعال نشوف ايه الأسباب اللي ممكن تخليك تسافر

1- عاوز تعمل فلوس بسرعة علشان تتجوز ولو قعدت في مصر هاتاخد فترة طويلة علشان تعمل الفلوس اللي هاتجوز بيها

2- عاوز تشتري عربية نضيفة

3- عاوز تعمل فلوس علشان تعرف تجهز عيادتك

4- عاوز تعمل فلوس للزمن ( خميرة ) ماحدش ضامن بكره في ايه

5- زهقت من مصر وقرفت من الشغل في مصر وزهقان من البلد وعاوز تخرج منها بأي طريقة

6- عاوز تسافر بحيث تدخل فلوس كويسة تقدر تصرف علي أسرتك وفي نفس الوقت يكون عندك الوقت والفلوس علشان أحضر الزمالة الأجنبية كذا أو المعادلة كذا

7- عاوز تحج أو تعمل عمرة وكمان تعمل زيارة لوالدك ووالداتك علشان يحجوا لأنه الحج مكلف خالص اليومين دول مش أقل من 30 الف جنيه للفرد

دي كلها أهداف كويسة تقدر تسافر علشان تحقق بعض هذه الأهداف أو كلها

رأيي كالاتي

انك تسافر بس بشرط ترجع وماتقعدشي كتير جاست حققت هدفك اللي مسافر علشانه يبقي لازم ترجع لأنه الشغل بره مش مضمون ممكن في أي وقت ترجع بلدك وكل سنة بتعدي عليك وأنت في الغربة بتقلل من فرصة شغلك بعد كده في مصر

فا أول حاجة ابل ما تقرر تسافر لازم

تحدد هدفك

ايه هدفك من السفر ؟؟؟

ولما تحقق هدفك ارجع بسرعة وكمل حياتك في بلدك

لما جينا هنا في السعودية لقينا دكاترة معانا هنا قعدوا يشتغلوا في السعودية 25 سنة وفي الآخر وزارة الصحة السعودية ما رضيتشي تجدد ليهم العقد ومش عارفين يعملوا ايه

لو رجعوا مصر مش هايعرفوا يشتغلوا لأنه خلاص راحت عليهم

ولو قعدوا في السعودية مفيش شغل خلاص وزارة الصحة استغنت عنهم

يبقي الصح

انك لازم ترجع وماتتغرش بالعيشة في السعودية لأنها مش مغرية أوي

والحياة هنا مش حلوة أوي حتي بالنسبة الفلوس اللي هاتعملها مش زي زمان

يعني اللي كان يتعمل في السعودية زمان في سنة دلوقتي علشان يتعمل عاوز سنتين

لأنه الدنيا غليت أوي هنا أغلي من مصر طبعا بمراحل

بس طبعا الدخل أعلي علشان كده هاتقدر برده تحقق معظم أهدافك

وممكن في مصر تحقق أهدافك دي بس ممكن تاخد منك وقت أطول وبرده هاتفضل تشتغل ليل ونهار علشان تعرف تجيب الفلوس اللي ها تجيبها هنا

وماتقؤلشي مصر بقيت وحشة والعيشة فيها مش حلوة لانك مش هاتعرف قيمة مصر غير لما تتغرب عنها هايوحشك بعد كده ريحة الهوا بتاع مصر وتراب مصر والشوارع والبيوت دا مش كلام شعارات بس هيا دي الحقيقة

السعودية عاملة زي الوردة الصناعية حلوة بس مفيهاش أي روح

طيب خلاص انت حددت هدفك ونويت انك ما ماتقعدشي كتير في السعودية

يبقي لازم ما تخسرشي او علي الاقل تطلع بأقل الخساير

بمعني لازم تاخد نيابة أبل ما تسافر

طيب لو استملت النيابة يبقي مش هايكون ليك حق غير انك تقعد غير سنتين بس في السعودية لانه لو قعدت أكتر من كده النيابة بتاعتك هاتتلغي وهاتتحرم سنتين من التقديم للنيابة ولو مر عليك خمس سنين ماتاخد نيابة هاتفضل طبيب في القطاع الريف طول عمرك

يبقي المفروض

تاخد نيابتك

وبالنسبة للتحضير الماستر او الدبلومة قدامك أكتر من طريق

أما

تسجل أبل ما تسافر وتذاكر وانت في الغربة وترجع تمتحن في الإجازة السنوية بتاعتك

أو

تسجل بعد ما ترجع يعني بعد سنتين وتحضر وأنت في مصر

أو

تسجل وتمتحن وتاخد الماستر أو الدبلومة أبل ما تسافر

بالنسبة للناس اللي بيدخلوا في مشوار الزمالات ممكن ياخدوا نيابتهم ويسافروا وأثناء السفر ياخدوا الفيرست بتاع الزمالة ويرجعوا ياخدوا السكند وياخدوا الماستر

يبقي كده أنت ما خسرتش حاجة عملت فلوس اللي هاتحقق بيها الهدف بتاعك

وفي نفس الوقت مشوارك العلمي ما اتاخرتش فيه وزيك زي زمايلك اللي ما سافروش

طيب فيه واحد ممكن يقؤل أنا هايكفيني أقعد سنتين بس في السعودية علشان أحقق أهدافي لانه عليا التزامات كتير

هايكون ايه الحل ؟؟

الحل هو

طبعا انتو عارفين انه مش مسموح ليك غير بسنتين اجازة بدون مرتب للسفر اثناء فترة النيابة بمعني انك لو استلمت النيابة مش بيحق ليك تقعد غير سنتين بره مصر والا سوف تلغي لك النيابة

الحل انك ما تقدمشي علي نيابة وتسافر بعد ما تكمل سنتين الخبرة المطلوبة وطبعا انتو عارفين انه مسموح تقدم نيابة لحد 5 سنين من استلامك التكليف ولو سافرت بعد سنتين يبقي فاضلك تلات سنين يعني تلات حركات نيابة المفروض لو انت عاوز تقعد فترة أطول في السعودية ما تقدمشي نيابة غير في السنة الخامسة من بداية التكليف وعادي ممكن تقدم وانت في السعودية أو حد يقدملك بس بشرط تنزل خلال ست شهور تستلم النيابة ولما تحفظها يبقي ليك الحق انك تحتفظ بيها سنتين يبقي انت كده قعدت في السعودية خمس سنين

وفيه ناس تانية مش هاتقدر تتغرب وتسافر لأي ظروف

أنا بقؤلهم عادي ممكن تحقق طموحاتك وأحلامك في مصر

وممكن أكتر ممما تتمني كمان

وهيا توفيق من عند ربنا و مسألة وقت بس

لأنه الرزق واحد في أي مكان تروح في الدنيا

وربنا يوفقك الجميع إلي ما يحبه ويرضاه

سؤال من دكتور فاضل

الدكتور الفاضل أحمد رفعت

ارجو ان تفيدنى برأى حضرتك فى موضوع يخصنى وساحكيه لك وترد عليا وجزاكم الله خيرا

انا طبيب اسره بالزماله المصريه السنه الاولى كفر الشيخ وكنت طبيب مقيم طب اسره قبل دخولى الزماله ب 6 شهور والمفروض ان امتحان الفيرست بتاع الزماله ان شاء الله شهر 2 اللى جاى يعنى تقريبا كمان 8 شهور وطبعا انت تعلم انه تم الاعتراف المتبادل بين الزماله البريطانيه لطب الاسره والمصريه وكانت الدفعه السابقه تمتحن فقط ف الكومينوتى بس ولكن احنا المفروض الباطنه والاطفال والكومينوتى والجلديه والسيكترى وشكل الامتحانات هتيجى صعبه والواحد بصراحه حاسس ان الزماله اسم فقط وانها زى اى حاجه تانيه وكل اللى عاملينو انهم حاطين كوريكلم ومحدش بيطبق فيه حاجه يعنى علم نفسك بنفسك وزوغ زى منتا عايز

زوجتى طبيب مقيم بقالها تقريبا سنه ومسجله دبلومه وهيا حاليا بريجنانت هتوضع ان شاء الله فى اليومين دول

يعنى مذاكرتش كويس واحتمال تدخل امتحان الدبلومه او متدخلوش يعنى ممكن تتأخر شويه ولو دخلت الامتحان يبقى مش واثقه ف نفسها

بفكر دلوقتى ف السفر بس مش عارف تفكيرى صح ولا لأ؟

طبعا انا عارف ان السعوديه خدت اطباء اسره كتير عن طريق الدوره 6 شهور بتاعه المعهد القومى وخايف ان تقل فرص العمل بالنسبه لطب الاسره

زوجتى كان جالها عقد توظيف سعودى مقيم باطنه من سنه ونص وكان ممكن نسافر وكنا لسه مخدناش نيابات وانا هكون معاها مرافق ولكننا اعتذرنا بطريقه رسميه وبعد الاعتذار بحوالى 7 شهور اتصلو علينا تانى ولكننا اعتذرنا مره اخرى ودا طبعا لاننى رفضت فكره المرافق واجلنا الموضوع شويه

اذا كانت فكره السفر بالنسبالنا صحيحه فما هى الوسيله ازاى يعنى؟

ناخد دوره ال 6 شهور لانها فيها ميزات حفظ النيابه واللى بياخدها انا سامع كأنه خد فيرست زماله ولما يرجع يكمل زماله عاادى

ولا عن طريق العقد بتاعها وانا ادورلى ع عقد عن طريق التوظيف السعودى او المكاتب وهل ينفع نأكتف العقد بتاعها تانى ولا خلاص ؟ وف الحاله دى طبعا لوقعدنا اكتر من سنتين هتروح النيابات بتاعتنا والزماله

اللى مخلينى افكر كتير ف السفر لنا احنا هنبقى اتنين يعنى ممكن نعمل فلوس كويسه وغير كده اننا معانا خبره 4 سنين

مش عارف تفكيرى صح ولا نستنى احسن ؟ طبعا مع التحفظات بتاعتها وبتاعتى والزماله شكلها هتطول وزوجتى طبعا لازم كمان 3 سنين عشان تخلص النيابه ولوخلصت النيابه بتاعتها لازم تستنى 3 سنين بعد الدبلومه او النيابه عشان تسافر اخصائى بالنسبالى انا لازم استنى كمان ع الاقل سنتين عشانعشان اخلص الزماله دا كمان لوخلصت بعد الاعتماد بتاع الزماله البريطانيه وصعوبه الامتحانات

وعندى طفله عندها سنتين والواحد حاسس ان لما يسافر وهوصغير بالسن شويه احسن ميسافر كبير لاننا كلما كبرنا كلما زادت مسؤلياتنا والعيال تكبر وغيره وغيره

الرجا ترد علينا وجزاكم الله خيرا

الــــــــــرد

بسم الله الرحمن الرحيم

الاخ الفاضل

السلام عليكم ورحمة الله وبركاته

لو فرض انك جمعت عقد وسافرت دلوقتي يبقي هايحصل كالاتي :

مش هاتقدر تقعد أكتر من سنة في السعودية لانه الزمالة ممكن تتجمد سنة واحدة بس مش أكتر من كده

وبالنسبة للدكتورة زوجتك مش هاتقدر تقعد أكتر من سنتين لانه أقصي مدة تقعد فيها بره نيابتك في اجازة بدون مرتب هيا سنتين وبس

ودورة طب الأسرة مش بتحفظلك النيابة أكتر من سنتين

وده شئ أنا متأكد منه وسألت الوزير بنفسي علي النقطة دي وأي كلام تسمعه تاني انه الدورة ممكن تحفظلك النيابة أكتر من سنتين كلام مش صحيح اطلاقا

طيب ايه الحل انت عاوز تسافر وفي نفس الوقت عاوز تحافظ علي زمالتك وعاوز تحافظ علي نيابتك الدكتورة ؟؟

قدامك أكتر من حل وانت اختار اللي يريحك

الحل الأول

انك تلتحق بدورة طب الأسرة بالمعهد القومي للتدريب

قؤلي ليه ؟؟

أول حاجة علشان تقدر من خلال الدورة دي انك تكمل زمالتك لانه أي حد بياخد الدورة دي يقدر يقدم علي زمالة طب الاسرة وتحسب الدورة فيرست زمالة طب اسرة بحيث تسافر عادي وكل سنة تنزل تدفع 700 جنيه وتاخد شهر حضور في أقرب مكان طب أسرة لمدة خمس سنين

وبعد كده تنزل نهائيا تاخد سنة في مستشفي كطبيب تدريب زمالة طب اسرة وبعد كده تمتحن الجزء الثاني وتاخد الزمالة

وبكده تكون عملت فلوس خلال الخمس سنين وبرده تكون لسه محتفظ بزمالتك وما ضاعتشي منك

بالنسبة للدكتورة لو انت التحقت بالدورة دي يبقي مش هاتسافر غير بعد فترة بتاع 8 شهور مثلا تقدر الدكتورة خلال الفترة دي تاخد الدبلومة بتاعتها بأي طريقة وتكون خلصت سنتين من النيابة وفاضلها سنتين

ودلوقتي

اما تسافر معاك وتقعد معاك سنتين بره وترجع بعد كده لنيابتها بعد ما تكون خدت معاك دورة طب الاسرة

أو انها ما تسافرشي معاك وما تاخدشي دورة طب الاسرة وتقعد في مصر تكمل السنتين الباقيين بتوع النيابة وبعد ما تخلص نيابتها تبقي تعملها استقدام وتجيلك علي السعودية

وممكن لو ماسافرتشي معاك تعملها كل سنة زيارة شهر ولا شهرين تشوفوا بعض فيها وتنزل انت اجازة كل سنة 45 يوم

وأنا أفضل انها تاخد معاك الدورة وتسافر معاك لمدة سنتين وبعد كده تنزل تكمل نيابتها لانه أول فترة في السعودية بتكون صعبة لحد ما تتعود وكمان بمرتبكم انتو الاتنين تقدروا تعملوا الفلوس اللي عاوزينها في وقت بسيط يعني هاتختصر وقت

الحل التاني

انك تأجل السفر بتاعك لحد ما انت تاخد الزمالة وتخلصها كلها

وفي نفس الوقت الدكتورة تخلص النيابة بتاعتها

وفرص السفر مش بتخلص

وما تخافشي لسه السعودية محتاجة دكاترة كتير بس الامور دلوقتي هادية وحلوة بين مصر والسعودية الله أعلم بعدين ممكن يحصل ايه ؟ ولا الفرص هاتكون ازاي

من الاخــــــــــــر

لو انت مستعجل علي السفر وعاوز تعمل قرشين بدري بدري وفي نفس الوقت تحافظ علي زمالتك وتحافظ علي نيابة الدكتورة يبقي اختار الحل الأول

لو مش مستعجل علي السفر وأمورك مرتاحة نسبيا دلوقتي وحاسس انك ممكن تعمل في فلوس في مصر بعد ما تخلص الزمالة يبقي اختار الحل التاني

أما حتة انك تسافر مرافق مع الدكتورة

بلاش يا دكتور تفكر فيها اطلاقا لانك سهل انك تتعاقد مع السعودية وانت في مصر لكن صعب انك تتعاقد مع السعودية وانت جوا السعودية

وبصراحة كده مش هاينفع تقعد في البيت والدكتورة هيا اللي تشتغل

لانه ده ضد قوامة الراجل مع احترامي الكامل ليك وللدكتورة ووكويس انك رفضت انك تسافر مرافق

وربنا يوفقوا

نظام مزاولة المهن الطبية في المملكة العربيةالسعودية

لازم تعرف ايه اللي ليك وايه اللي عليك أبل ما تسافر علشان ما تقعشي في مشكلة علشان كده لازم تقرا الكلام اللي جاي بتركيز

نظام مزاولة المهن الصحية الجديد الصادر بالرسوم اللكي رقم م/59 وتاريخ 11/4/1426

الفصل الأول الترخيص بمزاولة المهنة

* المادة الأولى:

يقصد بالكلمات والعبارات الآتية - أينما وردت في هذا النظام - المعاني الموضحة أمامها ما لم يقتض السياق خلاف ذلك:

الممارس الصحي: كل من يرخص له بمزاولة المهن الصحية التي تشمل الفئات الآتية:

الأطباء البشريين , وأطباء الأسنان , والصيادلة الأخصائيين , والفنيين الصحيين في (الأشعة , والتمريض , والتخدير . والمختبر , والصيدلية , والبصريات , والوبائيات , والأطراف الصناعية , والعلاج الطبيعي , ورعاية الأسنان , وتركيبها , والتصوير الطبقي , والعلاج النووي , وأجهزة الليزر , والعمليات) , والأخصائيين النفسيين والاجتماعيين وأخصائيي التغذية والصحة العامة, والقبالة , والإسعاف , ومعالجة النطق والسمع , والتأهيل الحرفي , والعلاج الحرفي, والفيزياء الطبية , وغير ذلك من المهن الصحية الأخرى التي يتم الاتفاق عليها بين وزيري الصحة والخدمات المدنية والهيئة السعودية للتخصصات الصحية.

الوزير: وزير الصحة

الوزارة : وزارة الصحة

الهيئة : الهيئة السعودية للتخصصات الصحية

* المادة الثانية:

A. يحظر ممارسة أي مهنة صحية, إلا بعد الحصول على ترخيص بذلك من الوزارة.

B. يشترط للترخيص بمزاولة المهن الصحية ما يأتي:

1- الحصول على المؤهل المطلوب للمهنة من أي كلية طبية أو كلية صيدلية أو كلية علوم طبية تطبيقية أو كلية صحية أو معهد صحي, أو مؤهلات أخرى مطلوبة لمزاولة مهن صحية تعترف بها الهيئة, أو الحصول على شهادة من الخارج تعترف بها الهيئة.

2- أن يكون قد أمضى مدة التدريب الإجبارية المقررة للمهنة, وأن تتوفر لدية اللياقة الصحية.

3- التسجيل لدى الهيئة , وفقاً لمتطلبات التسجيل التي تحددها.

4- إلا يكون قد سبق الحكم عليه في جريمة مخلة بالشرف أو الأمانة إلا إذا رد إليه اعتباره.

C. يعد التعيين في الجهات الحكومية في وظائف المهن الصحية بمثابة الترخيص بمزاولة المهنة في هذه الجهات, على أن يسبق ذلك التسجيل لدى الهيئة.

* المادة الثالثة:

1. تكون مدة الترخيص بمزاولة المهن الصحية وفقاً لما تحدده اللائحة التنفيذية لهذا النظام, ولا يجوز لمن انقطع عن مزاولة المهنة مدة سنتين متتاليتين, -لغير أغراض الدراسة والتدريب في مجال المهنة-العودة لمزاولتها الا بعد تجديد الترخيص.

2. تحديد اللائحة التنفيذية قواعد استقدام الأطباء الزائرين وتسجيلهم والترخيص لهم.

* المادة الرابعة:

يجوز بقرار من الوزير –بناء على مقتضيات المصلحة العامة- قصر منح الترخيص بمزاولة إحدى المهن المنصوص عليها في النظام على السعوديين دون غيرهم.

الفصل الثاني واجبات الممارس الصحي

الفرع الأول

الواجبات العامة للممارس الصحي

* المادة الخامسة:

يزاول الممارس الصحي مهنته لمصلحة الفرد والمجتمع في نطاق احترام حق الإنسان في الحياة وسلامته وكرامته مراعياً في عمله العادات والتقاليد السائدة في المملكة مبتعداً عن الاستغلال.

* المادة السادسة:

يلتزم الممارس الصحي بمعاونة السلطات المختصة في أداء واجبها نحو حماية الصحة العامة ودرء الأخطار التي تهددها في السلم والحرب.

* المادة السابعة:

أ- يجب على الممارس الصحي أن يعمل على تنمية معلوماته وأن يتابع التطورات العلمية والاكتشافات الحديثة في مجال تخصصه وعلى إدارات المنشآت الصحية تسهيل حضوره للندوات والدورات وفقاً لضوابط تحددها الهيئة .

ب- يجب على الممارس الصحي ألا يمارس طرق التشخيص والعلاج غير المعترف بها عملياً أو المحظورة في المملكة.

* المادة الثامنة:

يجب على الممارس الصحي الذي يشهد أو يعلم إن مريضاً أو جريحاً في حالة خطرة أن يقدم له المساعدة الممكنة أو أن يتأكد ممن يتلقى العناية الضرورية.

* المادة التاسعة:

أ‌- يجب أن يستهدف العمل الطبي دائماً مصلحة المريض وعلى الممارس الصحي أن يبذل جهده لكل مريض.

ب‌- لا يجوز للممارس الصحي في حالة الضرورة أن يقوم بعمل يجاوز اختصاصه وإمكاناته

* المادة العاشرة:

أ‌- يحظر على الممارس الصحي – في غير الحالات التي تحددها اللائحة التنفيذية- الإعلان عن نفسه والدعاية لشخصه مباشرة أو بالوساطة.

ب‌- يحظر على الممارس الصحي أن يسجل على اللوحات أو البطاقات أو الوصفات الطبية أو الإعلانات ألقاباً طبية أو تخصصات لم يحصل عليها وفقاً للقواعد المنظمة لها.

* المادة الحادية عشرة:

يجب على الممارس الصحي- فور معاينته لمريض مشتبه في إصابته جنائياً أو إصابته بمرض معد- أن يبلغ الجهات الأمنية والصحية المختصة.

ويصدر الوزير قراراً بتحديد الأمراض التي يجب التبليغ عنها, والجهة التي تبلغ إليها, والإجراءات الواجب إتباعها في هذا الشأن.

* المادة الثانية عشرة:

لا يجوز للممارس الصحي مزاولة أكثر من مهنة صحية واحده, أو أي مهنة أخرى تتعارض مزاولتها مع المهن الصحية ويحظر عليه طلب عمولة أو مكافأة أو قبولها أو أخذها, كما يحظر عليه الحصول على أي منفعة لقاء الترويج أو الالتزام بوصف أدوية, أ, أجهزة أو توجيه المرضى إلى صيدلية معنية أو مستشفى أو مختبر محدد, أو ما في حكم ذلك.

* المادة الثالثة عشرة:

لا يجوز للممارس الصحي في غير الحالات الطارئة إجراء الفحوص أو العلاج بالمقابل أو بالمجان في الصيدليات أو الأماكن غير المخصصة لذلك.

* المادة الرابعة عشرة:

يحظر على الممارس الصحي ما يأتي:

1. استخدام غير المرخص لهم من ذوي المهن الصحية أو تقديم مساعده لأي شخص يمارس مهنة صحية بصورة غير شرعية.

2. الاحتفاظ في مقرر العمل بالأدوية واللقاحات خلافاً لما تسمح به تعليمات الوزارة ماعدا المنشآت الصيدلية.

3. بيع الأدوية للمرضى باستثناء بيعها في المنشآت الصيدلية أو بيع العينات الطبية بصفة مطلقه.

4. تسهيل حصول المريض على أي ميزة أو فائدة, مادية أو معنوية , غير مستحقة وغير مشروعة.

5. إيواء المرضى في الأماكن المعدة لذلك عدا ما تقتضيه الحالات الاسعافيه أو الطارئة .

6. استخدام أجهزة كشف أو علاج محظورة في المملكة.

الفرع الثاني

واجبات الممارس الصحي نحو المرضى

* المادة الخامسة عشرة:

يجب على الممارس الصحي أن يجري التشخيص بالعناية اللازمة مستعيناً بالوسائل الفنية الملائمة وبمن تستدعي ظروف الحالة الاستعانة بهم من الأخصائيين أو المساعدين وأن يقدم للمريض مايطلبه عن حالته الصحية ونتائج الفحوصات مراعياً في ذلك الدقة والموضوعية.

* المادة السادسة عشرة:

للممارس الصحي في غير الحالات الخطرة أو العاجلة أن يعتذر عن علاج مريض لأسباب مهنية أو شخصية مقبولة.

* المادة السابعة عشرة:

يجب على الممارس الصحي المعالج إذا رأى ضرورة استشارة ممارس صحي آخر أن ينبه المريض أو ذويه إلى ذلك, كما يجب عليه أن يوافق على الاستعانة بممارس صحي آخر إذا طلب المريض أو ذووه ذلك, وللممارس الصحي أن يقترح اسم الممارس الصحي الذي يرى ملاءمة الاستعانة به.

وإذا قدر الممارس الصحي المعالج أنه لا ضرورة إلى استشارة ممارس صحي آخر أو اختلف معه في الرأي عند استشارته فله الحق في الاعتذار عن متابعة العلاج دون التزام منه بتقديم أسباب لاعتذاره.

* المادة الثامنة عشرة:

يلتزم الممارس الصحي بتنبيه المريض أو ذويه إلى ضرورة إتباع ما يحدده لهم من تعليمات وتحذيرهم من خطورة النتائج التي قد تترتب على عدم مراعاتها بعد شرح الوضع العلاجي أو الجراحي وآثاره.

وللطبيب في حالة الأمراض المستعصية أو التي تهدد حياة المريض بالخطر أن يقدر وفقاً لما يمليه عليه ضميره مدى ملاءمة إبلاغ المريض أو ذويه بحقيقة المرض وذلك ما لم يكن المريض حظر عليه ذلك أو عين شخصاً أو أشخاصاً يقتصر الإبلاغ عليهم

* المادة التاسعة عشرة:

يجب ألا يجرى أي عمل طبي لمريض إلا برضاه أو موافقة من يمثله أو ولي أمره إذا لم يعتد بإرادته هو, واستثناء من ذلك يجب على الممارس الصحي في حالات الحوادث أو الطوارئ أو الحالات المرضية الحرجة التي تستدعي تدخلاً طبياً بصفه فورية أو ضرورية لإنقاذ حياة المصاب أو عضو من أعضائه , أو تلافي ضرر بالغ ينتج من تأخير التدخل وتعذر الحصول على موافقة المريض أو من يمثله او ولي أمره في الوقت المناسب- إجراء العمل الطبي دون انتظار الحصول على تلك الموافقة , ولا يجوز بأي حال من الأحوال إنهاء حياة أي مريض ميئوس من شفائه طبياً , ولو كان بناءاً على طلبه أو طلب ذويه.

* المادة العشرون:

لا يجوز للطبيب الذي يدعى إلى توقيع كشف طبي على متوفى أن يعطي تقريراً بالوفاة إلا بعد أن يتأكد بحسب خبرته الطبية من سبب الوفاة.

ومع ذلك لا يجوز للطبيب أن يعطي تقريراً إذا اشتبه في أن الوفاة ناجمة عن حادث جنائي وعليه في هذه الحالة إبلاغ السلطات المختصة فوراً بذلك .

* المادة الحادية والعشرون:

يجب على الممارس الصحي أن يحافظ على الأسرار التي علم بها عن طريق مهنته ولا يجوز له إفشاؤها إلا في الأحوال الآتية:

أ) إذا كان الإفشاء مقصوداً به:

1- الإبلاغ عن حالة وفاة ناجمة عن حادث جنائي أو الحيلولة دون ارتكاب جريمة , ولا يجوز الإفشاء في هذه الحالة إلا للجهة الرسمية المختصة.

2- الإبلاغ عن مرض سارٍ أو معدٍ.

3- دفع الممارس لاتهام وجهه إليه المريض أو ذووه يتعلق بكفايته أو بكيفية ممارسته المهنة.

ب)إذ وافق صاحب السر كتابة على إفشائه أو كان الإفشاء لذوي المريض مفيداً لعلاجه.

ج)إذا صدر له أمر بذلك من جهة قضائية.

* المادة الثانية والعشرون:

يحضر على الطبيب إجهاض أي امرأة حامل إلا إذ اقتضت ذلك ضرورة إنقاذ حياتها.

ومع ذلك يجوز الإجهاض إذا لم يكن الحمل أتم أربعة أشهر, وثبت بصورة أكيده أن استمراره يهدد صحة الأم بضرر جسيم, وثبت هذا الأمر بقرار من لجنة طبية تشكل طبقاً للشروط والأوضاع التي تحددها اللائحة التنفيذية لهذا النظام.

* المادة الثالثة والعشرون:

أ‌) يحضر على الصيدلي:

1-أن يكون مديراً مسئولاً في أكثر من منشأة صيدلية.

2-أن يصرف أي دواء إلا بوصفه طبية صادرة من طبيب مرخص له بمزاولة المهنة في المملكة ويستثنى من ذلك الأدوية التي تحددها الوزارة.

3-مخالفة محتوى الوصفة الطبية دون موافقة الطبيب الذي اعتمدها, وللصيدلي صرف البدائل المماثلة في التركيب دون الرجوع إلى الطبيب بعد أخذ موافقة المريض على ذلك, ويستثنى من ذلك الأدوية التي تحددها الوزارة.

4- تكرار صرف الوصفة الطبية إلا إذا كانت الوصفة تنص على ذلك, فيما عدا الأدوية التي تحددها الوزارة.

5- صرف الدواء إذا شك أن الوصفة الطبية خطأ, وعليه أن يستوضح عن ذلك من الطبيب الذي اعتمدها.

ب‌) لا يجوز لفني الصيدلة صرف الوصفة الطبية إلا تحت إشراف صيدلي مرخص له

الفرع الثالث

واجبات الزمالة

* المادة الرابعة والعشرون:

يجب أن تقوم العلاقات بين الممارس الصحي وغيرة من الممارسين الصحيين على أساس من التعاون والثقة المتبادلة.

ويحظر على الممارس الصحي الكيد لزميله أو الانتقاص من مكانته العلمية أو الأدبية, او ترديد الإشاعات التي تسيء إليه, كما يحضر عليه محاولة اجتذاب المرضى الذين يعالجون لدى زميله, أو العاملين معه أو صرفهم عنه بطريق مباشر أو غير مباشر.

* المادة الخامسة والعشرون:

يجب على الممارس الصحي الذي يحل محل زميل له في علاج مرضاه أن يمتنع عن استغلال هذا الوضع لمصلحته الشخصية وأن يترفع عن كل ما يسيء إليه في ممارسة مهنته.

الفصل الثالث المسؤولية المهنية

الفرع الأول

المسؤولية المدنية

* المادة السادسة والعشرون:

التزام الممارس الصحي الخاضع لهذا النظام هو التزام ببذل عناية يقظة تتفق مع الأصول العلمية المتعارف عليها.

* المادة السابعة والعشرون:

كل خطأ مهني صحي صدر من الممارس الصحي وترتب عليه ضرر للمريض يلتزم من ارتكبه بالتعويض وتحدد ( الهيئة الصحية الشرعية ) المنصوص عليها في هذا النظام مقدار هذا التعويض ويعد من قبيل الخطأ المهني الصحي ما يأتي:

1. الخطأ في العلاج أو نقص المتابعة

2. الجهل بأمور فنيه يفترض فيمن كان في مثل تخصصه الإلمام بها.

3. إجراء العمليات الجراحية التجريبية وغير المسبوقة على الإنسان بالمخالفة للقواعد المنظمة لذلك.

4. إجراء التجارب أو البحوث العلمية غير المعتمدة على المريض.

5. إعطاء دواء للمريض على سبيل الاختبار.

6. استخدام آلات أو أجهزة طبية دون علم كافٍ بطريقة استعمالها أو دون اتخاذ الاحتياطات الكفيلة بمنع حدوث ضرر من جراء هذا الاستعمال.

7. التقصير في الرقابة والإشراف

8. عدم استشارة من تستدعي حالة المريض الاستعانة به.

ويقع باطلاً كل شرط يتضمن تحديد أو إعفاء الممارس الصحي من المسؤولية

الفرع الثاني

المسؤولية الجزائية

* المادة الثامنة والعشرون:

مع عدم الإخلال بأي عقوبة أشد منصوص عليها في أنظمة أخرى يعاقب بالسجن مدة لا تتجاوز ستة أشهر وبغرامة لا تزيد عن مائة ألف ريال, أو بإحدى هاتين العقوبتين كل من:

1. زاول المهن الصحية دون ترخيص.

2. قدم بيانات غير مطابقة للحقيقة أو استعمال طرقاً غير مشروعة كان من نتيجتها منحه ترخيصاً بمزاولة المهن الصحية.

3. استعمال وسيلة من وسائل الدعاية يكون من شأنها حمل الجمهور على الاعتقاد بأحقيته في مزاولة المهن الصحية خلافاً للحقيقة.

4. انتحل لنفسه لقباً من الألقاب التي تطلق عادة على مزاولي المهن الصحية.

5. وجدت لدية آلات أو معدات مما يستعمل عادة في مزاولة المهن الصحية دون أن يكون مرخصاً له بمزاولة تلك المهن أو دون أن يتوفر لديه سبب مشروع لحيازتها.

6. امتنع عن علاج مريض دون سبب مقبول.

7. خالف أحكام المواد (السابعة) فقرة (ب) و ( التاسعة ) و ( الحادية عشرة ) و( الرابعة عشرة ) الفقرتين( أ , و ) و ( التاسعة عشرة ) و( العشرين ) و ( الثانية والعشرين ) و (الثالثة والعشرين ) و ( الرابعة والعشرين ) و ( السابعة والعشرين ) فقرة (3) من هذا النظام.

8. تاجر بالأعضاء البشرية أو قام بزراعة عضو بشري مع علمه أنه تم الحصول عليه عن طريق المتاجرة.

* المادة التاسعة والعشرون:

يعاقب بغرامة لا تزيد على ( 50ألف ريال) كل من خالف أحكام المواد ( العاشرة ) و ( الثانية عشرة ) و ( الثالثة عشرة ) والفقرات ( ب , ج , د, هـ ) من المادة ( الرابعة عشرة ) من هذا النظام.

* المادة الثلاثون:

كل مخالفه لحكام هذا النظام أو لائحته التنفيذية لم يرد نص خاص في هذا النظام على عقوبة لها, يعاقب مرتكبها بغرامة لا تتجاوز ( عشرين ألف ريال ).

الفرع الثالث

المسؤولية التأديبية

* المادة الحادية والثلاثون:

مع عدم الإخلال بأحكام المسؤولية الجزائية أو المدنية , يكون الممارس الصحي محلاً للمساءلة التأديبية , إذا اخل بأحد واجباته المنصوص عليها في هذا النظام , او خالف أصول مهنته , أو كان في تصرفه ما يعد خروجاً على مقتضيات مهنته أو آدابها.

* المادة الثانية والثلاثون:

العقوبات التأديبية التي يجوز توقيعها في حالة المخالفات المهنية هي:

1. الإنذار.

2. غرامة مالية لا تتجاوز عشرة آلاف ريال.

3. إلغاء التراخيص بمزاولة المهنة الصحية وشطب الاسم من سجل المرخص لهم. وفي حالة إلغاء التراخيص, لايجوز التقدم بطلب ترخيص جديد إلا بعد إنقضاء سنتين على الأقل من تاريخ صدور قرار الالغاء.

الفصل الرابع

التحقيق والمحاكمة

* المادة الثالثة والثلاثون:

1- تكوَن هيئة تسمى ( الهيئة الصحية الشرعية ) على النحو الآتي:

o قاضٍ لا تقل درجته عن قاضي (أ) يعينه وزير العدل رئيساً

o مستشار نظامي يعينه الوزير

o عضو هيئة تدريس من إحدى كليات الطب, يعينه وزير التعليم العالي, وفي المنطقة التي ليس فيها كلية طب يعين الوزير بدلاً منه عضواً من المرافق الصحية المتوافرة في تلك المنطقة.

o عضو هيئة تدريس في إحدى كليات الصيدلة يعينه وزير التعليم العالي, وفي المنطقة التي ليس فيها كلية صيدلة يعين الوزير بدلاً منه عضواً من المرافق الصحية المتوافرة في تلك المنطقة.

o طبيبان من ذوي الخبرة والكفاية يختارهما الوزير.

o صيدلي من ذوي الخبرة والكفاية يختاره الوزير.

2- تقتصر مشاركة العضوين المشار إليهما في الفقرتين ( 4 , 6 ) في القضايا ذات العلاقة بالصيدلية.

3- يعين الوزير المختص عضواً احتياطيا يحل محل العضو عند غيابه.

4- يكون لهذه الهيئة أمين سر, يعينه الوزير.

5- تجوز الاستعانة بخبير أو أكثر في موضوع القضية المعروضة.

6- يكون مقر هذه الهيئة وزارة الصحة بالرياض, ويجوز إنشاء هيئات أخرى في المناطق التي يصدر بتحديدها قرار من الوزير.

7- تحدد اللائحة التنفيذية مدة العضوية في هذه الهيئة وكيفية العمل فيها.

* المادة الرابعة والثلاثون:

تختص الهيئة الشرعية الصحية بالآتي:

1- النظر في الأخطاء المهنية الصحية التي ترفع بها المطالبة بالحق الخاص ( دية , تعويض ,ارش ).

2- النظر في الأخطاء المهنية الصحية التي ينتج عنها وفاة, أو تلف عضو من أعضاء الجسم, أو فقد منفعته أو بعضها حتى ولو لم يكن هناك دعوى بالحق الخاص.

* المادة الخامسة والثلاثون:

تنعقد ( الهيئة الصحية الشرعية ) بحضور جميع الأعضاء وتصدر قراراتها بالأغلبية على أن يكون من بينهم القاضي, ويجوز التظلم من اللجنة أمام ديوان المظالم خلال ستين يوماً من تاريخ إبلاغ قرار الهيئة.

* المادة السادسة والثلاثون:

يمثل الإدعاء العام أمام ( الهيئة الصحية التشريعية ) الموظفون الذين يصدر بتحديدهم قرار من الوزير.

* المادة السابعة والثلاثون:

لا تسمع الدعوى في الحق العام بعد مضي سنه من تاريخ العلم بالخطأ المهني الصحي , وتحدد اللائحة التنفيذية ضوابط العلم بالخطأ المهني الصحي.

* المادة الثامنة والثلاثون:

فيما عدا الاختصاصات المنصوص عليها ( للهيئة الصحية الشرعية ). تنظر المخالفات الناشئة عن تطبيق هذا النظام لجان تشكل بقرار من الوزير المختص, ويراعى في تشكيل هذه اللجان أن يكون من أعضائها أحد المختصين بالأنظمة , واحد المختصين بالمهنة الصحية من السعوديين, ويعتمد الوزير المختص قرارات اللجان, ويجوز التظلم من قرارات هذه اللجان أمام ديوان المظالم خلال ستين يوماً من تاريخ إبلاغها.

وتحدد اللائحة التنفيذية إجراءات عمل هذه اللجان.

* المادة التاسعة والثلاثون:

للوزير أن يأمر بالإيقاف المؤقت عن مزاولة المهنة الصحية, وللمدة التي يراها مناسبة في حق أي ممارس صحي مرخص له وذلك عند وجود أدله و قرائن دالة عن المخالفة تكون عقوبتها- في حالة ثبوتها- إلغاء الترخيص.

وان كان هناك احتمال بأن هذا الإيقاف المؤقت سيترتب عليه إلحاق ضرر بالمرضى المستفيدين فعلى الوزير اتخاذ ما يجب لاستمرار تلقي المرضى ما يحتاجونه من رعاية صحية.

ويحق للممارس الصحي التظلم من ذلك الإيقاف لدى ديوان المظالم خلال ثلاثين يوماً من تاريخ إبلاغه بذلك.

* المادة الأربعون:

تحدد اللائحة التنفيذية القواعد والإجراءات اللازمة للنظر في المخالفات , والقضايا الناشئة عن تطبيق هذا النظام وطرق البت فيها.

* المادة الحادية والأربعون:

يكون الاشتراك في التأمين التعاوني ضد الأخطاء المهنية الطبية إلزامياً على جميع الأطباء وأطباء الأسنان العاملين في المؤسسات الصحية العامة والخاصة. وتضمن هذه المؤسسات والمنشآت سداد التعويضات التي يصدر بها حكم نهائي على تابعيها إذا لم تتوافر تغطية تأمينية أو لم تكف, ولها حق الرجوع على المحكوم عليه فيما دفعته عنه.

ويمكن أن تشمل هذا التأمين التعاوني الإلزامي فئات أخرى من الممارسين الصحيين, وذلك بقرار من مجلس الوزراء بناء ً على اقتراح وزير الصحة.

الفصل الخامس أحكام ختامية

* المادة الثانية والأربعون:

يلغي هذا النظام نظام مزاولة مهنة الطب البشري وطب الأسنان الصادر بالمرسوم الملكي رقم (م/3) وتاريخ 21/2/1409هـ , كما يلغي نظام مزاولة مهنة الصيدلة والاتجار بالأدوية والمستحضرات الطبية الواردة, الصادر بالمرسوم الملكي رقم ( م/18 ) وتاريخ 18/3/1398هـ , ويلغي كل ما يتعارض معه من أحكام.

* المادة الثالثة والأربعون:

يصدر الوزير اللائحة التنفيذية لهذا النظام, وتنشر في الجريدة الرسمية كما يصدر القرارات, والتعليمات اللازمة لتنفيذ هذا النظام.

* المادة الرابعة والأربعون:

ينشر هذا النظام بالجريدة الرسمية, ويعمل به بعد ستين يوماً من تاريخ نشرة.

كيف تحقق أكبر استفادة من السفر

اولا حدد هدفك

لازم أبل ما تسافر تحدد الهدف اللي انت مسافر علشانه علشان الدنيا ما تاخدكشي وتنسي هدفك وتبص تلاقي نفسك ما عملتش حاجة

ثانيا سياسة التوفير

الهدف الرئيسي من السفر هو المادة يعني الفلوس علشان كده لازم تتعلم كويس سياسة التوفير لانك مش رايح تتفسح وتصرف فلوس

لانه جنيه الغربة تمنه غالي اوي

وانا مش بقؤل امسك علي نفسك لا بقؤل خليك في المعقول

وطبعا بتختلف المصاريف من شخص للتاني اذا كان لوحده ولا كان معاه أسرة وبتختلف برده من مكان للتاني في السعودية

ثالثا اسال

أبل ما تعمل أي خطوة في أي حاجة زي الشراء مثلا اسال أي حد تعرفه بس يكون أمين علشان ممكن يضحك عليك في حجات كتير

وأبل ما تستخرج أي ورقة اسال برده علشان الروتين هنا في السعودية موجود بصورة كبيرة خصوصا لو كانت الهيئة حكومية وفيها موظفين سعوديين كتير

رابعا تعلم

لو عندك وقت فراغ ممكن تستغله في مذاكرة زمالة مذاكرة مادة التخصص بتاعك مذاكرة ماستر دبلومة أو قراية أي حاجة طبية جديدة من علي النت المهم انك ما تسبشي نفسك كده من غير تعليم مستمر

خامسا : طور نفسك

حاول تستفيد من المواقف المختلفة اللي بتمر بيها كل يوم لانه ده هايزيدك خبرة في كيفية التعامل مع الناس سواء لما ترجع مصر أو لما تكون موجود هناك

سادسا : حاول

حاول ما تمسكشي أي شغل اداري او شغل فيه مسئولية كبيرة لانك مش في بلدك ويوم ما هاتوقع مش هاتلاقي حد جمبك حتي في شغلك الطبي خليك في الامان علي أد ما تقدر وخليك حريص

سابعا : تأقلم

في بداية وصولك السعودية ولشهور قليلة ممكن تحس انك قرفان ومدايق وممكن تفكر انك ترجع مصر تاني بس صدقني دي فترة مؤقتة وهاتعدي وهاتتأقلم علي الجو وعلي الناس وعلي كل حاجة

ثامنا : البشر اصناف

هنا في السعودية زي ما فيه الوحش فيه الكويس ومع الوقت هاتعرف تتعامل مع السعوديين وتعرف تاخد حقك منهم بالاحترام وبالادب بدون أي مشاكل لانه فيه اختلاف في الثقافات والعادات والتقاليد

تاسعا : خليك في حالك

الافضل في السعودية انك ما تعملشي علاقات كتير سؤاء مع سعوديين أو مصريين أو أي جنسية أخري لانه ناس كتير بتتغير في الغربة

عاشرا تقرب الي الله

الجو هنا في السعودية يساعد علي الالتزام ووجودك بجوار الاماكن المقدسة هايساعدك أكتر علي التقرب الي الله وطبعا لازم تحج ولازم تعمل عمرة واتنين وتلاتة وعشرة

==================================

انتهي الجزء الثامن

علي وعد بلقاء ان شاء الله في الجزء التاسع ( الزواج) من سلسلة

مستقبل الطبيب

نـــــــداء ورجاء

إلي كل من قرأ هذا الموضوع

لا تنسونا من الدعاء بظهر الغيب

وجزاكم الله كل خير

والسلام عليكم ورحمة الله وبركاته

بسم الله الرحمن الرحيم

إخواني وأخواتي الأطباء والطبيبات
السلام عليكم ورحمة الله وبركاته

النهاردة موعدنا من الجزء التاسع من سلسلة

مستقبـــــــل الطبيب

وهو
الــــــــــــزواج
في البداية أحب أوضح انه الجزء الأول من موضوع الجواز ده تعبير عن رأيي
ووجهة نظري

تتجوز ميــــــــــــــن؟؟

هو يفضل انك تتجوز دكتورة بشرية بس [size=21]مش شرط لانه فيه دكاترة كتير بيفضلوا انهم يجوزوا واحدة مش طبيبة علشان الطبيبة بتكون مشغولة شويه عن أسرتها ويفضلوا يجوزوا واحدة من اي كلية تانية وما تشتغلشي أو يكون شغلها خفيف بالقدر اللي يسمح ليها انها تاخد بالها من أسرتها أكتر وأكتر ودي وجهة نظر أنا أحترمها ومقتنع بيها

طيب ليه دكتورة ؟؟؟؟

ايه هيا المميزات ؟

أولا

لأنها أكتر واحدة بتفهم الطبيب وحياته وشغله

وعارفة أنه لسه فيه تكليف وفيه نيابة وفيه تحضير
عارف حتي الصيدلانية ولا أي دكتورة تانية حياة الدكتور ليها غامضة وماتعرفشي عنها حاجة وماتستغربشي من كلامي انت مش بتعرف النيابة والتحضير غير لما تيجي تخلص الكلية أو ممكن كمان ماتعرفشي
كفاية انك لو راجع من الشغل ممكن تلاقي واحدة تتكلم معاها في أي حاجة في الطب تفهمك وتفهم كلامك غير اي واحدة تانية
ثانيا

كمان الدكتورة ممكن تساعد الطبيب في حياته الطبية في العيادة في اي حاجة تخص الشغل والمذاكرة وغيره
ثالثا
أولادك هايتربوا علي ايد دكتورة يعني مش أي واحدة علي الاقل خالص هاتزرع فيهم حجات كويسة كتير

رابعا

الدكاترة الفيمال في الغالب بيكون شخصياتهم عقلانية وبيعرفوا يفكروا وعاقلين يعني مش زي بعض البنات السطحية التافهة

خامسا

فيه ناس بتبص انها تتجوز دكتورة كواجهة اجتماعية حلوة دكتور ودكتورة كده يعني

سادسا

فيه ناس ممكن تفكر تتجوز دكتورة علشان انه الدكتورة ممكن تدخل دخل مادي كويس طبعا بجانب كل اللي فات ودي حقيقة وأنا أعرف ناس اجوزت دكتورة وده سبب من اسباب ارتباطه بدكتورة أي نعم مش هو الاساس بس سبب

سابعا

الدكتورة الفيمال لو هيا انسانة كويسة هاتلاقيها تشجعك دايما انك تنجز في حياتك وتدفعك للامام وبتكون عارفة كويس اوي ومقدرة تعبك ومجهودك لأنها ببساطة دكتورة وعارفة كل طبيعة حياة الطبيب

ثامنا

مش هاتقؤلك كنت فين اتاخرت ليه سايبني لوحدي

اختار لأنا لا الشغل
هو انت مجوز الشغل
لانها عارفة حياتك وانه حياتك مش ملكك
تاسعا

في الغالب الدكتورة بيكون اخلاقها كويسة ومتربية كويس والدكاترة الفيمال في أغلب االااحيان بيكونوا من الناس الملتزمة طول عمرها وعندهم مثابرة وصبر غير اي واحدة تانية من أي كلية تانية
عاشرا

ببساطة كده اذا كان الدكتور ما يجوزشي دكتورة اومال مين اللي هايجوز الدكاترة الفيمال

نيجي عيوب الارتباط بالدكتورة ومحاولة حلها

أولا

عدم التوفيق بين الشغل وبين متطلبات البيت
لانه الست بيكون عليها واجبات كتير في البيت وفي نفس الوقت ممكن تكون بتشتغل نفس شغل الدكتور فا هيا كده عليها واجبين مهمين
الحل
الدكتورة الذكية هيا اللي تعرف توفق بين الاتنين
وأنا شايف أنه الدكتور يحاول يساعد الدكتورة في أي حاجة علشان الحياة تمشي
يعني مثلاا لو هيا في نبتشية في المستشفي مثلا وروحت البيت ومالقتشي غدا لاي سبب من الاسباب ايه المانع أنه الدكتور يعمل لنفسه أكل بس طبعا مايكونشي الكلام ده متكرر
ايه المانع أنه مثلا يسخن الأكل للولاد
لو اثناء فترة التكليف والنيابة
ممكن لو بيتشغلوا هما الاتنين في نفس المستشفي أو نفس الوحدة الصحية ممكن هو يشيل ليها الشغل بتاعها لو ينفع وتتفرغ هيا للبيت في الوقت بتاع الشغل
لو بقيت مراتك اخصائية
انتو ممكن تتفقوا أنها ما تفتحش عيادة
بمعني كفاية انها تروح الشغل الصبح لحد الساعة 2 ومفيش عيادة لانه بصراحة لو هيا فتحت عيادة وانت فتحت عيادة الامور هاتبقي سيئة أوي ويمكن ماتشفوش بعض غير بالصدفة

ثانيا
[/size]

الندية في التعامل

الصفة دي لو موجودة في الدكتورة الفيمال بضيع كل المزايا بتاعة الدكتورة ووقتها يبقي أي واحدة واخدة كويسة واخدة أي كلية أحسن من الدكتورة

بمعني أنه الدكتورة تنظر للدكتور انها زيه في كل حاجة وتعمل راسها براسه في كل حاجة
المفروض انها دكتورة بره البيت لكن جوا البيت لازم تعرف انها زوجة أبل أي حاجة تانية
لانه لو وجد فيها الصفة دي فا بكده بضيع حقه اللي ادهوله ربنا وهو
حق القوامة
مصداقا لقؤله
الرجال قوامون عن النساء
طبعا الراجل مهما كان راجل هو القائد في البيت المايسترو
ومش هاينفع أنه الست تكون هيا القائد ربنا قال كده
وكمان المركب اللي فيها ريسين بتغرق
طبعا لازم الست تعرف انه الراجل راجل والست ست
مهما تساوي الطرفين في الوضع العلمي او المادي او الاجتماعي
وانه هيا زي ما ليها حقوق عليها واجبات
والراجل كذلك عليه حقوق وله واجبات
وده مش اناقصا لقدر الست
بس نيجي في حق القوامة نقؤل انه للراجل هذا الحق

هيا ممكن
تقؤلك
انت بتشتغل وانا بتشغل نفس شغلك ويمكن اكتر
انت بدخل فلوس وانا كمان بدخل فلوس
انا بحضر ماستر وانت بتحضر دبلومة
انت دكتور صحة وانا دكتورة في الجامعة
انت عيادتك مش شغالة وأنا عيادتي شغالة
انت وانا انت وانا انت وانا
وحسبة كبيييييييييييييييرة جدا جدا جدا
هاتيجي اثارها السلبية في الاخر علي دماغ الست

وطبعا مش كل الدكاترة الفيمال كده لا بس أنا بذكر أنه النوع ده موجود

ثالثا

ودي بئه يجاوبوا عليها الدكاترة الفيمال
هل معظم الدكاترة الفيمال فعلا ما بيعرفوش في الدلع والهذار وخفة الدم ؟؟؟؟؟؟؟

أنا مش شايف يعني عيوب تانية يمكن يكون فيه بس أنا مش واخد بالي

كيف تختار شريكة حياتك
معايير اختيار الزوجة
ازاي تختار زوجتك وايه هيا معايير الاختيار؟؟؟
أنا قسمت المعايير دي في تلات محاور رئيسية
المحور الأول

معايير في الانسانة نفسها

المحور الثاني
معايير في أسرتها
المحور الثالث
معايير الكفاءة

نمسك الأول

معايير في الانسانة نفسها

لو أخدنا المعايير دي من ناحية الدين فالرسول صلي الله عليه وسلم بيقؤل
تنكح المرأة لأربع
لمالها وجمالها وحسبها ونسبها ودينها
فاظفر بذات الدين تربت يداك
صدق رسول الله صلي الله عليه وسلم

اذن المعايير هيا

المال الجمال الحسب والنسب الدين

وطبعا الدين أهم المعايير
طيب لو دين ومال يبقي خير وبركة
دين وجمال يبقي خير وبركة ما أجمله
دين وحسب ونسب يبقي ميه ميه
دين ومال وحسب ونسب وجمال يبقي مفيش بعد كده
طيب افتراضا
جمال ومال وحسب ونسب ومن غير دين
ها توافق انك تتجوز انسانة زي دي
بالتأكيد لأ وألف لأ
هاتوافق في حالة واحدة بس اذا كنت انت انسان مش كويس

العنصر الأول

الدين

هو الاساس في الاختيار
وده أول حاجة نتكلم عليها

بتختلف درجة التدين من واحدة للتانية
طيب ازاي تعرف انه الانسانة اللي عاوز ترتبط بيها ذات دين وازاي تعرف مدي تدينها ؟؟؟
مبدئيا ولأول وهلة

من غير ما تتعرف عليها ولا تتكلم معاها

لو لقيت لبسها محذق وملزق أو/و مغرقة نفسها مكياب
يبقي الانسانة دي تدينها ضعيف
وما تقؤلشي اللبس حاجة الوتدين حاجة تانية لا المفروض هيا متدينة دينها القوي يمنعها من انها تظهر بالمظهر ده والتبرج ده
ثم
تبدأ تسأل عليها

طيب تسأل مين ؟؟
لما تسأل ما تسألشي ناس قريبة منها أوي لانهم مش هايقولوا الحقيقة ولما تسأل تسأل ناس أهل ثقة مش أي حد تسأله
طيب تسأل فين ؟؟
تسأل في كل مكان بتروح فيه أو كانت فيه حتي ايام الكلية
يعني في مكان سكنها في شغلها في اي مكان بتقعد فيه فترة طويلة وأهم ناس تسألهم هما الجيران
طيب تسأل علي ايه ؟؟
بتصلي ولا لأ ؟؟ منتظمة في الصلاة في مواعيدها ولا لأ ؟
طيب بتصلي الفجر حاضر ؟؟ بتقوم الليل ؟؟ حافظة قران ؟؟؟ طيب بتحفظ ؟؟ طيب بتقرا قران ؟؟ ولا مش مش حافظة ولا بتحفظ ولا بتقرأ ؟؟ بتحب الأغاني ؟؟
طيب علاقاتها مع زميلاتها ايه ؟؟ علاقاتها مع جيرانها ايه ؟؟
علاقاتها مع أفراد أسرتها ؟؟؟
طباعها ايه ؟؟ أهم نقطة في الطباع تشوف اذا كانت عصبية ولا هادية ولا عادية ؟؟؟
تسأل عن اخلاقها بصورة اجمالية وتفصيلية ( كدابة صادقة ندلة جدعة عنيدة مطيعة وهكذا .... ؟؟
واهم حاجة في الاخلاق تشوف
عندها حياء ولا لأ ومستوي الحياء ده أد ايه ؟؟
دا شئ مهم أوي

حاول تشوف مشيتها في الشارع

لو اتكلمت معاها شوف طريقة كلامها معاك هاتكون ازاي

طبعا من الحجات اللي فاتت دي كلها تقدر تقيم اذا كانت الانسانة دي متدينة ولا لأ ؟؟ وايه درجة تدينها

لانه فيه واحدة متدينة

وفيه واحدة مؤدبة
ولانه
المتدينة لازم تكون مؤدبة
لكن
المؤدبة مش شرط تكون متدينة
ومفيش مانع انك ترتبط بواحدة مؤدبة وربنا يكرمكو انتو الاتنين وتبقوا متدينين

وخلينا نقؤل بدل كلمة التدين كلمة الالتزام وفيه حد أدني للتدين أو الالتزام ممكن تقبله ولو لقيت فيها أقل من الحد الادني ده يبقي أفضل انك ما تكملشي في الجوازة دي
والحد الأدني انها تكون بتأدي الاركان الاساسية للاسلام من صلاة وصيام ومحجبة وغيرها من الفرائض بس الحجاب الشرعي مش الحجاب الروش بتاع اليومين دول لانه فيه ناس بتاخد الحجاب كموضة
اذن القضية عبارة عن حد أدني للالتزام زائد حاجة مهمة تانية وهيا الاخلاق ودي بتبان في المعاملة لانه الدين المعاملة
واللي أخلاقها كويسة بيكون تعاملها كويس لانه ممكن تلاقي واحدة تكون بتصلي وتصوم وفي نفس الوقت تعاملها واخلاقها مش كويسة
العنصر الثاني

الجمال

الجمال يا اخوانا شئ نسبي بمعني انك ممكن تشوف انسانة ما تعجبكشي خالص خالص وفي نفس الوقت تعجب واحد تاني
وممكن تكون هيا فعلا حلوة أوي بس يها مش عاجباك
بس أوقات يكون فيه بنات ما بيختلفشي عليهم اتنين

أنا قسمت جمال البنات الخارجي الي
الصاروخ الحلوة المعقولة المقبولة الغير حلوة
الصاروخ دي بئه اللي مش بيختلف عليها اتنين حاول تبعد عنها أفضل لأنها بنسبة 99 % هاتدلل عليك بجمالها وهاتحس انه سلاح قوي معاها وبالتالي هاتعملك نكد كل شويه لحد ما هاتكره تبص في وشها وتكره جمالها وتشوفها أوحش واحدة في الدنيا

حتي لو كان طباعها كويسة واخلاقها كويسة الجمال ده اللي كان بيبهرك بعد فترة من الزمن مش هايبهرك زي زمان لانك هاتتعود عليه وهاتشوفها انسانة عادية جدا

وممكن تلاقيها برده جميلة واخلاقها كويسة وطباعها كويسة وده كرم كبير من ربنا

بس أنا بقؤل حاجة مهمة

أنه لو مثلا واحدة حلوة أو معقولة أو مقبولة أو مش حلوة

زائد
انها دكتورة ومؤدبة ومحترمة ومطيعة واسرتها ناس طيبين
دي تعتبر
صاااااااااااااااااااااااروخ عابر للقارات

ويكفي انها تكون زي ما قال الرسول صلي الله عليه وسلم
اذا نظرت اليها أسرتك
يعني هيا لو ملكة جمال الكون وعنيدة وطباعها وحشة هاطيق تبص عليها ولو حصل انك بصيت أعتقد انك هاتدايق
لكن لو واحدة هادية ومطيعة وطباعها كويسة لما تبص في وشها هايدخل جواك احساس جميل وربنا هايكتبلك الرضا

اذن السرور مش بالجمال الخارجي فقط ولكن الجمال الداخلي أقؤي وهو سر السرور
بس ده ما يمنعشي برده انك تقؤل أنا مش هاجوز واحدة شكلها حلو
أنا بقؤل الكلام ده للناس اللي متشددين في عنصر الجمال
لكن كل واحد له رأي وله نظرته في الانسانة اللي بيجوزها وممكن يكون شايفها أحلي واحدة في الدنيا وهيا مش كده بس يكفي انه هو شايفها كده
وأنا مش بلوم علي الشباب انه بيدور علي واحدة حلوة لا عادي من حق أي واحد أنه يدور علي أي انسانة هو يرتحلها
بس ما تكونشي هيا القاعدة عنده أو هيا الاساس
وأهم حاجة القبول وبعد كده القبول هايزيد مع الايام وهايبقي فيه حب ورومانسية
اذن الجمال الخارجي مش مقياس دور علي الجمال اللي جوا اللي مستخبي الطباع مطيعة ولا لا اخلاقها كويسة ولا لا دمها خفيف ولا كابس كده يعني

العنصر التالت

المال

اوقات بشوف ناس مجوزين واحدة علشان فلوسها او علشان هاتورث
طبعا هيا بتكون عارفة انك مجوزها علشان فلوسها ولو ماكنتش عارفة النهاردة هاتعرف بكره
ووقتها هاتستعمل السلاح ده في الضغط عليك في حجات كتير هاتكون علي حساب كرامتك ووقتها هاتفقد احترامك لنفسك
واعتقد الانسان اللي زي كده بيكون فاقد احترامه لنفسه من البداية انه حط الاساس بتاع جوازه من الانسانة دي هو المال
والمثل الشعبي بيقؤل
يا واخد القرد علي ماله يروح المال ويفضل القرد علي حاله

اذن فا المال مش هو اساس الاختيار

العنصر الرابع

الحسب والنسب

الرسول صلي الله عليه وسلم بيقول
تخيروا لنطفكم فان العرق دساس
يعني تكون واحدة أصلها طيب وبنت ناس طيبين
ومش شرط تكون بنت السبع عائلات

طيب دي المعايير بالنسبة للانسانة نفسها

المحور الثاني

نيجي للمعايير الخاصة بأسرة الانسانة

أولا

تأكد مليون في الميه أنه لو الأب والأم كويسين ومحترمين بنسبة 99 % البنت هاتطلع كويسة

وخصوصا الأب لو كويس ومحترم بما تحتويه كلمة محترم من معاني وأخلاق ورجولة
لأنه الأب هو اللي بيربي هو اللي بيقؤل عيب وغلط وصح والست برده بتربي بس الراجل هو المايسترو هو قائد السفينة في البيت وزمان قالوا
اذا كان رب البيت بالدف ضارب فشيمة أهل البيت الرقص

ثانيا

لازم تعرف وتسأل مين الراجل في البيت

باباها ولا مامتها
لو مامتها هيا الراجل وهيا اللي كلمتها بتمشي فوق كلمة الراجل يبقي ابعد افضل أحسن لأنه البنت دي هاتحاول بكل الطرق أنها تعمل معاك كده وتبقي علاقتك معاها كده وتفضل تنكد عليك تنكد عليك تنكد لحد ما انت تزهق وتطنش وتتنازل ويكون حياتك معاها علي حساب كرامتك
وعلي فكرة هيا أوقات بتكون فاكرة انه ده هو الطبيعي وانك لو بتحبها تسمع كلامها وانك راجل ولازم تستحملها مهما عملت
ولو ما اتنازلتش وهيا ما اتنازلتش هاتفضلوا في اختلاف علي طول لحد ما تتطلقوا

ثالثا

تبص علي معاملة مامتها لباباها

لو معاملة كويسة ومحترمة تأكد أن الانسانة دي هاتعاملك باحترام ووكويس لأنها طول عمرها شايفة مامتها محترمة باباها وبتعامله كويس
لكن لو بتعامله وحش اتوماتيك هاتعاملك وحش
ماهيا مش شايفة قدامها غير الاختلافات والخناق ليل ونهار

طبعا مش كل البنات هاتكون كده بس الاغلب هايحصل ده
رابعا

لازم تختار جد وجدة وخال وخالات لاولادك محترمين

يعني مثلا ما يكونشي والد البنت حرامي ولا راجل خمورجي
ولاب تاع مخدرات ولا بتاع ستات وتقؤلي
لاااااااااا بس البنت غيرهم البنت مؤدبة
حتي لو كانت كده بس ايه ذنب أولادك انه يتعايروا بجدهم
وكذلك لو جدتهم وخالات أولادك أخلاقهم مش كويسة هايتعايروا بيهم
ولو خالهم حرامي ولا بتاع مخدرات ولا خمورجي ولا قليل الادب برده أولادك هايتعايروا بيهم

المحور الثالث

معايير الكفاءة

مبدائيا الاسلام فضل أنه يكون فيه تقارب في معايير الكفاءة بين الطرفين وهي :
أولا

بالنسبة لفرق السن

فرق العمر المثالي ما يقلش عن سنتين ومايزدشي عن سبع سنين
وطبعا هو مش شرط بس يفضل ياما جوازات نجحت وكان فيه فروق أعمار غير كده خالص
بس أنا بقؤل يفضل خصوصا في العصر الحالي
والرسول صلي الله عليه وسلم اجوز السيدة خديجة وهيا أكبر منه والسيدة عائشة وهيا أصغر منه بكتير

ثانيا

الفرق المادي

مايكونشي فيه جاب واسعة بينك وبينها
يعني يكون فيه فرق درجة اتنين تلاتة بينك وبينها سؤاء كانت الدرجة دي فوق أو تحت
لكن
ما تكونشي هيا بنت مليونير وانت مستواك المادي متوسط أو فوق المتوسط وما تقؤلشي مستقبلا هايكون معايا ومعايا وهابقي وهاعمل
بس طبعا مش شرط الرسول صلي الله عليه وسلم كان لا يملك المال الكثير ومع ذلك تزوج من السيدة خديجة وكانت صاحبة تجارة كبيرة انذاك

ثالثا

الفرق الاجتماعي

ما يكونشي برده ضحم
يعني ممكن درجة اتنين تلاتة لكن أكتر من كده لا يفضل
بس برده مش شرط لانه الرسول صلي الله عليه وسلم قال
لا فرق بين عربي ولا اعجمي الا بالتقوي
بس هو يفضل

رابعا

الفرق العلمي

يفضل ما يكونشي فيه فرق علمي كبير بمعني ماتكونشي انت دكتور وتجوز واحدة واحدة واخدة دبلوم مع احترامي طبعا لكل الانسات اللي واخدين دبلوم بس هايكون فيه فرق ثقافي كبير بينهم مما يسبب المشاكل

دي باختصار كل خبراتي في موضوع معايير اختيار الزوجة

وطبعا لكل قاعدة شواذ

» مستقبل اغبى طالب في الفيزياء!
» سلوكيات الطبيب المسلم
» ترك الطبيب الطوارئ لصلاة الجماعة ؟؟