والله العظيم اللي بيحصل ده حرام !!!!!!!

الحقونا يا بشر والله العظيم اللي احنا فيه ده حرام ، احنا قلنا أخدنا الدرس في أولى وقلنا ربنا يكرمنا ان شاء الله في تانية ونبتدي من الاول ان شاء الله ،بس اللي احنا قابلناه ده يخلي الشعر يشيب احنا قلنا نحضر محاضرات من الاول بس الظاهر مش هنحضر خالص،يعني الدكتور يدخل المحاضرة ويشرح ما يكسبش من المحاضرة الا استهزاء الطلبة فقط، وده علشان ايه بيدخل يرص كلام ع السبوره ويكلم وطبعا مفيش حد فاهم حاجة ،وانا والله مرت بالتجربة دي وانا كنت بضرب نفسي مش عاوز أقول ازاي علشان مينفعش وبدل ما انا قلت هأحضر المحاضرات بقيت اقول مش هأحضر للدكتور ده وده وده لغاية ماخلصت كل الدكاترة ومش عارف احضر لمين ،وانا والله العظيم نفسي اصلح نفسي من الغلط بس مش لاقي الدافع اللي يساعدني على كده بل بالعكس ان بتوه عن الاول،واظن ان مش انا لوحدي اللي بحس الاحساس ده ولا ايه ، وانا نفسي أعرف العيب مني ولا منهم ويا ترى في امل نرجع زي زمان ونمحي الصورة اللي اتخدت عننا ولا لأ.


يا رب ارزقنا و اهدنا وثبت اقدامنا وانصرنا على القوم............

ياااااااااااااااااااااااااااااااااا
رب
فعلال الموضوع ده حصل
وحاجه تكسف
فين ادارة الكليه
ولا فين الجوده ولا فين
ولا فين
ولا فين
هنعمل ايه بس
لا حول ولا قوة الا بالله

عاشقة المستحيل كتب:

اه صحيح فى حاجة كمان
لو بالنسبة للبايو
ولو خايف علية احنا منزلين شرح لكل محاضرة باستيل معين
شرحه مبسط وفيه كل حاجة بتقال فى المحاضرة
اما باقى المحاضرات
الدكاترة بتوع المنتدى
دايما بينزلوا حاجات تخليك تفهم ال فى الكتاب من غير دكتور
حضرتك
توكل على الرحمن وسيبك من الحصل السنة الفاتت
دى درس اوك لازم نتعلم منه
المحاضرات لو خايف على الحاجات ال بتتقال اوك
شوف اى زميل وقوله وصور الكلام بتاعه وبعدين
ذاكر الكتاب لوحدك والكلام ال تقال فى المحاضرة اكتبه وذاكره كويس

اتمنى ان اكون اضفت قطرة صغيرة من المعلومة
ربنا معاكم
ويوفقكم


اختكم
عاشقة المستحيل

شكرا ليكي اخت عاشقه المستحيل

بس ايه حكايه الشرح دي انا اول مره اسمع عنها تبع مين بالظبط الميديكال ولا مين


ياريت تجاوبيلي ضروري

وشكرا علي الافاده

dr_cheto0os كتب:

عاشقة المستحيل كتب:

اه صحيح فى حاجة كمان
لو بالنسبة للبايو
ولو خايف علية احنا منزلين شرح لكل محاضرة باستيل معين
شرحه مبسط وفيه كل حاجة بتقال فى المحاضرة
اما باقى المحاضرات
الدكاترة بتوع المنتدى
دايما بينزلوا حاجات تخليك تفهم ال فى الكتاب من غير دكتور
حضرتك
توكل على الرحمن وسيبك من الحصل السنة الفاتت
دى درس اوك لازم نتعلم منه
المحاضرات لو خايف على الحاجات ال بتتقال اوك
شوف اى زميل وقوله وصور الكلام بتاعه وبعدين
ذاكر الكتاب لوحدك والكلام ال تقال فى المحاضرة اكتبه وذاكره كويس

اتمنى ان اكون اضفت قطرة صغيرة من المعلومة
ربنا معاكم
ويوفقكم


اختكم
عاشقة المستحيل

شكرا ليكي اخت عاشقه المستحيل

بس ايه حكايه الشرح دي انا اول مره اسمع عنها تبع مين بالظبط الميديكال ولا مين


ياريت تجاوبيلي ضروري

وشكرا علي الافاده

اعتذر اولا على التاخير لان مش بدخل غير الصبح
اولا الشرح دىاانا بحثت عنه فى مواقع
وفى دكاترة من عين شمس مساعيدنى فيه .بمعنى هما كمان
اختاروا اسماء المواقع وكمان ممكن تلقى الشرح فى منتديات
بس بصراحة انا اخترت الحاجات ال علينا والرسومات ال تهمنا
وكمان فى اسئلة كلينكال وكاسيس يعنى نظام رائع .
فى حاجة كمان ان مش كله الكلام ال احنا نزلناه هو دة الموجود فى الموقع
لا طبعا فى حاجات كبيرة اوى علينا انا قراتها مافهمتش ولما سالت قالوا
يااااااااااااااا مش عليكى اصلا واستحالة هتفهميها عايز بتوع الماجيستير
لذلك احنا اختارنا الملخص المفيد
غير كدة ان الشرح بصراحة جميييييييييييل جدا وباسلوب سهل ومنظم
وكمان زى ما الدكتور عايز طارق عايزه
بس

أولا انا أشكر كل من اجاب علي في هذا الموضوع ، في الحقيقة انا مش قاصد كل الدكاترة والدكتور الفقي والدكتورة فاطمة مثلما قالت الأخت عاشقة المستحيل هما بس والله اللي حبتهم بالإضافة إلي الدكتور هجرس والدكتورة سهير ربنا يخليها ، لكن الباقي ربنا يقدرنا عليهم ،

بس الوحشين (أسف ع هذا اللفظ) أكتر ، وانا والله واكيد مش انا بس نفسنا ننسى اللي فات ونبص لقدام ، لكن هم مش بيشجعوا ،


يعني الخلاصة انا عاوز اعرف علشان ربنا يسهلي احضر للكل ولا احضر للي هيفهمني ،وهل هو شرط النجاح حضور المحاضرات، ولو كان لأ يبقي مش هأحضر، بس الأسئلة والكلام الي بيتقال في المحاضرات بيجي منه في الامتحانات ولا إيه ، طيب أعمل إيه ،


وأحب اوضح لأختي عاشقة المستحيل والله انا جبت اقعد قدام وفعلا فهمت بس مع مين دي الدكتورة فاطمة ربنا يكرمها وفهمت الحمد لله وكتبت لأول مرة المحاضرة وراها ، بس والله العظيم لو واحد تاني زي اللي في بالي انا هانام بلا شك واكيد انتوا عارفينه كويس ،
احنا ندخل المحاضرة نلاقيه قاعد هناك زي ما يكون بايت هناك ونلاقي السبورة مليانة كلام مش عارف بدايته من نهايته ،

يبقى ايه الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إمضاء
واحد بيغرق ونفسه حد ينقذه بعد الله أكيد!!!!!!!!!!!!!!!!!!!!!!!!

اللهم نجينا وعافنا منك يا سيد إحباط ، وهي العملية مش ناقصة ، ومش عاوز كلام يزعل ولا يحبط خلي ربنا يكرمك ويكرمنا كلنا ان شاء الله

ابعد عني الله يخليك

شكرا علي التوضيح

جزاك الله كل خير وافاد الدفعه الثانيه من مجهودك العظيم

كلام جميل
والاجمل ان فى دكاترة حضرتك بحبهم وبتفهم منهم
حضرتك قولت احضر للدكاترة ال بفهم منهم
اقرب مثال الدكتورة سناء بتاعه الفسيولوجى دكتورة كتير بيشكر منها
بس للاسف انا مش بقدر افهم معها يعنى بحضر المحاضرة زى قلتها
دى بالنسبة ليا يبقى خلاص بقى ؟
بالعكس بمجرد ما حسيت انى مش هفهم طلعت وقعدت مع نفسى وقرات جزء من الكتاب
انا فهمت والحمد لله لوحدى .
طيب ال تقال فى المحاضرة معلشى نتكلم بصراحة معروف ان الدكتورة سهير بجيب الاسئلة من دماغها مش من المحاضرة بس بجيب من محاضرتها هى .
طيب عايز الم كل حاجة سواء دكتورة سهير بتشرح او غيرها بيشرح
سهله اتفقنا اى زميل لحضرتك وتكتب منه ،
رخامة بقه مش هيدينى او بمعنى تانى مافيش حد
ان شاء الله نعمل موضوع للمادة الفسيولوجى ونكتب فيه الاسئلة والجديد زى البايو
بس الظروف اليومين دول ضاربه شويه معايا بمجرد انها تخلص هنبدا ؟
وان شاء الله هسال زمايلى لو فى حاجة جديدة اكيد هنزلها .
نركز بس ونزاكر مش فاهم مش ضرورى المحاضرة
خلى حد يشرح ليك اكبر منك او حضرتك وزمايلك حددوا وقت وكل واحد يقول ال مش فاهمه وكمان المنتدى هنا تحت امر ال الكل وان شاء الله سنة دراسية جميلة



اختكم
عاشقة المستحيل

Spider Man كتب:

اللهم نجينا وعافنا منك يا سيد إحباط ، وهي العملية مش ناقصة ، ومش عاوز كلام يزعل ولا يحبط خلي ربنا يكرمك ويكرمنا كلنا ان شاء الله

ابعد عني الله يخليك

مافيش احباط ولا حاجة
وا شاء الله ربنا معاكم
والمهم بس نعمل ال علينا ونذاكر ونفهم ونفهم ونفهم
والباقى بقه سيبه لربنا
ونخلى عندنا ثقة فى ربنا انه مش هيضيع شغلنا

ربنا معاكم


اختكم
عاشقة المستحيل

و الله يا جماعة ربنا معاكم.....
على فكرة أحلى سنين الواحد قضاها فى الكلية لحد سنة ثالثة....
بالنسبة للحضور....
ما فيش شك إن بعض المحاضرات رخمة و ملهاش لازمة لكن الحضور و الالتزام هو أحد أسباب التميز... سبحان الله تلاقى ربنا بيوفق اللى بيحضر و بذل مجهود طول السنة فى حاجات كثيرة زى التصحيح و الشفوى.... لأن الكل بيجى فى الآخر و يذاكر و الكل بيكتب.....

بصوا يا جماعه هو انك تسمع محاضره وتذاكرها احسن من انك تذاكرها لوحدك
وانتو معاكوا حق محاضرة دكتور طارق بتبقى صعبه جدا زى ما عاشقه قالت لكن هيقولك المهم واللى مش مهم انا كنت باحضرها معايا الكتاب دى مهم دى رسمه تيجى وكده
انما اعتقد باقى الدكاتره فى المواد التانيه يتسمعلهم ويتحضرلهم.
لكن حضور المحاضرات بيفرق جامد فى الاخر على الاقل يوم ما تتزنق هتقول اه دى مهمه ودى لأ.
ربنا يوفقكوا
فى حاجه كمان لو مش هتحضر المحاضره وفر وقتها لحاجه مفيده.

انا السنة اللي فاتت فعلا كنت بعمل بنصيحة (لو مابتفهمش في المحاضرة ماتحضرهاش)لكن الواحد جاته فوبيا من اللي شافه في سنة اولى

انا ما فوتش غير محاضرة واحدة من اول السنة علشان جيت متاخر
لكن والله مش حاسه بفرق جامد وشكلي هرجع لمبدأي اللي تخليت عنه بس المشكله لما يكون زمايلك مدمنين محاضرات تعمل لهم ايه دول؟؟؟؟؟؟؟؟؟؟؟

زمايلك مدمنين محاضرات؟؟؟؟؟؟؟؟؟؟؟؟؟؟

مين دول

يا بنى لو مش بتفهم حاجه من المحاضره متحضرهاش احسن

هو انتوا بتحضروا محاضرات وبتشوفوا دكاترة وبتعدوا في المدرج وكلام من ده
يااااااااااااااااااااااااااااااااااااااااااااااااااااااااه
الواحد وحشه الكلام ده
انا فقدت الامل في موضوع الدكاترة والفهم والمذاكره الحمد لله
بس بجد يابخت الي بيحضر وبيفهم

dr.dodee كتب:

زمايلك مدمنين محاضرات؟؟؟؟؟؟؟؟؟؟؟؟؟؟

مين دول

يا بنى لو مش بتفهم حاجه من المحاضره متحضرهاش احسن

نعمل اية بس يا دودي ؟؟؟؟؟؟؟؟؟؟
الناس دي لازم يحضروا المحاضرات عقدوني معاهم والله..........بس على مين انا بقالي اسبوعين بفوت محاضرات...ربنا يستر!!!!!!!!!!!!!!!!!!