محتار ومش عارف تذاكر إزاي...ادخل هنا بسرعة

الحلقة الاولي:

السلام عليكم

طبعا كلكم داخلين علي مرحلة جديدة في حياتكم
خلاص راحت أيام المدرسة وأخيرا دخلتوا الكلية ومش أي كلية
دي كلية الطب

وأكيد الأسئلة اللي في بال معظم الناس دلوقتي هي يا تري هعرف أمشي في الكلية دي
يا تري هكون قد المسئولية؟؟؟؟؟

وأكيد برده في ناس بيخوفوكم من الكلية وبيقولوا انها صعبة والدراسة طويلة و........................
هي فعلا الدراسة طويلة وصعبة
وده أكيد لأن المفروض هتتعامل مع أرقي مخلوقات علي الأرض مع البشر
وهتبقي أرواحهم بين ايديك
بس انت في ايدك تخلي دراستك سهلة وممتعة
ومتبقاش بالنسبة ليك حمل تقيل تزهق منه
علشان كده
احنا هنقولك علي الخطوات اللي تعملها علشان تذاكر صح وتجيب أعلي التقديرات كمان

تابعوناااااااااااااااااااااااااااا

الحلقة الثانية:

أولا:
فلنكن تجار نوايا يعني لازم تستحضر النية لما تيجي تذاكر

محتار ومش عارف تذاكر إزاي...ادخل هنا بسرعة Excellentcy8

ودي بعض نوايا المذاكرة

1- للوصول لخشية الله
وَمِنَ النَّاسِ وَالدَّوَابِّ وَالْأَنْعَامِ مُخْتَلِفٌ أَلْوَانُهُ كَذَلِكَ إِنَّمَا يَخْشَى اللَّهَ مِنْ عِبَادِهِ الْعُلَمَاء إِنَّ اللَّهَ عَزِيزٌ غَفُورٌ
ومن ضمن معنى الأية أيضا
إن الإنسان كل ما يزيد علمه بيزيد إيمانه لإنه بيعرف بشكل أعمق قدرة ربنا سبحانة و تعالى ...
و ده بيكون عن طريق التفكر

2- للعمل وكسب المال وانفاقه فى سبيل الله المؤمن القوى خير وأحب عند الله من المؤمن الضعيف

3- دراسة العلم للتفكر فى خلق الله

4-الابتعاد عن الغش ( من غشنا فليس منا)

5- لتعلم الصبر وجهاد النفس

6- برالوالدين وادخال السرور عليهما

7- اتقان العمل ( عمل يحبه الله عزوجل)

8- مساعدة اخوتك فى الله

9-التوكل على الله والأخذ بالاسباب مع الاعتماد على الله عز وجل(ومن يتوكل على الله فهو حسبه)

10- القيام بفرض كفائي يكفي المسلمين في مجال مُعيّن (وما تقرب إليّ عبدي بشيءٍأحبّ إلىمما افترضه عليه)

11- نية طلب العلم و تعليمه(طلب العلم فريضه على كل مسلم و مسلمه)

ياااااااااااااه شفت النوايا قد ايه
يعني هيتضاعف أجرك عند ربنا فتكسب أجرا على كل نيه تنويها على نفس العمل الذي تؤديه مرة واحدة
ومش بس هتاخد ثواب
لا وكمان ده هيديك دافع مستمر لا ينتهى
لو ان الملل حاول ان يتسرب ليك.

تابعونااااااااااااااااااااااااااا

الحلقة الثالثة

ثانيا
ـ ازاي تذاكر؟

أهم صعوبة تواجه طلاب الفرقة الأولى هي ماذا وكيف يذاكر ولمعرفة ذلك يلزم معرفة ما يلي:

1-في كتب الثانوية العامة
ومناهجها كانت المعلومات مرتبة من الأبسط إلى الأكثرتعقيدا بحيث تكون كل معلومة مكتوبة قد تم شرحها في الكلام السابق لها
ومابعدها من كلام يكون مبنيا عليها
بمعنى أنه مثلا في فيزياءالثانوية العامة درست أولا( الموجات) ثم (الكهربية)
وأيضا في دراستك الآن ستكون المعلومات التي ستدرسها مرتبة من الأسهل إلى الأكثر تعقيد
ولكن نظرا للتداخل الشديد بين المعلومات و المصطلحات الطبية
فأثناء حديث الكتاب عن (الموجات) مثلاسوف يذكر بعض المعلومات والمصطلحات عن( الكهربية)
وبالطبع
ستكون أنت في هذا الوقت عاجز تماما عن فهم هذا الكلام الخاص بفصل( الكهربية)
لأنك لم تدرسه بعد وستكون محاولاتك لفهمه في الوقت الحالي إضاعة لوقتك
لأن هذا الكلام سيتم شرحه لك بالتفصيل فيما بعد
.يعني من الآخر
وحضرتك بتذاكر وجدت كلام أو جملة أو مصطلح لم يشرحه الدكتور في المحاضرة
وكمان حضرتك بحثت عن معناه في القاموس وحاولت أن تفهمه و ما فهمتوش
سيبه وكمل مذاكرة وأبقى إسأل عنه بعدين.

2- لما تيجي تذاكر
حاول أولا ً أن تفهم الكلام اللي انت هتذاكره بيتكلم عن إيه
,ثم اقرأه وحاول أن تفهمه كله قدر المستطاع
وبعد ذلك ابدأ في حفظ الأجزاء الهامة أولا ً ثم الأقل أهمية بعد ذلك.

3- بعض المواد مثل الهستولوجي
تكون مكتوبة في صورة مقالات طويلة متصلة
ولذلك
عند المذاكرة يجب أن تصنف المعلومات المكتوبة تحت أفكار مرتبة
مثلما تفعل في موضوع التعبير حيث تضع الأفكار ثم تبدأ في الحديث عن كل فكرة
فمثلا ً
عند الحديث عن أي خلية يجب أن تتحدث عن (شكلها و حجمها و وظيفتها وعضياتها و موقعها وصباغتها وهكذا

محتار ومش عارف تذاكر إزاي...ادخل هنا بسرعة School4

محتار ومش عارف تذاكر إزاي...ادخل هنا بسرعة School4

4- وكمان لازم تحط خطة
يعنى
هتقول انا هذاكر كذا وكذا وقدامي مثلا ساعتين يبقى اذاكردى لمدة ساعة مثلا واريح خمسة
وادخل على المادة التانية.
وانصحك انك فى كل جزء من السنة يكون ليك خطة
بمعنى فى الاول تبدا هادى علشان متملش وبعدين تزود المدة شوية بشوية.
وفى الاول يستحسن تذاكرمواد كتيرة فى نفس اليوم
وفى الاخر يستحسن تذاكر مادتين مثلا فى اليوم
عشان تعرف تلم المادة على بعضها.
والمادة الكبيرة زودها فى الوقت وذاكرها كل يوم
والمادة الصغيرة ممكن تقلبها فى يومين فى الاسبوع وخلاص.

5- يجب عليك أن تعلم
أنه ليس كل كلام مكتوب في الكتاب يجب أن تذاكره(تحفظه)
بل هناك كلام يجب حفظه صم
وآخر يكفي الإلمام به
وآخر يكفي فهمه
وآخر مجرد قراءته تعتبر اجتهاد منك ,
فهناك معلومات ستُسأل فيها كأسئلة مقالية
وأخرىكأسئلة إخترأوأكمل
ومعلومات أخرى هامة فقط في الشفوي .
وسيساعدكم على معرفة ذلك حضور المحاضرات والإطلاع على امتحانات الأعوام السابقة.

6- ممكن حضرتك تقعد في المحاضرة
وتحس إن انت مش فاهم أي حاجة في أي حاجة.
ماتخفش
دي ظاهرة عادية بتحدث لك ولكل زملاءك في بداية العام بسبب اللغة
ولأنك لم تدرس أي شيء بعد
وبتكون مسألة وقت ثم تتعود على النظام
وللتغلب على هذه المشكلة
يجب عليك أولا ًأن تفهم الدكتور هيتكلم في المحاضرة عن إيه
(وهذا يمكن أن يتم عن طريق الإطلاع مسبقا ً على الجزء الذي سيتم شرحه في الكتاب)،
ثانيا ً تركز مع الدكتور بأكبرقدر ممكن
وإذا قال الدكتور كلام لم تفهمه فإما أن تسأل عنه فورا
ً أو تنساه مؤقتا ًوتركز في باقي شرح الدكتور
ثم تسأل في نهاية المحاضرة
ولا تتردد مطلقاً في أن تسأل
. وكل محاضرة فائدتهاالعظمى
ان هى بتعملك حفر فى مخك تقولك مثلا الحتة دى مهمة
والحتة دى صعبة ودى مش بتيجى كتير وهكذا
ودى اكبر فائدة للمحاضرات يمكن اكتر من الفهم نفسه
لان الذاكرة دىمش بتحفظ وخلاص
لا دى عايزة تصنعلها فراغ علشان تحشى فيه
وده اللى بتعمله المحاضرة او الشرايط
المهم تدخل المعلومة باكتر من شكل ممكن

7- ظاهرة التوهان
التي تحدث لك في المحاضرة قد تستمر لبعض الوقت ثم تختفي بعد ذلك،
ولكن
إذا تأخرت أنت في المذاكرة وتراكمت عليك الدروس
التي لم تذاكرها درسا ً تلو الآخر
فسوف تستمر في الإحساس بالتوهان داخل المحاضرة
لأن الكثير من الدروس والمعلومات تكون مبنية على بعضها
ولذلك احذر أن تتأخر في المذاكرة.

تابعوناااااااااااااااااااا

الحلقة الرابعة

ثالثا:
النسيااااااااااااااااااان

هنتكلم عن مشكلة
من الحاجات اللى بتخلى نفسية معظم الطلبة سيئة جدا فى بداية الدراسة ..
خصوصا الطلبة اللى متعودين على الالتزام والمذاكرة اول باول....
وده لان الطلبة هتتفاجئ بان معظم اللى بيذاكره بيتنسى بسرعة
رهيبة جدا
طبعا كلكوا اتخضيتوا جدا من الكلام ده ....
بس انا رايى انه كلام بسيط جدا ومايستهالش الخضة ابدا ....
طب ازاى ؟؟؟
يعنى اللى هنذاكره هننساه على طول ... هنكتب ايه ف الامتحان؟؟
يا سيدى ما تتخضش ...
مين قال بس ان المشكلة دى هتستمر لحد بداية فترة الامتحانات؟؟
ومين قالك ان المشكلة دى مالهاش حل ؟؟
تعالوا ناخد الموضوع بالراحة وواحدة واحدة ...
اولا ايه هى اسباب المشكلة دى ...؟؟؟
اسباب المشكلة كالتالى ...

1- ان اللغة اللي هنذاكر بيها مختلفة عن اللغة اللى احنا اتعودنا عليها
... وده اللى اتكلمنا عنه قبل كده ...
وعرفن اازاى هنتغلب عليها

2- كمية الحاجات االلى هنذاكرها
هتختلف تماما عن الكمية اللى كنا بنذاكرها قبل كده
.... زمان كنا بنصوت للاستاذ بتاع الاحياء لو زود عن صفحتين بالعدد
وبنقوله هنذاكر ده كله امتى ؟؟
دلوقتىخلاص .. الكمية بتزيد ... وبتبقى اكبر ...
ده غير انك هتبقى بتذاكر 4 مواد مع بعضهم
وعلى فكرة معظم الدكاترة بيحاولوا يراعوا النقطة دى فى بداية السنة وهتبقى الكميات معقولة ان شاء الله ...
وحل النقطة دى بيعتمد على التعود والصبر
وعلىفكرة احنا كلنا كنا خايفين جدا من الموضوع ده
لحد ما بدانا نتعود و الحمد لله

3- كلنا طبعا كنا متعودين
على طريق ةمعينة ف المذاكرة واحنا ف ثانوى ....
كنا بنقرا الدرس ونبتدى نحفظ ونصم كل جزءفيه بالتفصيل الممل
ونبتدى نفكر ...
لو جاب النقطة دى فى صورة علل هنجاوب ازاى ؟؟؟
ولوجابها فى صورة سؤال مقالى ؟؟؟
طب لو جابها فى صورة ماذا نعنى بقولنا ان ؟؟؟
كل الكلام ده ننسااااااااااااااااه خالص ف الكلية
طريقة المذاكرة ف الكلية هتختلف تماما لعدة اسباب
......
الاول : الكمية اللى انت المفروض تذاكرها اكبر بكتير من كميات الثانوى
الثانى : اسلوب الامتحان يختلف تماما عن اسلوب الامتحان ف الثانوى ...
الثالث:ان طبيعة المواد اللى احنا هنذاكرها بتختلف تماما عن طبيعة المواد اللى
كنا بندرسها ف الثانوى

طب وازاى هنتعامل مع المشكلة دى ؟؟

1- اهم حاجة ....
الصبر الصبر الصبر ...
هو ده الحل السحرى

2- الثقة ف النفس ...
للاسف فى ناس كتير بيختل توازنها بسبب المشكلة دى وبيفقدوا الثقة فى نفسهم
بحجة انهم مش عارفين يمشوا ف الكلية ....
و البعض للاسف بيوصل بيه الحال لدرجة اليأس
والسنة بتضيع بسبب مشكلة حلها بسيط جدا
3- القراءة ....
القراية الكتير ف الكتب
مع التركيز على المصطلحات العلمية الجديدة اللى بنقابلها فى القراية
القراية الكتير بتثبت المواضيع اللى بنذاكرها
...
4- وكمان وانت بتذاكر حاول تشرك حواسك كلها
يعني تقرأ بصوت عالي وتسمع نفسك وتشوف بعينك وممكن كمان تذاكر بالكتابة
ده هيثبت المعلومة اكتر ومتنساش بسرعة
كده يبقى احنا اتكلمنا عن كل حاجة بخصوص مشكلة النسيان وحلها

تابعونااااااااااااااااااااا

طيب انا مشكلتى انى مبحش القراءة خااااااااالص

اعمل اية ؟؟؟؟؟؟؟؟

كل اللى بعملة انى ممكن اسمع شرايط وخلااااص ومش بذاكر ورااها

بذاكر على اخر السنة كدة

لما اتزنق حتى امتحانات البلوك والحوارات دى بفكنى منها

Mando كتب:: طيب انا مشكلتى انى مبحش القراءة خااااااااالص

اعمل اية ؟؟؟؟؟؟؟؟

كل اللى بعملة انى ممكن اسمع شرايط وخلااااص ومش بذاكر ورااها

بذاكر على اخر السنة كدة

لما اتزنق حتى امتحانات البلوك والحوارات دى بفكنى منها

ما هي المشكلة يا دكتور ان حضرتك بتذاكر علي اخر السنة
وكده هتبقي الكمية كبيرة اوي واكيد هتبقي الحكاية صعبة
فالقراية اول بأول هتبقي أحسن
وبالتوفيق ان شاء الله

الحلقة الخامسة:

رابعا : طرق هتفيدك

1- مثلا قدامك كام صفحة وعايز اذاكرهم
فى البداية
احب اقسم المذاكرة لنوعين:

الاول:

وهو تظبيط الموضوع
بمعنى لوعندك مصدر تانى بتفتح الاتنين مع بعض
ولو انت حضرت المحاضرة بتعلم على الكلام اللى انت سمعته
ولو بتسمع شرايط بتعلم علي الكلمات المهمة
وفي الخطوة دى بتعلم فيها على الكلمات المهمة
يعنى بتحس ان السطر كله بيصب فى الكلمة دى وهكذا
وبعد ما تخلصه
اهتلاقي الصفح رسيت على كام كلمة هما الخلاصة
وبعدين تلون العنوان الرئيسى بلون
والعناوين الفرعية بلون
ومواضيع الامتحانات بلون
وطريقة الالوان دى مفيدة جدا فى المراجعة
لانها بتساعدك على انك تفتكر بصورة كبيرة
لكن ارجو عدم الافراط فى التلوين

والثانى:

وهو استرجاع الجزء الذىذاكرته وتحشره فى مخك
والخطوة دى عايزة تركيز عكس الخطوةالاولى
يبقى انت لو مش مركز
هتبدأ تمسك جزء جديد وتخططه
ولما تبقى مركز تبدامرحلة حشر المعلومة.
انت دلوقتى
خططت فى الكتاب على الكلمات المهمة وذاكرتها وفهمتها

عايز بقىتحفظ؟
خدوا بقي الطريقة دى

1- حاول تكون علاقة بين الكلمات وبعضها
حتى لو مفيش علاقة
مثلا عن طريق قصة:
يعنى مثلا:
بنت قلم شجرة كمبيوتر كتاب موبايل احمر اسود دكتوربالط
وحاول انك تعمل قصة فى خيالك وبالترتيب
بحيث انك لما تشوف الكلمات دى تفتكر القصة
مثلا:تخيل ان البنت بترسم بالقلم شجرة
والشجرة بتطرح كمبيوترات وكل كمبيوتر فيه صوره كتاب
فيه موبايل احمر فى اسود ماسكه دكتور لابس بالطو ابيض
.هتلاقيك حفظت كلمات ليس لها علاقة ببعض الا القصة اللى فى خيالك.

وممكن تكون القصة متحركة
يعنى مثل اتخيل القلب شقتين فوق بعض
كل شقة حجرتين يمين وشمال معزولين عن بعض تماما
وبين كل حجرة والحجرة اللى فوقها باب يعدى الماء من فوق لتحت بس
وفىالحجرتين اللى تحت
مضختين موصلين على ماسورتين كبارالاورطى والشريان الرئوى
الماسورة الكبيرة(الاورطى) بتروح تغزى العمارة كلها( الجسم)
وبعدين اللى راجع من العمارة يروح الحجرة اللى فوق يمين
وبعدين ينزل من الباب (الصمام)ويروح للحجرة اللىتحت يمين
ومنه للماسورة التانية بتروح على وحدة الفلترة(الرئة)
ويرجع منها الماء على الحجرة اللى فوق شمال ( الاوردة الرئوية)
وبعدين ينزل للحجرة اللى تحت شمال
ويروح للمسورة الكبيرة تانى

.2- وممكن تكون طريقة الحفظ باول حرف من كل كلمة
وتكون حاجة تحفظها
مثال Igs
ممكن تجمعهم في كلمة جامد أو ماجد
اللي هما IgM,IgA,IgG,IgE,IgD

3- وممكن يكون الحفظ بطريقة انك بتذاكر موضوعين مع بعضوبتحاول تقرب بين العناوين اللى فى النص

تابعونااااااااااااااااااااااااااا

الحلقة السادسة والأخيرة:

خامسا:
ملاحظات بالنسبة للمواد:

1- الفسيولوجى

هي مادة عايزة فهم
و لازم تتذاكر اول باول
وهي دي المادة اللى ماينفعش نسيب فيها حاجة مش متذاكرة لاخر السنة
لانها هتتراكم عليك وبتبقي متعبة للغاية لو تراكمت

2- مادة التشريح

محتار ومش عارف تذاكر إزاي...ادخل هنا بسرعة Skleton

محتار ومش عارف تذاكر إزاي...ادخل هنا بسرعة Skleton

هى تانى اكبر مادة ف الحجم بعد الفسيولوجى على طول
وهى مهمة جد الكل اللى ناوى يشتغل جراحة ان شاء الله
وبتحتاج لشوية تخيل اثناء المذاكرة
ويا ريت كل واحد وهو بيذاكر يكون جنبه أطلس صور
يبص فيه مع الكلام النظري
زي أطالس الدكتور فوزي جاب الله
و يمسك ورقة وقلم ويرسم اللى بيذاكره
هتبقى المادة اسهل وابسط بكتيران شاء الله

3- الهستولوجي

محتار ومش عارف تذاكر إزاي...ادخل هنا بسرعة UterineHistologyThumbnail

محتار ومش عارف تذاكر إزاي...ادخل هنا بسرعة UterineHistologyThumbnail

زي ما قلنا قبل كده
انها بتكون مكتوبة في صورة مقالات طويلة متصلة
ولذلك عند المذاكرة
يجب أن تصنف المعلومات المكتوبة تحت أفكار مرتبة
مثلما تفعل في موضوع التعبير
حيث تضع الأفكار ثم تبدأ في الحديث عن كل فكرة
فمثلا
ًعند الحديث عن أي خلية
يجب أن تتحدث عن شكلها و حجمها و وظيفتها وعضياتها و موقعها وصباغتها وهكذا
وكمان فيه حاجة
فيه ناس كتير بتتشغل بمذاكرة المواد الكبيرة ويركنوا الهستولوجي
فيا ريت محدش يعمل كده
وحاول تنظم وقتك وتاخد فكرة عن المادة
لانك لو سبتها تتراكم عليك لحد اخر السنة هتبقي صعبة وتقيلة عليك جدا

4-الكيمياء الحيوية

محتار ومش عارف تذاكر إزاي...ادخل هنا بسرعة CSL0022%5B1%5D

محتار ومش عارف تذاكر إزاي...ادخل هنا بسرعة CSL0022%5B1%5D

ودي لازم تذاكرها اول بأول وتكررها كذا مرة
علشان الصيغ والمعادلات الكيميائية تثبت في مخك
وممكن تجيب كتب الدكتور سعيد عرابي هتساعدك

أخيرا:

دعاء بدء المذاكرة:

الله اني اسألك فهم النبيين وحفظ المرسلين والملائكة المقربين اللهم اجعل السنتنا عامرة بذكرك وقلوبنا بخشيتك انك علي ما تشاء قدير

دعاء الانتهاء من المذاكرة:

اللهم اني استودعك ما قرأت وما حفظت وما فهمت فرده الي عند حاجتي اليه

وبالتوفيق ان شاء الله

تمت

السلام عليكم و رحمة الله و بركاته

محتار ومش عارف تذاكر إزاي...ادخل هنا بسرعة 28145524

الموضوع ده فعلا غاية في الروعة
و حضرتك تقريبا ما سبتيش حاجة تقريبا

محتار ومش عارف تذاكر إزاي...ادخل هنا بسرعة 4_17_5

و فعلا فعلا نصيحة لأي حد هيقرى الموضوع ده
ركز في كل حرف

و أنا كان نفسي الموضوع ده يبقى مرجع لينا كلنا في طريقة المذاكرة
يعني ياريت كل واحد يدخل و يقول طريقته في المذاكرة إزاي
بس الكلام ده يكون بشكل عام
يعني ممكن يتطبق على كل أو معظم المواد
إنما لو حد عايز يتكلم عن مادة معينة بشكل خاص
يقول في الجزء الخاص بالمادة دي في المنتدى
و فعلا هنستفيد من بعض جامد جدا جدا جدا

و أنا ربنا يسهل و أدخل أقول طريقتي
و هاعتمد الكلام اللي فوق ده
يعني هزود عليه بس شوية حاجات بسيطة

توكلو على ربنا
ومتحملوش هم
ربنا معاكم
ورمضان كريم

ربنا يبارك فيكم موضوع جدا رؤؤؤؤؤؤؤؤؤؤؤؤعه اهم شي انك لا تحعل المشكلات تتحكم عليك فكل مشكله حل ولكل داء دواء خلي املك بالله كبير stress

» ادخل بسرعة وحمّل محاضرات الكلية ف 5
» تلميذ د:ابراهيم الفقي. ادخل بسرعة
» محتار باطنة ام اطفال