يللا نكمل أو نبدأ تاني إن شاء الله

و مازال النقاش مستمرا إن شاء الله
من وجهة نظرك
1- ما مدى انتشار الغش بكل انواعه
2- و اسباب انتشاره
3- نتائجه
4- الحلول المطروحة إن شاء الله (و إن كانت غير واقعية)

How To Be Intelligent كتب:: و مازال النقاش مستمرا إن شاء الله
من وجهة نظرك
1- ما مدى انتشار الغش بكل انواعه
المدى ليس بضئيل بكفي اننا واخدين بالنا ان فيه غش وده معناه انه انتشر بنسبه صعب ان توصف انها ضئيله
واعتقد اكثرها انتشارا الغش اثناء التبضع ( المطففين ) والغش التجاري
ثم ياتي بعدها الغش في العقارات (مثلا كبيع ارض عليها مشكله قانونيه او يكون عليها اكثر من صك)
2- و اسباب انتشاره
اهم سبب هو غياب الوازع الديني اللذي ادى الى انعدام الضمير وبالتالي كانت نتيجته هذا الانحطاط الخلقي

3- نتائجه
بما ان الغش صوره من صور النفاق سوف يؤدي بالضروره الى نتائج سلبيه على الفرد والمجتمع مما يجعل انعدام الثقه بين البائع والمستهلك نتيجه حتميه
ايضا استغفال الناس في الغش إن كان في الطعام وإن كان في الشراب وإن كان في اللباس أو في المركوب أيا كان نوعه سيارة أو طيارة أو باخرة او مباني سوف يؤدي الى مضار كثيرة وكبيرة قد يصل الأمر فيها إلى إزهاق الأرواح كمن يبيع قطع الغيار المقلدة مثلاً مدعياً أنها الأصلية وأنها من النوع الجيد الممتاز فيستعملها الناس تبعاً لذلك ثم يحصل المكروه بسبب عدم جودتها فقد يكون في هذا والعياذ بالله الاقدام على قتل النفس مع سبق الإصرار فهذا من نتائج الغش وكذلك الطعام والشراب وما يتأثر به الناس في صحتهم وسلامتهم كمن يدخل في المواد المستخدمة في الأكل والشرب مواد ضارة إما مواد حافظة واما ملونة وإما غيرها ويكتب في إعلانه أو دعايته بأنه خال من المواد الضارة او الحافظه 100%

4- الحلول المطروحة إن شاء الله (و إن كانت غير واقعية)
تختلف تبعا لاختلاف انواع الغش فمثلا لماذا لا يفرض القانون اقصى عقوبه على اصحاب الغش في العقارات او في المركوب او الطعام اللذي قد تؤدي الى قتل ارواح الناس بالباطل من رايي انهم يستحقون الاعدام ليس الا
لعلماء الدين دور هام جدا في تخويف الناس من الغش بكل انواعه وان الرسول عليه الصلاه والسلام قد نصها صريحه من غشنا فليس منا لو عقلنا هذه الجمله جيدا لفكر من تسول له نفسه الف مره قبل ان يقدم على صفه ذميمه مثل الغش

ياريت نتكلم عن الايجابية و السلبية

الايجابيه في ايه بالظبط؟؟؟؟؟؟؟؟ scratch

الايجابية كسلوك عموما
يعني دايما بحس اننا كل ما بنكبر اكتر
كل ما بتقل قدرتنا على اننا نعبر عن رأينا
مع ان المفروض يبقى العكس
لكن بحس ان في ظروف حوالينا بتفرض علينا كده
نفسي نتغير نقدر نقول رأينا بس بكل ذوق
و من غير ما ندايق حد
نطالب بحقوقنا من غير ما نجور على حقوق حد
يعني ممكن بس ندور على اسباب اختفائها المتزايد
و نشوف ازاي نعالجها و ازاي يبقى بالنسبة لنا أسلوب حياة
بس

الأسباب (منها)انعدام الوازع الديني و ليس هو كل الأسباب و إلا لماذا لا نرى كل هذا الكم من الغش في الغرب؟

والسبب ببساطة هو تغليظ العقوبات و جمعيلت حماية المستهلك هناك اسم على مسمى بجد
و اقترح احل المشكله طبعا بعد ما نبدأ بنفسنا و نلتزم الأمانة في الطب اللي هوا شغلنا و كمان في تربية أولادنا ان شاء الله يعني بلاش حكاية (قوله بابا مش موجود)دي اللي بتزرع الكدب جواهم
بعد كل ده فيه نوع آخر من الإيجابية لما تقع انت ضحيه للغش خليك إيجابي روح للتاجر اللي غشك حتى و انت عارف انك مش واخد منه لا حق ولا باطل و عرفه انه غشك بأسلوب مؤدب طبعا لأن مش الغرض الخناق قد ما الغرض اننا بس نكسشفه قدام نفسه و ان المستهلك مش بالغباء اللي هو كان متخيله يمكن يختشي مع اللي بعدك

بجد بجد منووووورررررة

في جانب تاني
هو اني بحس ان الناس مبتبقاش مستعدة تدفع تمن الايجابية
يعني ابسط حاجة المواصلات و السواقين اللي تلاقيهم بيتنططوا علينا
و ميمشوش الا لما حد يقف في العربية
في ناس بتركب لمجرد انها متستناش خمس دقايق حتى لو كانت مش مستعجلة
و تركب عربية قريبة عشان متروحش للبعيدة حتى لو كانت مش تعبانة مجرد كسل
لو السواقين كانوا عافين انه محدش هيرضى يركب كدا
مكانوش هيقدروا يعملوا كدا

How To Be Intelligent كتب:: و مازال النقاش مستمرا إن شاء الله

يااااااااااااااااااااااااه............النقاش ده من فترة كبيرة......للأسف انا متابعتش الموضوع

من وجهة نظرك
1- ما مدى انتشار الغش بكل انواعه
الغش طبعا منتشر بصورة كبيرة جدا وفى مجالات متنوعة.....مثلا
غش فى التعليم
غش فى الطعام
غش فى المعاملات فى الاسواق
غش فى كل شىء

2- و اسباب انتشاره
نقص الايمان فعلا.........وكمان من صغرنا والحكايه دى فى زهننا انها غلط وليست حرام.......يعنى كان فيه اللى بيقول لنا انها غلط........مع انه لو كان قال انها حرام كان هيبقى لها تأثير أكبر.
كمان تلاقى ام لصيق لنا مثلا.....رايحة لزميل ابنها.....وتقوله احنا قرايب...معلشى تبقى شوف ابنى عايز ايه وقول له احسن يسقط.........ومن هنا رسخت الام فى ابنها الغش وانه شىء عادى.
اصل اسبابه كلها نهايتها نقص الايمان والذى يسبب نقص الوعى والتهاون.
كمان لو نظرنا للغش فى الحياة هنلاقى برده اصله نقص الايمان......واننا تناسينا ان الله يرانا واننا سنُحاسب

3- نتائجه
فشل......فعلا الغش يؤدى الى الفشل.......لأن الغش أصلا هو تعويض عن نقص....لذلك سيظل هذا النقص موجود
مثلا....الولد غش اليوم.......طول عمره هيبقى كده...أى نقص يواجهه او مشكله هيعالجها بالغش
لما مثلا يكبر ويشتغل ويلاقى الفلوس مش اد كده معاه........هيبدأ يغش فى وظيفته

4- الحلول المطروحة إن شاء الله (و إن كانت غير واقعية)
هو دور متكامل من الجميع
يبدأ من الطفل حيث اسرته وترسيخ أن الغش حرام وسيُعاقب عليه
ثم المدرسه ودور المعلم
ثم الاعلام ودور الدعاة
ثم المجتمع عامة...فى التوجيه

كمان انى أعلم الطفل ان الغش بيجيب مصايب عن طريق مثلا قصه...او مثلا مقلب اعمله فيه.....كنوع من التعليم

هو انتم خلصتوا مشكله الغش وانا كتبت فيها؟؟

ولا ايه؟

» باسم الله .... نبدأ النسا ...........
» يلا نبدأ من الصعب !!!!!!
» مش عارفين نبدأ